1 पतरस 5:9 - राना थारु नयाँ नियम

⁹ तुमर मजबुत बिश्वाससे तुमके शैतानके बिरोध करन पणत हए। याद करओ, कि संसार भर रहान बारे आदमी फिर अइसियए कष्टको अनुभव करन पडरहो हए।

परमेस्वर को सच्चो वचन

⁹ अपने बिस्वास मैं दृढ़ रैहबौ और बाको बिरोध करौ, काहैकि तुम जानथौ कि पूरी दुनिया मैं दुसरे विस्वासी एकै जैसी के दुख से गुजर रै हैं।

1 पतरस 5:9 Iomraidhean Croise

लूका 22:32

पर मए तिर ताहीं परमेश्वरसे प्राथना करत हओं, कि मोएमे तिर बिश्वास नाए हटए। और जब तए पाप करन छोडके परमेश्वर घेन घुमैगो, तओ अपने बिश्वासी ददाभइयनके मोएमे स्थिर करबा।”

यूहन्ना 16:33

मए जा बात तुमसे जहेमारे कहो, कि तुमके मेरे कारणसे शान्ति मिलए। संसारमे तुमके समस्या आबैगो, पर सहास करओ, काहेकी मए जा संसारके सासक या शैतानके जितो हओं।”

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

1 कोरिन्थी 10:13

पाप करनको इच्छा हम सबके ठिन जरुर आत हएं, पर परमेश्वर बिश्वासयोग्य हए: काहेकी परमेश्वर तुमर ताहीं अइसो एकौ परीक्षा नाए देहए, जो परीक्षामे तुम लणनमे सक्षम नाए होओ। बल्कि परमेश्वर तुमके शक्ति देबैगो, ताकी तुम पापसे बचनमे सक्षम रहाओ।

इफिसियों 4:27

और तुमके धोखा देनके ताहीं शैतानके मौका मतदेओ।

इफिसियों 6:16

जैसे एक सैनिक ढाल लैके अपने उपर आन बारो सत्रुनको तिरसे अपनएके बचात हए, उइसीयए ख्रीष्टमे मजबुत बिश्वास करओ, ताकी ख्रीष्ट तुमके शैतान द्वारा नुक्सान पुगानसे बचाबए।

कलस्सी 2:5

काहेकी अगर मए तुमसे दुर हओं, कहेसे फिर मए तुमर बारेमे सोँचतए रहात हओं, और मए जा देखके बहुत खुसी हओं, कि तुम कित्नो नियममे रहात हओ, और ख्रीष्टमे तुमर बिश्वास कित्नो बलियो हए।

1 थेसलोनिकी 3:3

ताकी कोइ जे दु:खके कारण डगमगाए नाए जाए। काहेकी तुम जानत रहओ, कि हमके दुख उठान पणैगो।

1 तिमोथी 6:12

युद्धमे एक अच्छे सैनिक हानी, जो लडाइमे कभी हार नाए मानत हए, तोके फिर परमेश्वरमे भरोसा करनके और बाकी आज्ञाके पालन करन नाए छोडनके हए। और कभी फिर नाश नाए होन बारो जीबनके मजबुतसे पकणले, जौनके ताहीं तए बुलाओ गओ हए, और बहुत आदमीके अग्गु, तए स्पष्ट रुपसे कहो रहए, कि तए ख्रीष्टमे भरोसा करत हए।

2 तिमोथी 3:12

तए अच्छेसे जान्त हए, कि आदमी बे सब जनैके सतामंगे जो ख्रीष्ट येशूके अनुयायीके रुपमे जीबन जीइन चाँहत हएं।

2 तिमोथी 4:7

जैसे एक अच्छो सिपाही युद्धमे कभी फिर हार नाए मानत हए उइसीयए मए फिर ख्रीष्टके ताहीं कर्रो मेहेनत करनके कभु नाए छोडो, मए सब काम पुरा करडारो हओं जौन काम करनके ताहीं येशू ख्रीष्ट मोके दइ रहए। ख्रीष्ट उपरको मिर बिश्वास कभु फिर नाए बदलैगो।

हिब्रू 11:33

बिश्वासए द्वारा बे राज्य कब्जा करीं और न्यायके साथ राज्य करीं। परमेश्वरसे प्रतिज्ञा करीभइ बातके फिर पाइं। बघटा फिर उनके नाए खाइं।

हिब्रू 12:8

पर अगर सबए जनै सहभागी भए बो सजाय तुम पाएनाए हओ कहेसे तुम अपने दौवाके खास लौंणा नाएहओ, और तुम नेहात्तओकमे परमेश्वरके लौंणालौंणीया नाए हओ।

याकूब 4:7

जहेमारे अपनएके परमेश्वरके अधीनमे धरओ। शैतानको बिरोध करओ और बो तुमसे भाजैगो।

1 पतरस 1:6

तुमके जे सबए बातके बारेमे खुसी होन पणैगो, तहुँफिर अभए थोरी समयके ताहीं तुमके बिभिन्न किसिमको कष्ट सहान पणैगो।

1 पतरस 2:21

परमेश्वर तुमके बुलानको एक कारण जा हए, कि तुम बाके ताहीं कष्ट उठाबओ। ख्रीष्ट, जौन तुमर ताहीं कष्ट उठाइ, बा तुमर उदाहरण हए। बहेमारे तुमके बाको दिखाओ भओ डगरमे नेँगन पणैगो।

1 पतरस 3:14

पर अगर तुम अच्छो काम करोके कारणसे कोइ दुख उठान पणो हए कहेसे, परमेश्वर तुमके आशिष देबैगो। अगमबक्ता, यशैयासे लिखो भओ कता करओ: “तुमके धमकी देन बारे आदमीनसे मतडराओ और आदमी का करंगे कहिके बातमे चिन्ता मत् करओ।”

1 पतरस 4:13

जाके बारेमे खुसी होबओ, काहेकी तुम ख्रीष्टको भोगो भओ कष्टमे सहभागी भए हओ। बहेमारे जब ख्रीष्ट सबए आदमीनके अपनो महिमा प्रकट करनके फिरसे आबैगो, तओ नेहात्तओ तुमर आनन्द बहुत होबैगो।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।

प्रकाश 6:11

उन मैसे सबएके सेतो लत्ता दओगओ। और परमेश्वर उनसे कही, “अभएके ताहीं अराम करओ, काहेकी अभौफिर तुमर कुछ सहकर्मी और बिश्वासी ददाभइया हएं जौननके तुमही कता मारडारे जएहएं। जब मारेजान बारेनकी संख्या पुरी हुइजएहए, तब्ही इकल्लो मए बदला लेमंगो।”

प्रकाश 7:14

और मए बोसे कहो, “हे स्वामी, मए नाए जानत हओं पर तए जानत हए।” बो मोसे कही, “जे सेते लत्ता पैँधेभए आदमी बेहिं हएं, जौनको मृत्यु कष्टको भयानक समयमे भओ रहए। जे बे आदमी हएं, जौन थुमाके खुनसे अपनएके सफा बनाए लइ हएं।”