2 कोरिन्थी 5:11 - राना थारु नयाँ नियम

¹¹ जहेमारे प्रभुको भय मानके हम आदमीनके सच्चाईमे बिश्वास करन बिन्ती करत हएं। और परमेश्वर हमके पुरा रुपमे जानत हए। और मए आसरा करत हओं, कि तुमर बिबेकमे तुम हमके अच्छेसे चीन्हत हओ।

परमेस्वर को सच्चो वचन

¹¹ हम जानथैं कि प्रभु से डरान को का मतलब है, और इसलै हम दुसरेन कै मानन कि कोसिस करथैं। परमेस्वर हमैं पूरी तरह से जानथै, और मोकै उमीद है कि तुमरे दिलन मैं भी तुम मोकै जानथौ।

2 कोरिन्थी 5:11 Iomraidhean Croise

मत्ती 10:28

जौन शरीरके मारडारत हए, पर प्राणके नाए मारपात हए, बिनसे मतडरओ; पर परमेश्वरसे डराबओ, जौन आत्मा और शरीर दोनएके नरकमे नाश करसकत हए।

मत्ती 25:46

और जौन दिब्रा घेन हएं जे कभी फिर अन्त नाए होन बारो दण्ड भोगंगे पर धर्मी आदमी कभी फिर नाश नाए होन बारो जीबनमे प्रबेश करंगे।”

लूका 12:5

पर कौनसे डरान पणत हए, मए तुमके चेतावनी देत हओं: बहेसे डरान पणतहए, जौनकसँग शरीरके मारके, नरकको दण्ड देन बारो शक्ति हए। मए तुमसे कहात हओं, बहेसे डराबओ।

लूका 16:31

तओ अब्राहाम बोसे कही, ‘अगर मोशाको नियम कानुन और अगमबक्तनको आज्ञा नाए मनेहए तओ, अगर मरे भए मैसे कोइ फिर जिन्दा हुइके जाएसे फिर, बे बिश्वास नाए करंगे।’”

प्रेरित 13:43

जब यहूदी सभाघर निभटके बिदा भए, तओ बहुत आदमी यहूदी दलके नेता और यहूदी धर्म मानन बारे भक्त मनै, पावल और बारनाबासके पिच्छु लग्गए। पावल और बारनाबास उनसे बात करके, रोज परमेश्वरके अनुग्रहमे रहे रहियओ कहिके बिन्ती करीं।

प्रेरित 18:13

“जा आदमी हमर नियम कानुन सँग नाए मिलन हिसाबसे परमेश्वरके आराधना करन सिखाएके आदमीनके बिगाडन ढुँणरहो हए।”

प्रेरित 18:4

पावल हरेक पबित्र दिनमे यहूदीनको यहूदी सभाघरमे जाएके यहूदी और ग्रीक देशके, येशू ख्रीष्टमे बिश्वास करनके ताहीं सम्झानके कोसिस करत रहए।

प्रेरित 19:26

पर बो पावल का कहात हए, तुम अपनए देख रहेहओ और सुनरहे हओ। आदमीको हातसे बनाए भए देवता, देबतए नाए हएं कहात हए। बो हियाँ एफिसस सहरमे इकल्लो नाए हए पर एशिया परदेशमे रहान बारे सबए आदमीनके अपनो बातमे फुलसाएके बहकाए लैगओ हए।

प्रेरित 26:26

राजा अग्रिपासके जे बातके बारेमे सब पता हए, बोसे मए जा बात निडर हुइके कहे सकत हओं। और मोके बिश्वास हए, कि जे बात बासे लुकी नैयाँ, काहेकी जे बात गुप्तमे नाए भओ रहए।

प्रेरित 28:23

तओ पिच्छु बे यहूदी पावलको बातके सुननके दिन तोकीं। तुको भओ दिनमे पहिलेसे जद्धा यहूदी इकट्ठा हुइके पावलको डेरामे आए। बो दिन पावल सुबेरेसे संझी तक परमेश्वरको राज्यके बारेमे शिक्षा दइ। पबित्र-शास्त्रमे मोशाको नियम कानुन और अगमबक्तनको लिखो भओ बात लैके पावल येशूके बारेमे सम्झातए बिनके बिश्वासमे लानके कोसिस करी।

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

2 कोरिन्थी 5:20

जहेमारे हम ख्रीष्टके राजदूत हएं, और परमेश्वर आदमीनके हम द्वारा बाको सन्देश स्वीकार करनके बिन्ती करनडटो हए। ख्रीष्टके पक्षमे हम तुमके बिन्ती करत हएं, कि तुम परमेश्वर सँग मेलमिलापमे आबओ।

2 कोरिन्थी 6:1

हम परमेश्वरए सँग काम करत हएं और जहे हैसियतसे तुमके बिन्ती करत हएं, तुम परमेश्वरको अनुग्रह पाएके अब बो व्यर्थ होन मतदेओ।

गलातियों 1:10

स्पष्ट रुपसे, मए आदमीनके खुसी करनके कोसिस नाए कररहो हओं, पर मए परमेश्वरके खुसी करन चाँहत हओं। मए आदमीनके खुसी करनके कोसिस नाए कररहो हओं, अगर मए अबतक आदमीनके खुसी करत रहितो तओ ख्रीष्टको दास नाए हुइतो।

इफिसियों 5:21

हम ख्रीष्ट प्रती को भक्ति करेके कारण एक-दुस्रेके अधीनमे बैठओ।

हिब्रू 10:31

जिन्दा परमेश्वरको हातसे सजाय पानके बहुत डर लगन बारी बात हए।

हिब्रू 12:29

काहेकी हमर परमेश्वर भसम करन बारो आगी कता हए।

यहूदा 1:23

औरेनके, न्यायको आगीसे तानके बचाओ। औ आदमी हएं, जौननके तुमके दया दिखानके जरुरी हए, पर सँगए-सँग होसियार फिर होनके हए। बिनको पापमय अभिलाषासे उनको लत्ता अपबित्र बनोगओ सोँचके तुमके उनको सब लत्ता घृणा करन पणैगो।