1 थेसलोनिकी 4:1 - राना थारु नयाँ नियम

¹ हे मेरे बिश्वासी ददाभइयओ, निष्कर्षमे जा हए, कि हम प्रभु येशू ख्रीष्टके नाउँमे तुमसे बिन्ती और आग्रह करत हएं कि अइसे तरिकासे जीबन जीइबओ, जो परमेश्वरके खुसी करत हए, जैसे हम तुमके सिखाए हएं। तुम पहिलीयएसे जा तरिकासे जीइत हओ, और हम तुमके अइसे करनके ताहीं औ जद्धा प्रोत्सहान करत हएं।

परमेस्वर को सच्चो वचन

¹ आखरी मैं तुमसे पूछथौं, हमरे भईय्यौ और बहेनियौ, तुम हमसे सीखे कि परमेस्वर कै खुस करन ताहीं तुमकै कैसे रहनो चाहिए, और अब हम तुमसे और भी जाधा प्रभु ईसु के नाओं से नहोरे करथैं, जैसे तुम रह रै हौ, बैसिये बढ़त जाबौ।

1 थेसलोनिकी 4:1 Iomraidhean Croise

यूहन्ना 15:2

अगर एक हँगा जो मोएमे जुणो हए, पर फरा नाए देतहए कहेसे बोके काट डारत हए, और जो फरा देतहए बोके छानदेत हए ताकी और फरा फराबए।

प्रेरित 20:27

काहेकी मए तुमके सब बात बताओ हओं, जो तुम जानओ करके परमेश्वर चाँहत हए।

रोमियों 8:8

और जो पापमय स्वभाबके अधिनमे हएं, बे परमेश्वरके खुसी नाए करपए हएं।

1 कोरिन्थी 11:23

जो शिक्षा मए तुमके दओ रहओं, बहे शिक्षा हए जो मए प्रभुसे पाओ रहओं; कि प्रभु येशू जौन रात पकणाओ गओ, बहे रात प्रभु येशू रोटी लइ,

1 कोरिन्थी 15:1

हे मेरे बिश्वासी ददाभइयओ, मए तुमके बहे अच्छो समाचारके याद दिलात हओं जो पहिलीयए परचार करडारो हओं, जोके तुम बो सन्देशमे बिश्वास फिर करे रहओ और जोमे तुम भरोसा करतए आए हओ।

1 कोरिन्थी 15:58

जहेमारे हे मेरे प्यारे बिश्वासी ददाभइयओ, अपने बिश्वासमे मजबुत रहाबओ, और प्रभुके ताहीं जो तुम करत हओ बोमे हमेसा बढतए जाओ, काहेकी तुम जा जानत हओ, कि जो काम तुम प्रभुके ताहीं करत हओ बो बेकार नाए होबैगो।

2 कोरिन्थी 10:1

मए पावल, तुमर अग्गु नम्र हओं, पर जब दुर होत हओं तओ तुमर ताहीं सहासी होत हओं! ख्रीष्टको नम्रता और दयामे मए तुमसे बिन्ती करत हओं।

2 कोरिन्थी 13:11

अन्तमे बिश्वासी ददाभइया, अब बिदा पामओं। सिध्दताको लक्ष्य धरओ। एक-दुस्रेके उत्साहित करओ। एक-दुस्रेके सँग सहमत होबओ। शान्तिमे रहबओ, तओ प्रेम और शान्तिको परमेश्वर तुमर सँग होबैगो।

2 कोरिन्थी 5:9

जहेमारे चहुँ हम बाके सँग स्वर्गमे होमएं, चहुँ हम जा धर्तीमे होमएं, बाके प्रसन्न करन हमर लक्ष्य होत हए।

2 कोरिन्थी 6:1

हम परमेश्वरए सँग काम करत हएं और जहे हैसियतसे तुमके बिन्ती करत हएं, तुम परमेश्वरको अनुग्रह पाएके अब बो व्यर्थ होन मतदेओ।

गलातियों 6:1

हे मेरे बिश्वासी ददाभइयओ, तुम जो पबित्र आत्मासे अगुवाई करे जातहओ, तुमके अइसो करनके चाहो: अगर कोइ बिश्वासी पाप करी हए, तओ तुम मैसे कोइके पबित्र आत्माको अगुवाई हए कहेसे नम्रतासे बोके सही डगरमे लौटाएके लियाबओ। और अपना फिर होसियार रहाबओ, ताकी तुम फिर परीक्षामे नाए पणओ।

इफिसियों 4:1

जहेमारे मए जो जेलमे हओं, काहेकी मए प्रभु येशूको सेवा करत हओं। और तुमसे बिन्ती करत हओं, कि बो बोलावटके सँग जोमे परमेश्वर तुमके अपनो सन्तान होनके ताहीं बुलाइ हए, बहे लायकको अनुसार अपन जीबन जीइबओ।

इफिसियों 4:20

पर जा बो नाए हए जो तुम ख्रीष्टको शिक्षन्से सिखे हओ।

इफिसियों 5:17

जहेमारे मुरख मतहोबओ पर जा जानन्के ताहीं कोसिस करके बुद्धिमानी बनओ, कि प्रभु तुमसे का कर्बान चाँहत हए।

फिलिप्पी 1:27

खास बात जहेहए, कि ख्रीष्टको अच्छो समाचारके सुहान बारो चल-चलन होबए। जहेमारे, मए तुमके देखओं या नाए देखओं, तुमर बारेमे जा सुनन पामओं, कि तुम एकए उदेश्यमे स्थिर हओ, और एकए सँग लडनके ताहीं बहे बिश्वासके ताहीं लडत हओ, जो अच्छो समाचारसे आत हए।

