1 थेसलोनिकी 1:10 - राना थारु नयाँ नियम

¹⁰ और परमेश्वरको लौंणाके स्वर्गसे फिरसे लौटके आनको आसरा करत रहाबओ जौनके परमेश्वर मरो भओ मैसे जिन्दा करी, अर्थात् येशूके, जो परमेश्वरको आन बारो क्रोधसे बचात हए।

परमेस्वर को सच्चो वचन

¹⁰ और बाके बालका कै स्वर्ग से आन तक असियात रहाबौ, जोकै परमेस्वर मरे भै मैं से जिंदो करी है, मतलब ईसु कै, जो हमकै आनबारे परकोप से बचाथै।

1 थेसलोनिकी 1:10 Iomraidhean Croise

मत्ती 1:21

बो एक बच्चाके जनम देहए, और तुम बाको नाउँ येशू धरियओ, काहेकी बा अपन आदमीनके उनको पापसे छुटकारा देहए।”

मत्ती 16:27

काहेकी आदमीको लौंणा अपन दौवाके महिमामे अपन स्वर्गदूत सँग अएहए, और बो बेरा बा हरएक आदमीनके बोको काम अनुसार प्रतिफल देहए।

मत्ती 16:28

नेहात्तओ, मए आदमीको लौंणा, तुमसे कहात हओं, तुम मैसे बहुत आदमी जौन हियाँ ठाणे हओ, तुम परमेश्वरको राज्यके अपना मरनसे अग्गु शक्तिके सँग आत देखैगे।”

मत्ती 3:7

तओ फरिसीनको समुह और सदुकीनको समुह मैसे बहुत जनै बप्तिस्मा लेन आत देखके बिनसे बो कही, “तुम आदमी जहेरिले साँप कता दुष्ट हओ, आन बारो दण्डसे भाजन कौन तुमके चेतावनी दइ?

लूका 2:25

बो समय यरूशलेम सहरमे शिमियोन नाउँ भओ एक आदमी रहए। और बो धर्मी और भक्ता रहए; बो ख्रीष्टको आनको आसरा और इस्राएल देशके आदमीनके तसल्ली देनके डगर देखत रहए, और पबित्र आत्मा बोकेसँग रहए।

लूका 3:7

जो बणी भिड बप्तिस्मा देन बारो यूहन्नासे बप्तिस्मा लेनके आइ, तओ बिनसे बो कही, “तुम जहेरिले साँप कता दुष्ट हओ, तुमके हियाँ सोँचन गलत हए, कि बप्तिस्मा लेनसे तुम अपन पापसे परमेश्वरको दण्ड पानसे बचपए हओ!

प्रेरित 1:11

और बे कहीं, “हे गालील परदेशके आदमी, तुम काहे ठाणके बादर घेन देख रहेहओ? जहे येशू, जौनके परमेश्वर तुमर ठिनसे स्वर्गमे लैगओ हए। ठिक जहे कता दुबारा आबैगो, जैसे तुम अभए बाके स्वर्गमे जात देखे हओ।”

प्रेरित 17:31

काहेकी संसारके सबए आदमीनको न्याय करन बारो दिन बा तोक दइ हए और बो दिन बा अपनए छानो भओ व्यक्ति द्वारा न्यायसाथ इन्साफ करैगो। आदमीको लौंणाके न्याय करनके अधिकार हए कहान बारो प्रमाण सबए आदमीनके देओ कहिके परमेश्वर येशूके मरो मैसे जिन्दा करी।”

प्रेरित 2:24

पर परमेश्वर बाके मरो भओ मैसे जिन्दा करीहए। परमेश्वर बाके मृत्युको शक्तिसे छुटाइहए काहेकी मृत्युके ताहीं येशूके अपने अधिनमे नाए धर सकत रहए।

प्रेरित 2:32

जहे येशूके, परमेश्वर मरो भओ मैसे जिन्दा करी। जा बातके हम सब साक्षी हएं।

प्रेरित 3:15

और जीबनको स्रोतके तुम मारे, जौनके परमेश्वर बाके मरे मैसे जिन्दा बनाइ, और हम जा बातके साक्षी हएं।

