1 तिमोथी 6:9 - राना थारु नयाँ नियम

⁹ पर जो धनी होनके चाँहत हएं बे सब मेलके पाप करनके ताहीं सजिलोसे परीक्षामे पणजात हएं, और एक जानबर हानी फन्दामे फस्जात हएं। आदमी बेहीं चीजके करन चाँहत हएं, जो उनके ताहीं मुरख और खतरनाक हए, और जा इच्छा उनके बर्बादी घेन लैजाबैगो, और नाश करदेबैगो।

परमेस्वर को सच्चो वचन

⁹ लेकिन जो लोग सेठ बननो चाहथैं, बे लालच मैं पड़ जाथैं, और गजब मूर्ख और खराब इच्छा के जार मैं फस जाथैं, जो तुमकै बरबाद करन और सत्यानास करन के ताहीं खींचथै।

1 तिमोथी 6:9 Iomraidhean Croise

मत्ती 13:22

काँटोमे बुए भए बिज बेही हएं, जौन बचन सुनत हएं, पर जीबनको आवश्यकताके चिन्ता करत हएं, धनी बननके ताहीं और दुस्रो चीज पानके लालचमे बे मुरख बन्जात हएं तभीमारे परमेश्वरको बचन बे भुल जात हएं और अपन जीबन उइसे नाए जीइत हएं जैसे परमेश्वर चाँहत हए।

मत्ती 19:22

जब बो जवान जा बात सुनी, बो दु:खित हुइके गइ भओ, काहेकी बोके ठिन बहुत धनसम्पति रहए।

मत्ती 26:15

और कही, “अगर मए येशूके तुमर हातमे सौँप देहओं तओ, मोके का देहओ?” बे बोके चाँदीके तीस सिक्का दइं।

मत्ती 6:19

अपन ताहीं पृथ्वीमे धनसम्पति मत् जोडओ, जहाँ किरा और काइ बिनके खतम करत हएं। और जहाँ चुट्टा घर फोरके बो चुराएके लैचलो जातहए।

मर्कूस 4:19

और जा धर्तीमे जीबनके चिन्ता, धनको लोभ, और औ चीजको लालच बिनके जीबनमे आएके बे परमेश्वरको बचन भुल जातहएं, और बे परमेश्वरको बचन अनुसार चल नाए पातहएं।

लूका 12:21

अइसियए बे आदमीके सँग फिर होबैगो जो अपन ताहीं धनसम्पति इकट्ठा करत हए, पर परमेश्वरको सेवा ताहीं उपयोग नाए करत हएं।”

लूका 21:35

काहेकी फन्दा, पुरा पृथ्वीमे रहान बारेन सबके उपर आबैगो।

प्रेरित 8:20

तओ पत्रुस कही, “तए और तेरे रुपैया नाश होएं, काहेकी तए परमेश्वरको बरदान रुपैयासे किनन्के बिचार करो।

इफिसियों 4:22

तुमर गुरु तुमके बो तरिकाके छोडनकी शिक्षा दइं, जोके अनुसार तुम ब्यबहार करत रहओ। तुम्री खराब इच्छा तुमके धोखा दइ और तुमर जीबनके बर्बाद करदइ।

1 तिमोथी 1:9

हम जा फिर जानत हएं, कि मोशाको नियम कानुन धर्मी आदमीनके ताहीं नाए बल्कि बे आदमी जो परमेश्वरको नियम कानुनके अनदेखी करत हएं, और जाको आज्ञापालन नाए करत हएं। और बे आदमी, जो परमेश्वरके आराधना नाए करत हएं, और जो पापी हएं। और बे आदमी, जो अशुद्ध हएं और अपबित्र हएं बे परमेश्वरको आदर नाए करत हएं। और बे आदमी, जो अपने अइयादौवाको और आदमीनको हत्या करत हएं,

1 तिमोथी 3:7

मण्डलीको रेखदेख करन बारे मण्डलीसे इकल्लो नाए, बल्कि मण्डलीसे बाहेर फिर आदर पाओभओ होन पणत हए। अइसो हुइहए कहेसे आदमीनके अग्गु बोको बेज्जत नाए हुइहए, और शैतानको फन्दामे नाए पणैगो।

1 तिमोथी 6:10

काहेकी धनको प्रेम सब किसिमको खराबीको जर हए, कुछ आदमी धीरे-धीरे ख्रीष्ट येशूको शिक्षामे बिश्वास करन छोड दइ हएं। काहेकी बे धनके बहुत चाँहत रहएं। और अब अपनए-अपनएके कोइ एक हथियार लैके अँदाओ कता बे बहुत मेलके दुखमे पणे हएं।

1 तिमोथी 6:17

जा संसारके धनी आदमीके आदेश दे, कि घमण्डी नाए बनएं और अपने धनमे भरोसा नाए करएं जोकी धन जद्धा समय तक नाए रहाबैगो। पर बे परमेश्वरमे आसरा करएं जो सब चीज खुल्ला मनसे देतहए, जोको जरुरी हमके होतहए, ताकी हम बो चीजको आनन्द लैपामएं।

2 तिमोथी 2:26

और जे आदमी फिरसे स्पष्ट रितिसे सोँचनको लायक होमंगे और शैतानको धोखासे बच जामंगे, जोकी एक जार कता हए। शैतान उनके फसाए डारी हए, ताकी उनसे बहे कर्बाबए जो शैतान चाँहत हएं, कि बे करएं।

तीतुस 2:12

परमेश्वरको अनुग्रहके कारण, परमेश्वर हमके सिखात हए, कि हम अइसो ब्यबहार नाए करएं, जो ब्यबहार परमेश्वरके खुसी नाए बनात हए। और जौन चीजके पानके गैर-बिश्वासीनको इच्छा रहात हए, उइसो चीजको इच्छा हमके नाए करन पणत हए। और हम संसारमे हएं कहेसे बुद्धिमान और धार्मिकतासे परमेश्वरके खुसी बनानको ब्यबहार करन पणत हए।

2 पतरस 2:3

जे गुरु लोभी होमंगे, और तुमसे रुपैया पानके ताहीं तुमके, बनाओ भओ कहानी सुनाएके बे तुमके धोखा देहएं। परमेश्वर बिनके सजाय देबैगो कहिके बहुत पहिले निर्णय करडारी हए, और बा जा करनके तयार हए। बा नेहात्तओ बिनके नष्ट करैगो।

यहूदा 1:11

परमेश्वर बिनके दण्ड देहए! काहेकी बे कयिनके कता अपनो जीबन खराब तरिकासे जीइत हएं, जौन गुस्साके कारण अपनो भइयाको हत्या करी रहए। काहेकी परमेश्वर बक ददाको भेँटी ग्रहण करी रहए। बे बालाम कता हएं, जौन रुपैया पानके ताहीं परमेश्वरके आदमीनके पाप करबानके कोसिस करी। बे कोरह कता नाश होमंगे, जौन परमेश्वर मोशाके दओ भओ अधिकारके बिरुद्ध बिद्रोह करी रहएं।