फिलिप्पी 1:9

और मए जा प्राथना करत हओं, कि ज्ञान और बिबेकसँग तुम एक-दुस्रे प्रति तुमर प्रेम बढतए जाए।

फिलिप्पी 3:14

लक्ष्य घेन दौरत जात हओं, ताकी बो इनाम पामओं। जाको इनाम जा हए, कि परमेश्वर मोके स्वर्गमे बुलानडटो हए काहेकी येशू ख्रीष्ट मेरे ताहीं मरो।

कलस्सी 1:10

हम प्राथना करत हएं, कि तुम प्रभुके आदर देन बारो जीबन जिइ पाबओ, और सब बातमे प्रभुके खुसी बनाए पाबओ। और तुम लगातार सब मेलके अच्छे काम कर पाबओ, और तुम परमेश्वरके बारेमे औ जद्धा जान पाबओ।

कलस्सी 2:6

जहेमारे जैसी तुम ख्रीष्ट येशूके प्रभु करके ग्रहण करलए हओ, उइसीयए बामे अपन जीबन बिताओ।

1 थेसलोनिकी 3:12

और हम प्राथना करत हएं, कि प्रभु येशू एकदुस्रेसे प्रेम करनमे तुमके मदत करए, जैसे हम तुमके प्रेम करत हएं उइसी प्रभुमे तुम एकदुस्रे सँग, और सब आदमीनके सँग प्रेम बढए। और प्रभु तुमर प्रेमके बढाबए, उत्नो बढाए देबए, कि जैसी हमर प्रेम तुमरमे हए।

1 थेसलोनिकी 4:2

काहेकी तुम जानत हओ, कि जा हुकुम प्रभु येशूके घेनसे आओ हए।

1 थेसलोनिकी 5:12

हे मेरे बिश्वासी ददाभइयओ, हम तुमसे बिन्ती करत हएं, कि जौन तुमर ताहीं बहुत मेहेनत करत हएं, और प्रभुमे तुमर अगुवा हएं, और तुमके सल्लाह देत हएं, उनके आदर करओ।

2 थेसलोनिकी 1:3

हे मेरे बिश्वासी ददाभइयओ, तुमर ताहीं हमके लगातार परमेश्वरके धन्यबाद देन पणो, और अइसो करनो हमरे ताहीं सही हए। काहेकी तुम प्रभु येशूमे लगातार बहुतसे बहुत बिश्वास करत हओ, और तुम सब लगातार एकदुस्रेसे बहुतसे बहुत प्रेम करत हओ।

2 थेसलोनिकी 2:1

हे मेरे बिश्वासी ददाभइयओ, हम अपने प्रभु येशू ख्रीष्टके दुबारा लौटनेके बारेमे, और बो समयके बारेमे कुछ लिखन हए, जब हम एकए सँग ख्रीष्टसे मिलंगे।

2 थेसलोनिकी 3:1

अन्तमे हे मेरे बिश्वासी ददाभइयओ, हमर ताहीं प्राथना करे करओ, ताकी हम जल्दीयए हर ठिहामे प्रभु येशू ख्रीष्टके बारेमे सन्देशके फैलाए पामएं और आदमी जामे उइसी बिश्वास करएं जैसे तुम करे हओ।

2 थेसलोनिकी 3:13

और हे मेरे बिश्वासी ददाभइया, काहेकी तुम थकगए हओ तभीमारे जो सही हए बो करनके बन्द मत् करओ।

1 तिमोथी 5:21

मए तोके परमेश्वर, और येशू ख्रीष्ट, और चुनेभए स्वर्गदूतन्के अग्गु मए तोके जा आदेश देत हओं, कि तए कोइके फिर जल्दीयए न्याय मत् करीए। कोइ फिर आदमीनके और कोइ फिर काममे कोइ मिर भेदभाब या पक्षपात नाए करे तए जे सब नियम पालन कर।

2 तिमोथी 4:1

जब येशू ख्रीष्ट राजाके रुपममे राज्य करन आबैगो, तओ बा जिन्दा और मरेभइनके न्याय करैगो। तभीमारे, परमेश्वर और येशू ख्रीष्टको साक्षीके रुपमे मए तोके अनुग्रह करत हओं,

हिब्रू 11:6

परमेश्वरमे बिश्वास करेसे इकल्लो हम परमेश्वरके खुसी बनाए पामंगे। काहेकी परमेश्वर ठिन आन बारेनके बिश्वास करन पणतहए, कि परमेश्वर हए और बाके नेहत्तओ ढुँणन बारेनके बा इनाम देबैगो।

हिब्रू 13:16

भलाइ करन और जो कुछ तुमर ठिन हए, आवश्यकतामे पणेभएनसे बाँटचुट करन मतभुलओ, काहेकी अइसियए बलिनमे परमेश्वर खुसी रहात हए।

हिब्रू 13:22

हे मेरे बिश्वासी ददाभइयओ, मए तुमसे बिन्ती करत हओं, कि हौसलाको जा बचनके धिरजसे सुनओ, काहेकी मए तुमर ताहीं छोटकरीमे लिखो हओं।

2 पतरस 3:18

पर तुम लगातार हमर प्रभु और मुक्तिदाता येशू ख्रीष्टको अनुग्रहके बहुतसे बहुत अनुभव करे रहान पणत हए, और बाके बारेमे तुमर सम्झना बढन जरुरी हए। बाके अभए और सदासर्वदा प्रसंसा होए। आमेन।

1 यूहन्ना 3:22

और जो कुछ हम परमेश्वरसे मागत हएं, बो हम परमेश्वरसे पातहएं, काहेकी हम बाकी आज्ञा मानत हएं। और बाके मन पणन बारो काम करत हएं।