प्रेरित 3:21

येशूके स्वर्गमे, बो समय तक रहानके जरुरी हए जब तक बे सब चिजनके परमेश्वर नयाँ नाए बनाए देए। बहुत समय पहिले परमेश्वर आदमीनके जा बात कहानके ताहीं पबित्र अगमबक्तनके द्वारा अइसे करनके प्रतिज्ञा करी।

प्रेरित 4:10

तुम सबए और सारा इस्राएल देशके आदमीनके पता होए, कि जा नासरत गाउँमे रहान बारो येशू ख्रीष्टके नाउँमे करोगओ हए। बहे येशू ख्रीष्टके तुम क्रूसमे टाँग दएरहओ, पर परमेश्वर बोके मरे मैसे फिरके जिन्दा करी। आज बाके नाउँके द्वारा जा आदमी तुमर अग्गु अच्छो हुइके ठाणो हए।

रोमियों 1:4

और पबित्र आत्माके शक्तिसे, येशू ख्रीष्ट मरो भओ मैसे जीइ उठके परमेश्वरको आत्मामे सामर्थके साथ परमेश्वरको लौंणा ठहिरो हए।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

रोमियों 4:25

येशू हमर अपराधके ताहीं मारोगओ, और परमेश्वर हमएं अपने सँग धर्मी घोषित करनके ताहीं येशूके फिरसे जिन्दा करी।

रोमियों 8:34

कोइ फिर हमके दण्ड नाए दइ पएहए काहेकी जा येशू ख्रीष्ट हए, जो हमर ताहीं मरीगओ और मरो भओसे फिरसे जिन्दा बनाओ गओ रहए। अभए बा परमेश्वरके दहिना हात घेन रहिके राज्य कररहो हए, और जो हमर घेनसे हमर ताहीं फिर बिन्ती करत हए।

1 कोरिन्थी 1:7

और जहेमारे, पबित्र आत्मा तुमके सब आत्मिक बरदान दइ हए, जौनको तुमके जरुरत हए, जबकी तुम हमर प्रभु येशू ख्रीष्टके लौट आनको आसरा कर रहेहओ।

गलातियों 3:13

पर ख्रीष्ट हमके बो सरापसे बचाइ हए, जो नियम कानुन लात हए। जब क्रूसमे ख्रीष्टको मृत्यु भओ, तओ बा हमरे पापसे आन बारो सराप अपने उपर लैलै और हमके छुटकारा दइ। काहेकी पबित्र-शास्त्रमे जा लिखो हए, “जो कोइ फिर क्रूसमे मरत हए, बो सरापित हए।”

फिलिप्पी 3:20

पर हम स्वर्गसे सम्बन्धित हएं, और हम एक उद्धारकर्ता प्रभु येशू ख्रीष्टके स्वर्गसे लौटके आनको आसरा करत हएं।

कलस्सी 1:18

जैसे आदमी अपन मुणसे शरीरके नियन्त्रण करत हए, उइसी ख्रीष्ट अपन मण्डलीके नियन्त्रण करत हए, बहे सुरु हए, और मरे भए मैसे जीइ उठन बारो मैसे पहिलो हए, ताकी सब बातमे बहे बडो होबए।

1 थेसलोनिकी 1:7

हियाँतककी माकेडोनिया परदेश और अखैया परदेशमे सब बिश्वासीके बीचमे तुम एक नमुना बने।

1 थेसलोनिकी 2:16

और अब बे, गैर-यहूदीनसे उनको उद्धारके ताहीं बात करनसे हमके रोकत हएं। बे अपने पापमे, पाप जोडतए जात हएं, अब अन्तमे परमेश्वर नेहात्तओ उनके दण्ड देन बारो हए।

1 थेसलोनिकी 2:7

पर जैसे अइया अपने बालकनके पालान पोषण करत हए, अइसियए हम फिर तुमर बीचमे रहिके माया और दया दिखाए हएं।

1 थेसलोनिकी 5:9

काहेकी परमेश्वर हमके जाकेमारे नाए चुनी, कि अपने दिक्कसे हमएं दण्ड देबए। बल्कि हम अपने प्रभु येशू ख्रीष्टके द्वारा उद्धार पानके ताहीं छानेगए हएं।

