1 थेसलोनिकी 5:10 - राना थारु नयाँ नियम

¹⁰ येशू ख्रीष्ट हमरे ताहीं जाकेमारे मरो, कि चहुँ हम जिन्दा होमएं या चहुँ हम मरएं, जब प्रभु येशू लौटके आबैगो हम हमेसा बाके सँग रहिपामएं।

परमेस्वर को सच्चो वचन

¹⁰ बौ हमरे ताहीं जौ बजह से मरो, कि हम चाँहे जिंदे रहैं, चाँहे मर गै होमैं, सब मिलकै बहे के संग जीमैं।

1 थेसलोनिकी 5:10 Iomraidhean Croise

मत्ती 20:28

जैसी आदमीको लौंणा फिर सेवा पानके नाए, पर सेवा करन और बहुतनको पापनके मोल तिरके छुटानके ताहीं मोलके रुपमे अपन प्राण देन आओ।”

यूहन्ना 10:11

मए बो बकरेहेरा हओं, जौन अपन भेंणनके बचानके ताहीं ज्यान देनके फिर तयार होत हए।

यूहन्ना 10:17

दौवा मोसे प्रेम करत हए, काहेकी मए अपनो इच्छासे ज्यान देत हओं ताकी मए फिरसे जिन्दा हुइपामओं।

यूहन्ना 15:13

एक आदमीके ताहीं अपन सँगीके जा दिखानके ताहीं, कि बो उनसे प्रेम करत हए, सबसे अच्छो तरिका जहेहए कि बो उनके ताहीं मर जाए।

रोमियों 8:34

कोइ फिर हमके दण्ड नाए दइ पएहए काहेकी जा येशू ख्रीष्ट हए, जो हमर ताहीं मरीगओ और मरो भओसे फिरसे जिन्दा बनाओ गओ रहए। अभए बा परमेश्वरके दहिना हात घेन रहिके राज्य कररहो हए, और जो हमर घेनसे हमर ताहीं फिर बिन्ती करत हए।

1 कोरिन्थी 15:3

जहेमारे मए तुमके बो सबसे जरुरी सन्देशके बताओ जो मोके प्रभु येशूसे मिलो रहए, बो सन्देश जा हए: “पबित्र-शास्त्रके बचन अनुसार येशू ख्रीष्ट हमर पापनके ताहीं मरो।

2 कोरिन्थी 5:15

ख्रीष्ट सबएके ताहीं मरो, ताकी जीइन बारे आदमी अब उइसो अपनएके खुस बनानके ताहीं इकल्लो नाए जिमएं, पर बे ख्रीष्टके ताहीं जिइमएं। ख्रीष्ट उनके ताहीं मरो और परमेश्वर बाके फिरसे जिन्दा करके पठाइ।

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

1 थेसलोनिकी 4:13

हे मेरे बिश्वासी ददाभइयओ, हम चाँहत हएं कि तुम जा जान लेबओ कि बे बिश्वासीनके सँग का होबैगो जो पहिलीए मरिगए हएं। ताकी अइसो नाए होबए, कि तुम फिर दुस्रे गैर-बिश्वासी आदमीन कता शोक करओ। काहेकी उनके आसरा नाए हए, कि बे मरनके बाद फिरसे जिन्दा हुइ जामंगे।

1 थेसलोनिकी 4:15

काहेकी हम प्रभु येशूको बचनके अनुसार तुमसे जा कहात हएं, कि हम जो जिन्दा हएं, और जब तक प्रभु येशू फिरसे लौटके नाए आबए, तबतक बचे रहामंगे। जो मरिगए हएं, उनके प्रभुसे भेँटनसे पहिले बे बासे नाए मिल पएहएं।

1 थेसलोनिकी 4:17

तओ हम जो जिन्दा और बचे रहामंगे, हम फिर उनके सँग बादर उपर उठाए लैजामंगे। और हमर भेँट बादरमे प्रभु येशूसे हुइहए; और बो समयसे हम सदादिन प्रभुके सँग रहामंगे।

1 थेसलोनिकी 5:6

जहेमारे हमके गैर-बिश्वासीन कता सोतए रहाए नाए पणत हए, कहुँ अइसो नाए होए प्रभुक आन बारो दिन हम बिना तयारीके पाएजाएं। पर हमके जगे रहान पणत हए और अपनए सचेत होन पणत हए।

1 तिमोथी 2:6

ख्रीष्ट पाप और मृत्युकी शक्तिसे मोल तिरके छुटानके ताहीं अपनएके बलिदान करदइ। बाको मृत्युके द्वारा परमेश्वर सही समयमे सबुत दइ, कि बा चाँहत हए, कि सब आदमी बचाए जामएं।

2 तिमोथी 2:11

जा एक साच्ची कहानी हए, कि अगर हम ख्रीष्टके सँग मरे गए हएं, तओ बाके सँग जिन्दा फिर होमंगे।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

1 पतरस 2:24

जब ख्रीष्ट मरो, बा क्रूसमे हमर पापके ताहीं अपनो शरीरमे दण्ड भोगी। बा अइसो करी, ताकी हम पाप करन छोडके धार्मि हुइके जीबन जीइन सुरु कर पामएं। और बाको सहीभइ चोट द्वारा हम अच्छे भए हएं।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।