1 थेसलोनिकी 2:13 - राना थारु नयाँ नियम

¹³ जहेमारे हम फिर परमेश्वरके लगातार धन्यबाद देत हएं; कि जब हमसे परमेश्वरको सन्देश सुने हओ, हम तुमर बीचमे परचार करे, तओ तुम आदमीको सन्देश नाए पर परमेश्वरको सन्देश हए समझके स्वीकार करे। और अब परमेश्वरको जा सन्देश तुमरमे काम कर रहो हए, जौन ख्रीष्टमे बिश्वास करत हएं।

परमेस्वर को सच्चो वचन

¹³ एक और बजह है कि हम हमेसा परमेस्वर को धन्यवाद देथैं। जब हम तुमरे ताहीं परमेस्वर को सुसमाचार लैकै आए, तौ तुम जाकै सुने और तुम जौ इंसानन को नाय, बल्किन परमेस्वर को बचन समझकै अपनाय, जो कि सच मैं जौ है। परमेस्वर तुमरे ऊपर बिस्वास करथै।

1 थेसलोनिकी 2:13 Iomraidhean Croise

मत्ती 10:20

काहेकी मस्कन बारे तुम अपनए नाए हुइहओ। पर तुमर परमेश्वरको आत्मा तुमसे मस्कैगो।

मत्ती 10:40

“तुमके ग्रहण करन बारो मोके ग्रहण करत हए, और मोके ग्रहण करन बारो मोके पठान बारो परमेश्वरके ग्रहण करत हए।

लूका 11:28

तओ येशू कही, “बरु बे धन्य हएं, जौन परमेश्वरको बचन सुनत हएं और पालन करत हएं।”

लूका 5:1

एक दिन जब आदमी परमेश्वरको बचन सुननके चारौ घेन ढकेलीढकेला करत रहएं, तओ येशू गालील समुन्दरके किनारेमे ठाणो रहए।

लूका 8:11

जा कहानीको मतलब जा हए: “बीज परमेश्वरको बचन हए।

लूका 8:21

और बा बिनसे कही, “मिर अइया और मिर भइया बेही हएं, जौन परमेश्वरको बचन सुनत हएं, और बोको पालन करत हएं।”

यूहन्ना 15:3

रेखदेख करन बारो कमैया हँगाके छानके सफा करोकता, मए जो तुमके शिक्षा दओ हओं बो तुमके छानैगो।

यूहन्ना 17:17

तुमर बचन सत्य हए। जहेमारे उनके सत्यके द्वारा पबित्र बनाओ।

यूहन्ना 17:19

उनको फाइदाके ताहीं मए अपनएके सत्यके द्वारा पबित्र बनात हओं ताकी बे फिर सत्यके द्वारा पबित्र बने जाएं।”

प्रेरित 10:33

तओ मए तुरन्त तेरे ठिन आदमी पठाओ। और तए जा अच्छो करो, कि हियाँ आइगओ। अब परमेश्वर तोके आज्ञा करोभओ बातके सुननके हम सबए प्रभुके अग्गु इकट्ठा भए हएं।’”

प्रेरित 13:48

जा बात सुनके गैर-यहूदी खुसी होत परमेश्वरको दओ भओ अच्छो समाचारको प्रसंसा करन लागे। कभी फिर नाश नाए होन बारो जीबनके ताहीं अग्गुवएसे परमेश्वरसे चुनेभए आदमी येशू ख्रीष्टमे बिश्वास करीं।

प्रेरित 16:14

और हमर बात सुनन बारे मैसे लिडिया नाउँ भइ एक बैयर रहए। बो बैयर थिआटीरा कहान बारो सहरसे आएके फिलिप्पी सहरमे बैजनी रंगको लत्ताको व्यपार करत रहए। लिडिया परमेश्वरको डर मानन बारी लौंणीया रहए। पावलकी कहीभइ बातमे ध्यान देनके ताहीं प्रभु बोको मन खोलदइ।

प्रेरित 17:11

हुवाँके यहूदी, थेसलोनिके सहरके आदमीनसे बहुत जद्धा असल रहएं। बे परचार एकदम अच्छो मानके सुनीं। पावलकी कही, बात मिल्त हए कि नाए मिल्त हए कहिके बे रोजए पबित्र-शास्त्र पढके जात रहएं।

प्रेरित 17:32

तओपिच्छु, मरे भए आदमी जिन्दा हुइजात हएं कहिके सुनके बहुत जनै पावलके उपर मजाक उणाइं। पर कोइ-कोइ कहीं, जाके बारेमे कल फिर हम सुनन चाँहत हएं।

