1 थेसलोनिकी 1:8 - राना थारु नयाँ नियम

⁸ काहेकी तुमर हियाँसे केबल माकेडोनिया परदेश और अखैया परदेशमे इकल्लो प्रभुको बचन नाए सुनाओ गओ, पर हर ठाउँमे जहाँ हम जात हएं, हुवाँ हम आदमीनके, परमेश्वरमे भओ तुमर बिश्वासके बारेमे हमके बतात पात हएं। जहेमारे, हम दुस्रे जनैनके तुमर बारेमे कुछ फिर बतानको जरुरी नाए हए।

परमेस्वर को सच्चो वचन

⁸ तुमरे हिंयाँ से ना खाली मकिदुनिया और अखाया मैं प्रभु को बचन सुनाओ गौ, पर तुमरो बिस्वास जो परमेस्वर के ऊपर है, जौ खबर हर जघा ऐसी फैल गई है, कि हमकै कहेन कि जरूरतै ना है।

1 थेसलोनिकी 1:8 Iomraidhean Croise

प्रेरित 18:12

अखैया परदेशके इलाकामे गलियोन कहान बारो आदमी, बडो हाकिम भओबेरा यहूदी मिलके पावल उपर आक्रमण करीं, और बोके पक्णी। तओ बोके बडो हाकिम ठिन अदालतमे लैजाएके कहीं,

रोमियों 1:8

पहिले मए तुम सबके येशू ख्रीष्टके द्वारा अपने परमेश्वरके धन्यबाद देत हओं, काहेकी येशू ख्रीष्टमे तुमर बिश्वासको बारेमे बहुत ठाउँमे आदमी बात करत हएं।

रोमियों 15:26

काहेकी माकेडोनिया परदेश और अखैया परदेशके आदमी अइसे करन एक अच्छी बात सम्झीं, कि जो यरूशलेम सहरमे पबित्र आदमी हएं और जो गरीब हएं उनके भेँटी देमएं।

रोमियों 16:19

हर कोइ जानत हए, कि तुम कित्तो अच्छेसे प्रभुको आज्ञा मानत हओ; जहेमारे मए तुमर बारेमे आनन्द करत हओं; पर मए चाँहत हओं, कि जो असल हए बाके ताहीं तुम बुद्धिमान होबओ, और जो खराब हए बामे निर्दोष रहाबओ।

1 कोरिन्थी 14:36

अइसो काहे हए, कि तुम मैसे कुछ पहिले बताए गए जे कानुनन्के पालन नाए करन चाँहत हएं? का तुमके लगत हए कि तुम पहिलो हओ जो परमेश्वरको बचनके देन बारे हओ? या जा केवल तुम्हीके दओगओ रहए?

2 कोरिन्थी 2:14

पर परमेश्वरके धन्यबाद होए, काहेकी हमर ख्रीष्ट सँगको सम्बन्धके मारे, परमेश्वर रोज हमके ख्रीष्टके सँग डुरीयात हए। और अब बा हमके मिठो बासना आन बारो धुप कता सब ठाउँमे ख्रीष्टको ज्ञान फैलानके प्रयोग करत हए।

2 कोरिन्थी 3:4

ख्रीष्टद्वारा हमर भरोसा परमेश्वरमे भओके कारण हम अइसो बात कहात हएं।

कलस्सी 3:16

हर समय ख्रीष्टके सन्देशके बारेमे सोँचओ। ताकी जा बे सबके नियन्त्रण करए, जो तुम करत और सोँचत हओ। और सिद्ध ज्ञान सहिँत एकदुस्रेके सिखाओ, और सल्लहा देओ। और अपने-अपने मनमे धन्यबादके सँग परमेश्वरके ताहीं भजन, स्तुति और आत्मिक गीत गाओ।

2 थेसलोनिकी 1:4

जहेमारे हम परमेश्वरको मण्डलीमे तुमर बारेमे घमण्ड करत हएं। अइसियए, तुम परीक्षासे हुइके जातहओ, तहुँफिर तुम धिरजसे सहात रहात हओ और तुम अभौफिर येशू ख्रीष्टमे बिश्वास करत हओ।

2 थेसलोनिकी 3:1

अन्तमे हे मेरे बिश्वासी ददाभइयओ, हमर ताहीं प्राथना करे करओ, ताकी हम जल्दीयए हर ठिहामे प्रभु येशू ख्रीष्टके बारेमे सन्देशके फैलाए पामएं और आदमी जामे उइसी बिश्वास करएं जैसे तुम करे हओ।

1 तिमोथी 2:8

मए चाँहत हओं, कि हर ठिहा जब तुम परमेश्वरको आराधना करनके ताहीं जमा होत हओ, तओ बे लोग जो पबित्र जीबन जीइत हएं अपने हातके उठाएके बिना दिक्क और बिना बिबाद करे प्राथना करएं।

2 तिमोथी 2:9

मए जेलमे एक अपराधी कता दुख सहिरहो हओं, काहेकी मए अच्छो समाचारको परचार करत हओं। पर कोइ फिर आदमी परमेश्वरको बचन परचार करनसे रोक नाए पाबैगो।

3 यूहन्ना 1:12

मण्डलीमे हर कोइ कहात हए, कि डेमेत्रियस एक अच्छो आदमी हए, काहेकी बो परमेश्वरको सत्य बचन अनुसार जीइत हए, और हम जा फिर कहात हएं, कि बो एक अच्छो आदमी हए, और तुम जानत हओ, कि हमर गवाही सत्य हए।

प्रकाश 14:6

और मए दुस्रो स्वर्गदूतके बादर उपर उणनडटो फिर देखो। बो स्वर्गदूत अच्छो समाचार लाइ जो कब्ही नाए बदलत हए। बो स्वर्गदूत संसारमे भए आदमीनके, हर जाति, कुल, भाषा, और राष्ट्रके आदमीनके परचार करी।

प्रकाश 22:17

पबित्र आत्मा और थुमाको दुलहीन येशूसे कही, “तुमके जरुर करके आन पणैगो।” हर एकजनै, जो जा बात सुन्तहएं बोके फिर कहान पणैगो, “आबओ।” जो फिर प्यासो हए, बो आबए और बहे पानी पिबए जो सेँतएमे जीबन देतहए।