2 कोरिन्थी 13:11 - राना थारु नयाँ नियम

¹¹ अन्तमे बिश्वासी ददाभइया, अब बिदा पामओं। सिध्दताको लक्ष्य धरओ। एक-दुस्रेके उत्साहित करओ। एक-दुस्रेके सँग सहमत होबओ। शान्तिमे रहबओ, तओ प्रेम और शान्तिको परमेश्वर तुमर सँग होबैगो।

परमेस्वर को सच्चो वचन

¹¹ और अब, मेरे भईय्यौ और बहेनियौ, अलविदा! हमेसा के ताहीं कोसिस; मेरी मिन्नत कै सुनौ; एक दूसरे से सहमत; सांति से जियो। और प्यार और सांति के परमेस्वर तुमरे संग रहमंगे।

2 कोरिन्थी 13:11 Iomraidhean Croise

मत्ती 1:23

“देखओ, एक कन्या गर्भधारण करैगी, और बो एक बच्चाको जनम देबैगी, और बाको नाउँ इम्मानुएल धरो जाबैगो,” जाको अर्थ हए, “परमेश्वर हमरे सँग हए।”

मत्ती 5:48

जहेमारे, तुम हमेसा बहे करओ जो सही हए, सिद्ध बनओ जैसी तुमर स्वर्गमे होन बारो दौवा सिद्ध हए।”

मर्कूस 10:49

जब येशू बक बात सुनी, तओ बा रुकिगओ और आसपासके आदमीनसे बोके लानके ताहीं कही। और बे बा अन्धरा आदमीके अइसे कहीके बुलाइं, “खुसी हो, उठ, येशू तोके बुलातहए।”

मर्कूस 9:50

नुन अच्छो हए, पर अगर नुनको स्वाद चलो जएहए कहेसे बोको स्वाद फिर कैसे लामङगे? तुममे नुनको गुण होन पणो और एकदुस्रेके सँग शान्तिसे रहान पणो।”

लूका 9:61

दुस्रो फिर कहीं, “प्रभु, मए तिर पिच्छु लागंगो, पर पहिले अपन घर बारेनसे मोके बिदा लेनदेओ।”

यूहन्ना 17:23

मए बिनमे, और तुम मोएमे हओ। जहे रितिसे बे फिर पुरा रुपसे एक होमएं। तुम्ही मोके पठाए, और जैसी तुम मोके प्रेम करे, उइसी बिनके फिर प्रेम करत हओ कहिके संसारके आदमी जान पामएं।”

प्रेरित 15:29

अब खास बात जेहीँ हएं: मूर्तिनको बलि चढाओ भओ खानु मत् खैयओ, कोइ जनाबरको खुन मत् पिइयओ, घेँट अमेठके मारो भओ जनाबरको बुट्टी मतखैओ और व्यभिचारीन्से अलग हुइके बैठियओ। जे बातके पालन करे कहेसे तुमके अच्छो होबैगो। तुम सबके भलाइ होबए। कहान बारी बात इत्कए हए।”

प्रेरित 18:21

पावल अइसे कहिके बिनसे बिदा भओ, “अगर परमेश्वरको इच्छा भओ कहेसे मए फिर तुमर ठिना आमंगो।” तओ फिर बो एफिसस सहरसे समुन्दरके डगर हुइके गओ।

प्रेरित 23:30

जा आदमीको बिरुद्धमे षड्यन्त्र हुइ रहो हए, जा बातको खबर मोके मिलो गओ। और जाके तुरन्त तुमर ठिन पठाओ हओं। और बे यहूदी समुह, जौन जाके बिरुद्धमे दोष लगात हएं बिनके तुमर अग्गु बयान देन पणैगो, करके आदेश दओ हओं।”

रोमियों 12:16

एक-दुसरेन्को उत्नुए ध्यान देओ जित्ना तुम अपनएके ध्यान करत हओ, घमण्ड मत् करओ, पर नम्र बारेनके सँगत करओ और अपनी नजरमे जनैया मतहोबओ।

रोमियों 12:18

हुइ सिकत हए कहेसे सबके सँग शान्तिमे मिल्के बैठओ।

रोमियों 14:19

जहेमारे हमके हमेसा आदमीनके शान्तिमे एकए सँग रहानके ताहीं और एकदुस्रेके बिश्वासमे बलियो होनके ताहीं मदत करन पणत हए।