प्रेरित 2:41

जो कुछ पत्रुस कही, और जौन बोके बातमे बिश्वास करीं बे सब बप्तिस्मा लैं। बो दिन बिश्वासीन्को बो समुहसे लगभग तीन हजार आदमी बढिगए।

प्रेरित 8:14

सामरिया सहरके आदमी परमेश्वरको बचन ग्रहण करलै हएं, कहिके सुनके यरूशलेम सहरमे भए चुनेभए चेला पत्रुस और यूहन्नानके बिनके ठिन पठाइं।

रोमियों 10:17

जहेमारे बिश्वास तब्ही आतहए जब तुम सन्देश सुन्त हओ, और जा सन्देश ख्रीष्टके बारेमे बचन हए।

2 कोरिन्थी 3:18

हम सब दर्पन जेसो घुँघट नाए भओ अनुहारमे प्रभुको महिमा दिखात हएं। परमेश्वर हमके बहुतए-बहुत बडो महिमामे अपनुवए कता बनाए रहो हए। जा प्रभुको काम हए, जौन पबित्र आत्मा हए।

गलातियों 4:14

और जबकी मए बिमार रहओं, तओ तुम परेसान रहओ, पर तहुँफिर तुम मोके घृणा नाएकरे और नए त मोके दुर करे। तओ तुम परमेश्वरको एक स्वर्गदूतके अथवा येशू ख्रीष्टके ग्रहण करे कता तुम मोके ग्रहण करे।

कलस्सी 1:6

जो तुमर ठिन पुगोहए, और जैसे पुरो संसारमे फैलरहो हए। और बहुतसे आदमी बिश्वासी हुइरहे हएं, उइसीयए जौन दिनसे तुम बो सन्देशके सुने, परमेश्वरको अनुग्रहके बारेमे सच्चो सन्देशके पुरो रुपसे बुझे, जा तुमर बीचमे अइसियए हुइ रहो हए, जब तुम पहिलो चोटी सन्देश सुने।

हिब्रू 4:12

परमेश्वरको बचन त काम करतए रहान बारो और जिन्दा हए। जा दुनौ घेन धार भओ तरवारसे फिर पैनो हए। जा भितर जाएके प्राण और आत्माके अलग करदेत हए और गाँठीगुँठी और हड्डीके फिर काटदेत हए। परमेश्वरको बचन आदमीनको मनको बिचार और चाहनाके किराएके जाँचत हए।

हिब्रू 4:2

जैसी हम येशू ख्रीष्टके बारेमे अच्छो समाचारको परचार सुनेहएं, इस्राएल देशके आदमी फिर बिश्रामको ठाउँमे प्रबेश करनके खुसीको परचार सुनि रहएं। पर बे जामे बिश्वास नाए करीं। जहेमारे बो सन्देश बिनेके ताहीं काम नाए लागन बारो भओ।

याकूब 1:18

परमेश्वर अपनी इच्छासे हमके सच्चाईको बचनसे नयाँ जीबन दइहए, ताकी परमेश्वरको सृष्टि करोभओ सब चीजमे हम सबसे महत्वपूर्ण हुइ पामएं, जैसेकी फसलको पहिलो हिस्सा सबसे खास हिस्सा होतहए।

1 पतरस 1:23

काहेकी तुम परमेश्वरसे नयाँ जीबन पाएहओ। तुम जा जीबनके, नाश होन बारे बातसे नाए पाएहओ पर सदाके ताहीं रहो रहान बारो बातसे पाएहओ। हम जा नयाँ जीबन जिन्दा और अनन्त परमेश्वरको बचनसे पाए हएं।

1 पतरस 1:25

पर प्रभुको बचन सदासर्वदा रहो रहात हए।” और तुमके परचार करो भओ अच्छो समाचारको बचन जहेहए।

1 पतरस 2:2

मए तुमके नयाँ जनम भए बाल्कन सँग तुलना करत हओं। नयाँ जन्मो भओ बालकाके मजबुत होतए बढनके ताहीं रोज अइयाकी दुध चाँहत हए। उइसीयए तुमके फिर परमेश्वरको बचन सुनन इच्छा करन पणत हए, ताकी तुमर परमेश्वर उपरको भरोसा बढतए जाबए और तुम बाचाए जाबओ।

2 पतरस 3:2

मए अइसे करत हओं, काहेकी अगमबक्ता बहुत समय पहिले बोलो भओ बचन और हमर प्रभु येशू ख्रीष्ट, हाम्रो मुक्तिदाताको शिक्षाके तुम याद करओ कहिके मए चाँहत हओं, जौन तुमर ठिन आएके चुनेभए चेला तुमके सिखाइ रहएं।

1 यूहन्ना 3:3

और जोकोइ ख्रीष्टमे जा आसरा करत हए, बो अपनएके पबित्र करत हए, जैसो बा पबित्र हए।