1 थेसलोनिकी 5:6 - राना थारु नयाँ नियम

⁶ जहेमारे हमके गैर-बिश्वासीन कता सोतए रहाए नाए पणत हए, कहुँ अइसो नाए होए प्रभुक आन बारो दिन हम बिना तयारीके पाएजाएं। पर हमके जगे रहान पणत हए और अपनए सचेत होन पणत हए।

परमेस्वर को सच्चो वचन

⁶ इसलै हम दुसरेन के हानी सोत ना रहमैं, हमैं जगते और सांत होनो चाहिए।

1 थेसलोनिकी 5:6 Iomraidhean Croise

मत्ती 13:25

तओ बो किसान सोत बेरा बोको दुस्मन आओ, और गेहुँके बीच-बीचमे उवाजओ बोएके गइ भओ।

मत्ती 24:42

जहेमारे जगे रहओ, काहेकी कौन दिन तुमर प्रभु अएहए, सो तुम नाए जानत हओ।

मत्ती 25:13

जहेमारे जगे रहाबओ, काहेकी मए घुमके आन बारो दिन, और बो समय तुम पता नाए पएहओ।

मत्ती 25:5

दुलहाके आन देर हुइके कारण बे सब निँधके मारे सोइगइं।

मत्ती 26:38

तओ येशू बिनसे कही, “मिर प्राण गहिरो शोकसे अध्मरा हुइगओ हए। तुम हियाँ बैठियओ, और मिर सँग जगे रहियओ।”

मर्कूस 13:37

जो मए तुमसे कहात हओं बो मए सबसे कहात हओं: ‘रोजए तयार रहियओ!’”

लूका 12:37

बो नोकर धन्यके हए, जौनको मालिक घर आनके बेरा बिनके, बोको डगर देखत असियात पाबैगो। मए नेहात्तओ तुमसे कहात हओं, कि बो मालिक एक सेवक हानी लत्ता पैँधके बिनके सँग खानु खानके बैठैगो, और ढिँगै आएके बिनको सेवा करैगो।

लूका 12:39

पर तुम जा जानओ, कि अगर घरको मालिक जन्तो कि चुट्टा कौन बेरा आइगो, तओ बो संसार रहितो और बो अपन घरके लुटन नाए देतो।

लूका 21:36

जहेमारे संसार रहाबओ, और हर समय परमेश्वरसे प्राथना करत रहाबओ, ताकी तुम जे सब आन बारे घटनासे बच पाबओ। और मए, आदमीको लौंणाके अग्गु ठाणनके लायक बन पाबओ।”

लूका 22:46

बा बिनसे कही, “तुम काहे उँघाए रहेहओ? उठओ और सतावटमे नाए पणन ताहीं परमेश्वरसे प्राथना करओ।”

प्रेरित 20:31

जहेमारे जा सम्झके होसियार हुइयओ, कि तीन वर्षतक दिनरात आँसु बहात हरेक आदमीनके मए चेतावनी देत रहो।

1 कोरिन्थी 15:34

जो ठिक हए बोके बारेमे ध्यानसे बिचार करओ, अबसे पाप मत् करओ; काहेकी तुम मैसे कुछ आदमी परमेश्वरके स्पष्ट रुपसे नाए जानत हएं।

1 कोरिन्थी 16:13

साबधान रहाओ, बिश्वासमे स्थिर रहाओ, सहासी आदमी बनओ, बिश्वासमे मजबुत बनओ।

इफिसियों 2:3

हम फिर पापी स्वभाबके इच्छन्के पुरा करके जीइत रहएं, जो फिर हमर खराब इच्छा और बिचार हमसे कर्बान चाँहत रहए हम बहे करत रहएं। और बाँकी औ सबए कता, हम फिर स्वाभाबिक रुपसे बुरे रहएं और परमेश्वरको दण्डके अधिनमे रहएं।

इफिसियों 5:14

जहेमारे अइसो एक कहाइ हए, “हे सुनन बारे जगओ और मरेभएन् मैसे जीइउठओ; तओ ख्रीष्ट तुमके ज्योती देबैगो।”

इफिसियों 6:18

और हमके उइसीयए प्राथना करन चाहो जैसे पबित्र आत्मा हमके अगुवाई करत हए। और जगतए रहाओ और पबित्र आदमीनके ताहीं लगातार प्राथना करओ।

फिलिप्पी 4:5

सब आदमी तुमर सहनशील स्वाभावके जान जामएं। प्रभु येशू जल्दी आएरहो हए।

कलस्सी 4:2

जब तुम प्राथना करत हओ तओ लगातार जागा रहाओ, और सदिमान परमेश्वरके धन्यबाद देओ।

1 थेसलोनिकी 4:13

हे मेरे बिश्वासी ददाभइयओ, हम चाँहत हएं कि तुम जा जान लेबओ कि बे बिश्वासीनके सँग का होबैगो जो पहिलीए मरिगए हएं। ताकी अइसो नाए होबए, कि तुम फिर दुस्रे गैर-बिश्वासी आदमीन कता शोक करओ। काहेकी उनके आसरा नाए हए, कि बे मरनके बाद फिरसे जिन्दा हुइ जामंगे।

1 थेसलोनिकी 5:10

येशू ख्रीष्ट हमरे ताहीं जाकेमारे मरो, कि चहुँ हम जिन्दा होमएं या चहुँ हम मरएं, जब प्रभु येशू लौटके आबैगो हम हमेसा बाके सँग रहिपामएं।

