1 तिमोथी 5:10 - राना थारु नयाँ नियम

¹⁰ और अन्य आदमीके जे बातके पहिचान करन चाहो, कि बो हमेसा अच्छे काम करीहए। उदाहरणके ताहीं, बो अपने बालकनके अच्छेसे पालन पोषण करी, बो यात्रा करन बारे बिश्वासीनके अपने घरमे स्वागत करी, बो दुस्रे बिश्वासीनको सेवा अइसे करके करी, जैसेकी बो एक नोकरानी हानी हए। और बो बेहीं आदमीनको मदत करी, जो परेसानीसे हुइके जात रहएं। बो हर तरिकासे भलो काम करनके ताहीं अपनएके सौँपदइ होए।

परमेस्वर को सच्चो वचन

¹⁰ और अच्छे कामन के ताहीं एक इज्जत दार होबै: एक बईय्यर जो अपने बालकन कै अच्छी तरह से पाली, अपने घरै हितुअन कि सेवा आदर करी होबै, पवित्र लोगन के पाँव धोई होबै, और विस्वासिन की मेहमानदारी करी होबै, लोगन की परेसानी मैं मदत करी होबै, और उनके ताहीं अच्छो करन के ताहीं खुदकै सौंपी होबै।

1 तिमोथी 5:10 Iomraidhean Croise

मत्ती 25:17

उइसी दुई सिक्का पान बारो फिर और दुई सिक्का कमाइ।

मत्ती 5:16

अइसियए तुमर उजियारो आदमीनके अग्गु चमकए ताकी बे तुमर अच्छो कामके देखके तुमर दौवा, जौन स्वर्गमे हए, बाकी बढाइ करएं।”

लूका 7:38

और येशूके पिच्छुसे आएके बाको पाउँ ठिन ठाणके रोनलागी और आँसुसे येशूको गोडो धोए दइ, और अपन मुणको बारसे पोछनलागी और येशूको पाउँके चुमके जटामसीको तेल अख्नाएके मिस्लन लागी।

लूका 7:44

तओ बा बैयर घेन घुमके सिमोनसे कही, “का तए जा बैयरके देखो, कि जा मेरे ताहीं का करी? मए तिर घर भितर आओ, पर तए हमर चलन अनुसार मोके गोडो धोनके ताहीं पानी नाए दओ। पर जा मिर गोडो आँसुसे भिजाइ, और अपन बारसे पोँछी।”

प्रेरित 10:22

बे कहीं, “कप्तान कर्नेलियस, जो धार्मि, परमेश्वरसे डर मानन बारो और सारा यहूदी जातिसे सम्मान पाओ एक आदमी हए, बो एक पबित्र स्वर्गदूतसे जा हुकुम पाइहए, कि तोके अपने घर बुलाएके तोसे सन्देश सुनए।

प्रेरित 22:12

“हननिया कहान बारो एक जनै मोशाको नियम कानुन अनुसार चलन बारो धर्मी आदमी रहए, और जौन यहूदियामे बैठन बारे सब जनैनसे आदर पाओभओ रहए।

प्रेरित 6:3

जहेमारे हे बिश्वासी ददाभइया, तुमर बीचसे पबित्र आत्मा और ज्ञानसे भरेभए सात आदमीके चुनओ, जौनके बारेमे सबके पता हए। हम जा खान बारी बातको जिम्मा बिनके देमंगे।

प्रेरित 9:36

योप्पा गाउँमे तबिता नाउँकी एक बिश्वासी लौंणीया रहए। ग्रीक भाषामे बोको नाउँ डोरकास हए, जौनको अर्थ हरिणी हए। बो हर समय औरेन्को भलाइ करत रहए और गरीबनके मदत करत रहए।

प्रेरित 9:39

तओ पत्रुस उठके बिनके सँग गओ। हुवाँ पुगके बे बोके उपरके तल्लामे लैगए। और सबए बिधुवा बिनके ढिँगै ठाणके रोन लागीं। बो बिधुवा, पत्रुसके बे सब कुर्ता दिखाइ, जौन लत्ता डोरकास जिन्दा रहात पेती बनाइ रहए।

रोमियों 12:13

प्रभु येशू ख्रीष्टके पबित्र आदमीनके जो कुछ जरुरत हए बोमे उनके मदत करओ, घरमे आएभए पहुनन्को सेवा सत्कार करनमे लागे रहाओ।

इफिसियों 2:10

काहेकी येशू ख्रीष्टके सँग एकतामे हुइके हम नयाँ आदमी हुइके अच्छो-अच्छो काम करएं कहिके परमेश्वर हमके बनाइ। और हमर ताहीं करन बारो बो, अच्छो काम परमेश्वर पहिलीयएसे तयार करे हए।

कलस्सी 1:10

हम प्राथना करत हएं, कि तुम प्रभुके आदर देन बारो जीबन जिइ पाबओ, और सब बातमे प्रभुके खुसी बनाए पाबओ। और तुम लगातार सब मेलके अच्छे काम कर पाबओ, और तुम परमेश्वरके बारेमे औ जद्धा जान पाबओ।

1 तिमोथी 2:10

पर जाके अलाबा, उनके दुस्रे आदमीनके ताहीं अच्छे काम करके अपनएके सुथ्री बनानके घेन लगन पणत हए। काहेकी परमेश्वरको भक्ति करन बारी बैयरके ताहीं जहे अच्छो हए।