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

रोमियों 15:33

मए प्राथना करत हओं कि परमेश्वर, जो शान्ति देतहए, तुम सबएके सँग रहाबए। आमेन।

रोमियों 16:20

शान्तिको परमेश्वर शैतानके नाश करदेबैगो और बोके तुमर अधिनमे करदेबैगो। हमर प्रभु येशू ख्रीष्टको अनुग्रह तुमर सँग रहातए रहाबए।

1 कोरिन्थी 1:10

हे बिश्वासी ददाभइया, हमर प्रभु येशू ख्रीष्टको अधिकारसे, मए तुमसे अइसे करनके ताहीं बिन्ती करत हओं, कि तुमरमे फुट नाए होनचाहो।

2 कोरिन्थी 1:4

परमेश्वर हमर सब मेलके दुखमे सान्त्वना देतहए, ताकी हम फिर दुस्रेनके सान्त्वना दइ पामएं। जैसी परमेश्वर हमके सान्त्वना दइहए उइसी हम औरेनके सान्त्वना दइ सकत हएं।

2 कोरिन्थी 13:14

प्रभु येशू ख्रीष्टको अनुग्रह, परमेश्वरको प्रेम और पबित्र आत्माको संगती तुमर सबए सँग रहबए।

2 कोरिन्थी 13:9

काहेकी हम बिश्वासमे कमजोर हएं और तुम बिश्वासमे बलियो हओ कहेसे हम आनन्दित होत हएं। तुमर बिश्वासको प्रगतीके ताहीं हम प्राथना करत हएं।

इफिसियों 4:12

उनको जिम्मेदारी जा हए, कि बे परमेश्वरके पबित्र आदमीनके बाको काम करनके ताहीं तयार करएं और ख्रीष्टको शरीर अर्थात् मण्डलीनके निर्माण करएं।

इफिसियों 4:3

अइसो काम करनके कोसिस करओ, ताकी तुम लगातार मेलमिलापमे बने रहाओ। काहेकी तुम परमेश्वरको आत्माके द्वारा एक करेगए हओ।

इफिसियों 6:23

मए हमर दौवा परमेश्वरसे और प्रभु येशू ख्रीष्टसे प्राथना करत हओं, कि बे तुम बिश्वासी ददाभइयनके शान्ति देमएं। बे अइसे करएं, कि अपनए एकदुस्रेसे प्रेम करएं और ख्रीष्टमे निरन्तर बिश्वास करतए रहाएं।

फिलिप्पी 1:27

खास बात जहेहए, कि ख्रीष्टको अच्छो समाचारके सुहान बारो चल-चलन होबए। जहेमारे, मए तुमके देखओं या नाए देखओं, तुमर बारेमे जा सुनन पामओं, कि तुम एकए उदेश्यमे स्थिर हओ, और एकए सँग लडनके ताहीं बहे बिश्वासके ताहीं लडत हओ, जो अच्छो समाचारसे आत हए।

फिलिप्पी 3:16

जहेमारे हमके उइसो सच्चाईके अनुसार काम करन चाहो, जौनके परमेश्वर पहिलीयसे हममे प्रकट करीहए।

फिलिप्पी 4:2

मए इयोदिया और सुन्तुखे दुनौ जनैके अनुरोध करत हओं, कि बे प्रभुमे एकतामे रहामएं।

फिलिप्पी 4:4

प्रभुमे रोज आनन्द करओ, मए फिरसे कहात हओं, आनन्द करओ।

फिलिप्पी 4:9

मेरे शब्दसे और मेरे कामसे जो कुछ तुम सिखे हओ और पाएहओ, बिनके पालन करओ, तओ शान्ति देन बारो परमेश्वर तुमरसँग रहाबैगो।

1 थेसलोनिकी 3:10

हम नियमित रुपसे लगातर बहुत प्राथना करत रहात हएं, कि तुमके फिरसे भेँट करन आए पामएं, ताकी प्रभु येशू ख्रीष्टमे औ जद्धा मजबुतमे बिश्वास करनमे तुमर मदत करपामएं।