1 थेसलोनिकी 5:8

पर हम दिनके सन्तान हएं जहेमारे हम अपनएके नियन्त्रणमे करएं। बिश्वास और प्रेमके लगाएलेओ, जो उइसीए हमर रक्षा करत हए जैसेकी लोहोके बनेभए कबच एक सैनिकके रक्षा करत हए। और हमके जा आसरा हए, कि हम सदाकालको दण्डसे बचीगए हएं, और हमके मुक्ति मिलिगओ हए। और जा आसरा बहे टोप कता हए, जो एक सिपाहीके रक्षा करत हए।

1 तिमोथी 2:15

पर परमेश्वर बालकाके जनम देनके द्वारा बैयरनके बचाए लेबैगो, जब तक बे लगातार ख्रीष्टमे बिश्वास करतए रएहएं, एकदुस्रे आदमीसे प्रेम करत रएहएं, और शुद्ध और ठिक तरिकासे ब्यबहार करतए रएहएं।

1 तिमोथी 2:9

अइसियए मए चाँहत हओं, कि बिश्वासी बैयरनके फिर ठिक तरिकासे लत्ता पैंधन पणो, अइसे लत्ता, कि जो तारिफको लायक हए, और स्वीकारको लायक हए; जैसे बे अपने बारके बनात हएं बोसे अपने घेन आकर्षित नाए करएं, और नए त सोनो, मोती और महिंगो लत्तासे,

1 तिमोथी 3:11

अइसियए मण्डलीको सेवा करन बारेनकी बैयर सम्मानको लायक होन पणत हए; और दुस्रेनके बारेमे खराब बात बत्कान बारी नाए होबए, पर शान्त तरिकासे ब्यबहार करन बारी होबए, ताकी उनके उपर हर चीजमे भरोसा करपामएं।

1 तिमोथी 3:2

जहेमारे जा जरुरी हए, कि एक मण्डलीमे एकसे जद्धा अगुवा होमंगे, और मण्डलीके रेखदेख करन बारे अगुवामे दोष नाए होन पणो, और बोको एकए बैयर होन पणो, शान्तसे ब्यबहार करन पणो, अच्छो चालचलन होन बारो, आदमीनके द्वारा आदर करोजान बारो, बो अपनो घरमे पाहुननके स्वागत करनके ताहीं तयार होन पणो, और बो परमेश्वरको सन्देश अच्छेसे सिखानमे सक्षम होन पणो।

2 तिमोथी 4:5

जैसो फिर कठिनाइ आएसे फिर तोके शान्त रहान पणैगो और दुख उठान पणैगो, अच्छो समाचार परचार करनके ताहीं तोके कडी मेहेनत करन पणैगो, और जो परमेश्वर तोके दइ हए, बो कामके पुरा करन पणैगो।

तीतुस 2:12

परमेश्वरको अनुग्रहके कारण, परमेश्वर हमके सिखात हए, कि हम अइसो ब्यबहार नाए करएं, जो ब्यबहार परमेश्वरके खुसी नाए बनात हए। और जौन चीजके पानके गैर-बिश्वासीनको इच्छा रहात हए, उइसो चीजको इच्छा हमके नाए करन पणत हए। और हम संसारमे हएं कहेसे बुद्धिमान और धार्मिकतासे परमेश्वरके खुसी बनानको ब्यबहार करन पणत हए।

तीतुस 2:6

अइसियए जवान आदमीनके फिर सम्झा, कि बे सम्झदरीसे काम करएं।

1 पतरस 1:13

बहेमारे, तुम का करत हओ कहिके बारेमे अच्छेसे सोँचओ और अपनएके नियन्त्रण करओ। मुक्ति पानको आसरा करओ जौन अनुग्रहसे आत हए, जो तुमके येशू ख्रीष्टको जा संसारमे लौटके आन बारो दिनमे दओ जाबैगो।

1 पतरस 4:7

सबए बातको अन्त ढिँगै आइगओ हए। जहेमारे तुम स्पष्ट रुपमे सोँचओ और अपनएके अधिनमे धरओ, ताकी तुम प्राथना करपाबओ।

1 पतरस 5:8

होस करओ, जगे रहाओ, काहेकी तुमर दुश्मन शैतान आदमीनके नष्ट करनके ताहीं चारौ तरफ घुमरहे हएं। बे गर्जन बारो बघटा कता कौनके पामओं और खामओं कहिके दावमे घुमरहे हएं।

प्रकाश 16:15

दुष्ट आत्मा सासकनके और उनको फौजनके बहे ठिहामे इकट्ठा करी जौनके हिब्रू भाषामे आर-मागेड्डोन कहोजात हए। जहेमारे प्रभु येशू कही, “जा बात सुन, मिर आगमन एक चुट्टा कता इक्बरी हुइहए। बो आदमी धन्यको हए, जो मिर आगमनके बेरामे जग्तए रहात हए, और अपनो कपडा तयार करे रहात हए। अगर बे अइसे करहएं, तओ बे नङ्गा नाए होमंगे और कोइ फिर उनके सरममे नाए करैगो, चहुँ बे बाहिर बहुत आदमीनके बीचमे चले जाएं।”

प्रकाश 3:2

जहेमारे जगो रहो, मोएमे तिर बिश्वासके मजबुत बना, ताकी जा सब पुरा रुपमे खतम नाए होए, काहेकी तिर कुछ बिश्वास बाँकी हए। मोके पता हए, कि तए सिद्ध नाए हए काहेकी तए जो करनडटो हए बोसे परमेश्वर खुसी नाए हए।