1 तिमोथी 3:2

जहेमारे जा जरुरी हए, कि एक मण्डलीमे एकसे जद्धा अगुवा होमंगे, और मण्डलीके रेखदेख करन बारे अगुवामे दोष नाए होन पणो, और बोको एकए बैयर होन पणो, शान्तसे ब्यबहार करन पणो, अच्छो चालचलन होन बारो, आदमीनके द्वारा आदर करोजान बारो, बो अपनो घरमे पाहुननके स्वागत करनके ताहीं तयार होन पणो, और बो परमेश्वरको सन्देश अच्छेसे सिखानमे सक्षम होन पणो।

1 तिमोथी 3:7

मण्डलीको रेखदेख करन बारे मण्डलीसे इकल्लो नाए, बल्कि मण्डलीसे बाहेर फिर आदर पाओभओ होन पणत हए। अइसो हुइहए कहेसे आदमीनके अग्गु बोको बेज्जत नाए हुइहए, और शैतानको फन्दामे नाए पणैगो।

1 तिमोथी 5:16

अगर कोइ बिश्वासी बैयर घरमे बिधुवा होएं कहेसे उनको मदत बो अपनए करए। ताकी बोको बोझ मण्डलीमे नाए पणए, और मण्डली बे बिधुवानके मदत कर करपामएं, जौन बिधुवनके नेहात्तओकमे जरुरी हए।

1 तिमोथी 5:25

उइसीयए, जब आदमी अच्छे काम करत हएं, तओ दुस्रे बिश्वासीनके जे स्पष्ट रुपसे देखा पणत हएं। और अगर दुस्रे बिश्वासी उनको काम स्पष्ट रुपसे नाए देखेसे फिर पच्छुजाएके बे उनको कामके पता पाए डारंगे।

1 तिमोथी 6:18

और बे भलो काम करएं, भलो काममे धनी बनएं, खुल्ला मनको होमएं, और औरेन्के देन तयार होमएं।

2 तिमोथी 1:5

मोके, तिर सच्चो येशू ख्रीष्टमे बिश्वासको सम्झना आत हए, जो पहिले तेरी दादी लोइस, और तेरी अइया युनिसमे रहए। और मोके बिश्वास हए, कि तोएमे फिर ख्रीष्टको बिश्वास हए।

2 तिमोथी 2:21

अइसियए, जो बिश्वासी अपनएके बे सब खराब कामके अलग करैगो, तओ बाको जीबन पबित्र रहबैगो और बो मूल्यवान भाणा-बर्तन कता होबैगो जो खास अबसरके ताहीं इस्तमाल करोजात हए, और जहेमारे बो अपनो मालिकके ताहीं उपयोगी होबैगो।

2 तिमोथी 3:15

और बच्चएसे तए पबित्र-शास्त्रके सिखो हए, जो तोके जा सम्झनमे मदत करत हए, कि जब तए येशू ख्रीष्टमे बिश्वास करत हए तओ परमेश्वर तोके बचात हए।

2 तिमोथी 3:17

ताकी परमेश्वरको सेवा करन बारो आदमी सब मेलके भले काम करनके ताहीं तयार और सक्षम होबए जैसेकी पबित्र-शास्त्रमे लिखो हए।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

तीतुस 2:7

तोके हर बातमे उदाहरणके रुपके अच्छो काम करन चाहो, जो देखके दुस्रे आदमी हमेसा पालन करपामएं; जब तए बिश्वासीनके परमेश्वरके बारेमे सिखात हए, तओ तोके अच्छे उदेश्यके साथ सिखान पणो, और अइसे करके सिखा, कि आदमी तोके आदर करएं।

तीतुस 3:1

बिश्वासीनके याद करबा, कि हाकिम और अधिकारीके आदर करएं, और उनकी आज्ञा मानएं, और सब जनै एकदुस्रेके ताहीं अच्छे काम करनके ताहीं तयार रहाएं।

तीतुस 3:14

सिरफ इतकए इकल्लो नाए, तोके बिश्वासीनके सिखातए रहान पणो, कि अपने ध्यानके अच्छे काम करनके ताहीं लगातार मेहेनत करतए रहाएं, ताकी बेहीं आदमीनको जरुरत पुरा करपामएं, जौनके ठिन बिनको जरुरीको चीज कुछु नाए हए। और अइसे कर्नेसे बिश्वासी एक लक्षके सँग अपन जीबन जीइ लेहएं।

तीतुस 3:8

जा एक सच्ची कहानी हए, जो मए हबए तोके बताओ हओं। और मए चाँहत हओं, कि तए जे बातके बारेमे पक्का रुपसे बिश्वासीके सिखा, जाकेमारे कि जौन परमेश्वरमे बिश्वास करीहए, ताकी बे अच्छे काम करनके ताहीं अपनो समय देनमे ध्यान लगामएं। जा शिक्षा सबके ताहीं अच्छी हए, और फाइदा बाली बात हए।

हिब्रू 10:24

हम एकदुस्रेनके प्रेम और भलाइ करनकी बातमे एकदुस्रेके उत्सहा करे रहामएं।

हिब्रू 13:2

याद करओ, परदेशीनके फिर पाहुननके रुपम सत्कार करन पणत हए। काहेकी अइसियए कोइ-कोइ बिना पता पाएके स्वर्गदूतन्के स्वागत करी हएं।

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।

1 पतरस 4:9

आदमीनके तुमर घरमे स्वागत करओ और कोइ गुनासो नाए करके अइसे करे करओ।

3 यूहन्ना 1:12

मण्डलीमे हर कोइ कहात हए, कि डेमेत्रियस एक अच्छो आदमी हए, काहेकी बो परमेश्वरको सत्य बचन अनुसार जीइत हए, और हम जा फिर कहात हएं, कि बो एक अच्छो आदमी हए, और तुम जानत हओ, कि हमर गवाही सत्य हए।