1 थेसलोनिकी 4:1

हे मेरे बिश्वासी ददाभइयओ, निष्कर्षमे जा हए, कि हम प्रभु येशू ख्रीष्टके नाउँमे तुमसे बिन्ती और आग्रह करत हएं कि अइसे तरिकासे जीबन जीइबओ, जो परमेश्वरके खुसी करत हए, जैसे हम तुमके सिखाए हएं। तुम पहिलीयएसे जा तरिकासे जीइत हओ, और हम तुमके अइसे करनके ताहीं औ जद्धा प्रोत्सहान करत हएं।

1 थेसलोनिकी 4:18

जहेमारे जे बातसे तुम एकदुस्रेके उत्सहा दए करओ।

1 थेसलोनिकी 5:13

और जो कुछ तुमर ताहीं करत हएं, बहेमारे उनको बहुत आदर करओ, और उनके बहुत प्रेम करओ, और एक-दुस्रेमे मेलमिलापसे रहाओ।

1 थेसलोनिकी 5:16

सब दिन खुसी राहओ।

1 थेसलोनिकी 5:23

शान्ति देन बारो परमेश्वर तुमके पुरा रुपसे पबित्र बनाए; तुमर पुरो आत्मा, प्राण और शरीर हमर प्रभु येशू ख्रीष्ट दुबारा लौटके नाए आनतक निर्दोष और सुरक्षित बचे रहाओ।

2 थेसलोनिकी 2:16

हम अपनए हमर प्रभु येशू ख्रीष्टसे और हमर दौवा परमेश्वरसे प्राथना करत हएं, जो हमसे प्रेम करत हएं, और जौन अपनो अनुग्रहसे हमके कभी फिर अन्त नाए होन बारो प्रोत्सहान और मजबुत आसरा दइ हए।

2 थेसलोनिकी 3:1

अन्तमे हे मेरे बिश्वासी ददाभइयओ, हमर ताहीं प्राथना करे करओ, ताकी हम जल्दीयए हर ठिहामे प्रभु येशू ख्रीष्टके बारेमे सन्देशके फैलाए पामएं और आदमी जामे उइसी बिश्वास करएं जैसे तुम करे हओ।

2 थेसलोनिकी 3:16

मए प्राथना करत हओं, कि प्रभु जो शान्तिको स्रोत हए बा हर तरिकासे तुमके लगातार शान्ति देत रहाबए, और प्रभु तुम सबके सँग लगातार रहाबए।

2 तिमोथी 2:22

जहेमारे, बे पापी इच्छनसे बच, जो जवान आदमीनके आकर्षित करत हए और जो शुद्ध मनसे प्रभुको नाउँ लेतहए, और उनके सँग परमेश्वरके अग्गु ठिक ठहिरन बाली बातके, बिश्वासके, प्रेमके, और जो शुद्ध मनसे प्रभुकी आराधना करत हए, उन्हिनके सँग लग।

हिब्रू 12:14

सबए आदमीनके सँग शान्तिमे बैठन और पबित्र जीबन जीइन कोसिस करओ, पबित्रता बिना कोइ आदमी परमप्रभुके नाए देखपएहए।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

याकूब 1:4

तुमके सब कुछ सहान सिखन पणो, ताकी तुम आत्मिक रुपसे मजबुत और सिद्ध होबओ, और कोइ फिर अच्छो गुणको कमी नाए रहाबए।

1 पतरस 3:11

बोके खराब काम करन छोडन पणैगो। बरु बोके जो असल हए बहेके करन पणैगो, औरेन्के सँग शान्तिमे रहानके ताहीं कडा मेहेनत करओ।

1 पतरस 3:8

अन्तमे, मए तुमके जा कहान चाँहत हओं, कि बिश्वासी ददाभइयन सँग एकजुटमे बैठओ, एकदुस्रेके ताहीं सोँचे करओ, एकए परिवारको सदस्य कता एकदुस्रेनके प्रेम करओ। एकदुस्रेनके ताहीं दयालु होबओ और एकदुस्रेन सँग नम्र होबओ।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

प्रकाश 22:21

मए प्राथना करत हओं, कि हमर प्रभु येशू ख्रीष्ट पबित्र आदमीनके अनुग्रह करतए रहाबए। आमेन।