1 तिमोथी 2:15 - राना थारु नयाँ नियम

¹⁵ पर परमेश्वर बालकाके जनम देनके द्वारा बैयरनके बचाए लेबैगो, जब तक बे लगातार ख्रीष्टमे बिश्वास करतए रएहएं, एकदुस्रे आदमीसे प्रेम करत रएहएं, और शुद्ध और ठिक तरिकासे ब्यबहार करतए रएहएं।

परमेस्वर को सच्चो वचन

¹⁵ तहुँओं बईय्यर बालका पैदा करन के जरिये उद्धार पागी, अगर बौ बिस्वास और प्रेम और पवित्रता के संग सालीनता के संग रहथै।

1 तिमोथी 2:15 Iomraidhean Croise

1 कोरिन्थी 12:23

और शरीरके जौन भागके हम कम आदरके लायक मानत हएं, उनके सबसे जद्धा ध्यानसे कपडा पैँधात हएं। जहेमारे हम ध्यानसे बे हिस्सान्के रक्षा करत हएं, जौननके नाएदेखो जान चाहो, जबकी जद्धा आदर लायक भए भागके जा खास देखभारको जरुरी नाए होत हए। जहेमारे परमेश्वर शरीरके अइसे बनाइ हए, कि बे शरीरके जद्धा सम्मान और देखभार दओजाए जौनको जरुरत कम हए।

1 तिमोथी 1:14

हमर प्रभु लगातार मिर उपर बहुत जद्धा अनुग्रह, बिश्वास और प्रेम दइ, काहेकी मए ख्रीष्ट येशूके सँग एकजुटमे रहओं।

1 तिमोथी 1:5

तुमके जा आज्ञा देनको मिर उदेश्य जा हए, कि तुम एकदुस्रेसे सच्चो मनसे प्रेम करओ, और शुद्ध बिबेकसे और सच्चो बिश्वाससे प्रेममे बढओ।

1 तिमोथी 2:9

अइसियए मए चाँहत हओं, कि बिश्वासी बैयरनके फिर ठिक तरिकासे लत्ता पैंधन पणो, अइसे लत्ता, कि जो तारिफको लायक हए, और स्वीकारको लायक हए; जैसे बे अपने बारके बनात हएं बोसे अपने घेन आकर्षित नाए करएं, और नए त सोनो, मोती और महिंगो लत्तासे,

तीतुस 2:12

परमेश्वरको अनुग्रहके कारण, परमेश्वर हमके सिखात हए, कि हम अइसो ब्यबहार नाए करएं, जो ब्यबहार परमेश्वरके खुसी नाए बनात हए। और जौन चीजके पानके गैर-बिश्वासीनको इच्छा रहात हए, उइसो चीजको इच्छा हमके नाए करन पणत हए। और हम संसारमे हएं कहेसे बुद्धिमान और धार्मिकतासे परमेश्वरके खुसी बनानको ब्यबहार करन पणत हए।

1 पतरस 4:7

सबए बातको अन्त ढिँगै आइगओ हए। जहेमारे तुम स्पष्ट रुपमे सोँचओ और अपनएके अधिनमे धरओ, ताकी तुम प्राथना करपाबओ।