2 कोरिन्थी 7:1 - राना थारु नयाँ नियम

¹ जहेमारे मेरे प्यारे सँगीउ, हमरे सँग बे प्रतिज्ञा भओके मारे शरीर और आत्मासे होन बारो सब मेलको गलत काम करन छोडओ और परमेश्वरके आदर करके हमके पुरा रुपमे पबित्र जीबन बितानके कोसिस करन पणत हए।

परमेस्वर को सच्चो वचन

¹ मेरे प्रिय भईय्यौ, जब खिन कि जे प्रतिग्याएँ हमकै मिली हैं, तौ आबौ, हम अपने आपकै सरीर और आत्मा की सब मलिनता से सुद्ध करैं, और परमेस्वर को डर मानत भै पवित्रता कै पूरो करैं।

2 कोरिन्थी 7:1 Iomraidhean Croise

मत्ती 12:33

“अगर एक रुखा अच्छो हए, तओ बोको फरा फिर अच्छो हुइहए। अगर रुखा खराब हए, बोको फरा फिर खराब हुइहए। काहेकी रुखा फरासे चिन्हाइ देत हएं।

मत्ती 5:48

जहेमारे, तुम हमेसा बहे करओ जो सही हए, सिद्ध बनओ जैसी तुमर स्वर्गमे होन बारो दौवा सिद्ध हए।”

मत्ती 5:8

धन्य हएं बे, जौनके ठिन शुद्ध ह्रदय हए, काहेकी बे परमेश्वरके देखंगे।

प्रेरित 9:31

अइसियए सारा यहूदिया परदेश, गालील परदेश और सामरियामे मण्डलीनके पबित्र आत्मा द्वारा उत्सहा मिलतए गओ। और प्रभुको डरमे नेँगतए और पबित्र आत्मासे शान्ति मिलके बे बहुत आदमी प्रभु येशूमे बिश्वास करीं।

रोमियों 5:20

मोशाको नियम कानुन जाकेमारे दओगओ ताकी सब आदमी देख पामएं, कि बे कितने पापी रहएं। पर जब आदमीनको पाप बढो, तओ परमेश्वरको अनुग्रह औ जद्धा बढिगओ।

1 कोरिन्थी 6:20

परमेश्वर तुमके किमतके रुपमे अपनो जीबन दइके तुमके छुटकारा करीहए, जहेमारे अपने शरीरके द्वारा परमेश्वरके महिमा करओ।

2 कोरिन्थी 1:20

काहेकी परमेश्वरके सब प्रतिज्ञा ख्रीष्टमे पुरा होत हए। जहेमारे परमेश्वरके महिमाके ताहीं हम “आमेन” कहात हएं।

इफिसियों 2:3

हम फिर पापी स्वभाबके इच्छन्के पुरा करके जीइत रहएं, जो फिर हमर खराब इच्छा और बिचार हमसे कर्बान चाँहत रहए हम बहे करत रहएं। और बाँकी औ सबए कता, हम फिर स्वाभाबिक रुपसे बुरे रहएं और परमेश्वरको दण्डके अधिनमे रहएं।

1 थेसलोनिकी 3:13

हम प्राथना करत हएं, कि हामरो प्रभु येशू तुमर मनके मजबुत करए, कि जब हमर प्रभु येशू अपने सब पबित्र आदमीनके सँग लौटके आए तओ बे हमर दौवा परमेश्वरके अग्गु पबित्रतामे निर्दोष होमएं।

1 थेसलोनिकी 4:7

काहेकी परमेश्वर हमके अशुद्ध जीबन जीइनके ताहीं नाए, पर पबित्र जीबन जीइनके ताहीं बुलाइ हए।

1 थेसलोनिकी 5:23

शान्ति देन बारो परमेश्वर तुमके पुरा रुपसे पबित्र बनाए; तुमर पुरो आत्मा, प्राण और शरीर हमर प्रभु येशू ख्रीष्ट दुबारा लौटके नाए आनतक निर्दोष और सुरक्षित बचे रहाओ।

हिब्रू 12:23

तुम परमेश्वरको सबसे बडो सन्तानको मण्डलीके सभामे आए हओ, जौननको नाउँ स्वर्गमे लिखेहएं। बे स्वर्गमे रहान बारे बेहीं धर्मी आदमीनको आत्मा हएं जौननके अब सिद्ध बनाओ गओ हए। तुम अपनए परमेश्वरके ठिन आए हओ, जो सब चिजनके उपर न्यायी हए।

हिब्रू 12:28

बहेमारे हलानए नाए पान बारो राज्य पाएके कारण धन्यबाद दमएं। जहेमारे हम भक्ति और डरसे परमेश्वरके ग्रहणयोग्य होन बारो आराधना चढामएं।

हिब्रू 4:1

परमेश्वर हमके प्रतिज्ञा करीहए, कि हम विश्रामको ठाउँमे जामंगे। जहेमारे होशियार रहाबओ, तुमर मैसे कोइ फिर प्रतिज्ञा करोभओ विश्रामके ठाउँमे जानके नाए छुटए।

हिब्रू 6:9

मेरे प्यारे भइयओ! तुम असल काम कर रहेहओ। काहेकी परमेश्वर तुमके पहिलेसे मुक्ति दइ हए। जहेमारे जे चेतावनी तुमर बारेमे नाए हए।

याकूब 4:8

परमेश्वरके ढिँगै आबओ, तओ बा फिर तुमर ढिँगै आबैगो। हे पापीउ, अपने जीबनसे पापके दुर करओ, और बे आदमी जौन दुई मन बारे हएं, अपने हृदयके पबित्र करओ।

1 पतरस 1:15

तुमर करन बारे सब बातमे अपनएके गलत चीजसे अलग करओ, काहेकी परमेश्वर, जौन तुमके चुनी हए, बा पबित्र हए।

1 पतरस 1:17

परमेश्वर सब आदमीनको करोभओ कामके बारेमे जानत हए। और बा सबए जनैके बिना पक्षपात करे न्याय करत हए। जब तुम परमेश्वरसे प्राथना करत हओ, तओ तुम बासे दौवा कहात हओ। अइसो हए कहेसे सदादीन बाको आदर करओ। जब तक तुम जा धर्तीमे परदेशीन कता अपरिचित कता रहाबैगे।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

1 पतरस 2:11

प्रिय हो, तुम जा संसारमे बिदेशी और प्रवासी कता बैठे हओ। मए तुमके बिन्ती करत हओं, कि बे सबए दुष्ट शारीरिक इच्छनसे अलग रहाओ, काहेकी अइसे चाहना आत्माके बिरोधमे रोज लडत हएं।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

1 यूहन्ना 1:7

बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।

1 यूहन्ना 1:9

अगर हम परमेश्वरके अग्गु अपनो पापके स्वीकार करएं, तओ हमर पापके क्षमा करनमे, और हमएं सब अधर्मसे शुद्ध करनमे बिश्वासयोग्य और धर्मी हए।

1 यूहन्ना 3:3

और जोकोइ ख्रीष्टमे जा आसरा करत हए, बो अपनएके पबित्र करत हए, जैसो बा पबित्र हए।