2 तिमोथी 4:1

जब येशू ख्रीष्ट राजाके रुपममे राज्य करन आबैगो, तओ बा जिन्दा और मरेभइनके न्याय करैगो। तभीमारे, परमेश्वर और येशू ख्रीष्टको साक्षीके रुपमे मए तोके अनुग्रह करत हओं,

तीतुस 2:13

हम अइसे ब्यबहार करत हएं, जब हम बेहीं अदभुत दिनको प्रतीक्षा कर रहे हएं, जोको हमके आसरा हए; बहे दिन जब प्रभु येशू ख्रीष्ट, जो हमर महान परमेश्वर और मुक्तिदाता हए, अपनो सारे महिमाके सँग पृथ्वीमे लौटके आबैगो।

हिब्रू 10:27

पर बे, परमेश्वरको न्यायके ताहीं डरातए आसरा करन पणत हए, और बे बाको दुश्मन होनके कारणसे पज्रत आगिमे भसम हुइ जामंगे।

हिब्रू 9:28

उइसी करके बहुत आदमीनको पाप उठाए लैजानके ताहीं ख्रीष्ट अपनएके एकए चोटी बलि करी। और येशू दुस्रो चोटी फिर आबैगो। बो बेरा अपनएके पापके ताहीं बलि करनके नाए, पर बाको डगर देखके बैठन बारेनके बचानके ताहीं आबैगो।

1 पतरस 1:21

काहेकी ख्रीष्ट कर भओ कामके कारणसे, तुम अभए परमेश्वर उपर बिश्वास करत हओ। और तुम अपनो बिश्वास और आसराके परमेश्वरमे रक्खे हओ, काहेकी परमेश्वर ख्रीष्टके मृत्युसे जिन्दा करी और परमेश्वरके बहुत महिमा दइ।

1 पतरस 1:3

हमर प्रभु येशू ख्रीष्टको दौवा और परमेश्वरके प्रसंसा होबए। परमेश्वरको हमर प्रतिको महान कृपासे बा हमके एक नयाँ जीबन दइ हए। काहेकी परमेश्वर येशू ख्रीष्टके मृत्युसे जिन्दा बनाइ हए, बा हमके निर्धक्कसे बचन सक्षम बनाइ हए; बोको मतलब बा हमके प्रतिज्ञा करोभओ बातके पानके पुरा आसरा करनो हए।

1 पतरस 2:21

परमेश्वर तुमके बुलानको एक कारण जा हए, कि तुम बाके ताहीं कष्ट उठाबओ। ख्रीष्ट, जौन तुमर ताहीं कष्ट उठाइ, बा तुमर उदाहरण हए। बहेमारे तुमके बाको दिखाओ भओ डगरमे नेँगन पणैगो।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

2 पतरस 3:12

तुम बो दिनको प्रतिक्षा करत पेती, जब परमेश्वर संसारको न्याय करन आबैगो, तओ बो दिन जल्दी आबए करके सबसे अच्छो काम करओ। बो दिन आगी जलैगो और बादर नष्ट होबैगो, और आगिकी आँच पृथ्वीमे भए सब चीजके पिघ्लाए देबैगो।

2 पतरस 3:14

जहेमारे प्रिय हो, परमेश्वर संसारको न्याय करन बारो दिनको तुम प्रतिक्षा करत पेती तुम पबित्र और खोट नाए भओ होन और बाके सँग शान्तिमे बैठनके सबसे अच्छो कम करन पणत हए।

प्रकाश 1:18

मए जीबनको स्रोत हओं। मए एकचोटी मरिगओ रहओं, पर अब जिन्दा हुइगओ हओं और मए सदादिनके ताहीं जिन्दा रहामंगो। और मेरे सँग बेहीं पातालके कुन्जी हएं, जो मोके बो ठाँउके खोलनको शक्ति देत हएं जहाँ मरे भए आदमी हएं। और उनके फिरसे जिन्दा करनकी शक्ति देतहए।

प्रकाश 1:7

सुनओ, बा बादरके सँग आन बारो हए, हर एक आदमी बाके देखंगे, हियाँतककी जब येशू क्रूसमे चढाओगओ रहए तओ बाके पसुरीमे भाला मारी रहए, बो फिर देखैगो। और जब बे बाके देखंगे तओ पृथ्वीके सब आदमी उँची अबाजमे रोमंगे। अइसियए होबए। आमेन।