1 यूहन्ना 4:6 - राना थारु नयाँ नियम

⁶ हम परमेश्वरके हएं। जो परमेश्वरके जानत हए बो हमर बात सुनत हए; जो परमेश्वरके नाए जानत हए, बो हमर बात नाए सुनत हए; अइसियए हम सच्चो बोलन बारो आत्माके और झुठो बोलन बारो आत्माके पहिचान करसकत हएं।

परमेस्वर को सच्चो वचन

⁶ लेकिन हम परमेस्वर के हैं। जो कोई भी परमेस्वर कै जानथै बौ हमैं सुनथै; जो कोई परमेस्वर से सम्बंध नाय रखथै, बौ हमरी बात नाय मानथै। फिरौंकी, जौ है कि हम सच्चाई की आत्मा और भरमान की आत्मा के बीच अंतर कैसे बताए सकथैं।

1 यूहन्ना 4:6 Iomraidhean Croise

लूका 10:22

मिर दौवा सब कुछको जिम्मा दइ हए। लौंणा कौन हए करके दौवा बाहेक कोइ नाए जानत हए। दौवा कौन हए करके लौंणा बाहेक औ कोइ लौंणा बाके नाए जानत हएं। और जौनकमे बा लौंणाके दिखानके चाहैगो, और जौन आदमीमे, लौंणा अपन दौवाके दिखान चाहैगो, बो फिर परमेश्वरके जानत हए।”

यूहन्ना 10:16

“अब जा खोणमे नाएभए मेरे और भेंणा हएं और मोके बिनके फिर लानके पणो हए। अगर बे मिर अबाज चिनपामंगे तओ मिर सब भेंणा एकए झुण्ड हुइके एकए बकरेहेराके होमंगे।

यूहन्ना 10:27

“जैसेकी भेंणा अपनो अच्छो बकरेहेराको अबाज चिनजात हएं, उइसीयए मेरे आदमी मिर बातमे ध्यान देत हएं। मए उनके जानत हओं, और बे मेरे चेला बननके ताहीं मेरे पिच्छु लाग्गए हएं।

यूहन्ना 10:3

बोके ताहीं चौकीदार फाटक खोलदेत हए, और भेंणा बोको अबाज चिनजात हएं, और बो अपने भेंणनके नाउँ लैके बुलातहए, और बिनके बाहिर निकारत हए।

यूहन्ना 13:20

नेहात्तओ मए तुमसे कहात हओं, ‘जौनके मए पठात हओं, बोके स्वीकार करन बारो आदमी मोके स्वीकार करत हए, और मोके स्वीकार करन बारो मोके पठान बारोके स्वीकार करत हए।’”

यूहन्ना 14:17

बा बो आत्मा हए जो परमेश्वरके बारेमे सच्चाईके प्रकट करत हए। पर संसार बाके नाए पाबैगो काहेकी संसार बाके नए देखत हए नए चिन्त हए। पर तुम बाके चिन्त हओ काहेकी बा तुमरी सँग रहात हए और बा तुमरी भितर बास करैगो।

यूहन्ना 15:26

“मए दौवाके घेनसे तुमर ताहीं एक सल्लाहकार पठामंगो। बा बो आत्मा हए जो परमेश्वरके बारेमे सच्चाईके प्रकट करत हए, जब बा आबैगो तओ बो तुमके मेरे बारेमे गवाही देबैगो।

यूहन्ना 16:13

जब बा परमेश्वरके बारेमे सच्चाई प्रकट करन बारो आत्मा आबैगो। तओ आत्मा तुमके, परमेश्वरके बारेमे जो फिर सत्य हए कहिके जाननको कारण बनैगो, काहेकी सल्लाहकार अपनी अधिकारसे नाए मस्कत हए। बल्कि सल्लाहकार परमेश्वरके घेनको बात सुनैगो और बहे बताबैगो, और आन बारी बात तुमके बताबैगो।

यूहन्ना 18:37

पिलातस येशूसे पुछीं, “का तुम राजा हओ?” येशू जबाफ दइके कही, “तुमही कहात हओ, कि मए राजा हओं। मए जनम लेन और संसारमे आनको कारण जा हए, कि मए सत्यके बारेमे सिखाए पामओं। सत्यके पालन करन बारे सब मेरी बात सुन्तहएं।”

यूहन्ना 20:21

येशू फिर बिनसे कही, “तुमके शान्ति मिलए! जैसी दौवा मोके संसारमे पठाइ हए, उइसीयए मए फिर तुमके पठाएरहो हओं।”

यूहन्ना 8:19

फरिसीनको समुह येशूसे कहीं, “तुमर दौवा कहाँ हए?” येशू जबाफ दइके कही, “तुम नए मोके चिन्हत हओ नए त मिर दौवाके चिन्हत हओ। अगर तुम मोके चिन्ते कहेसे मिर दौवाके फिर चिनजैते।”

यूहन्ना 8:23

तओ येशू उनसे कही, “तुम हियाँ जहे संसारमे जन्मे रहओ, पर मए स्वर्गसे आओ हओं। तुम जहे संसारके हओ, पर मए जा संसारको नाए हओं।

रोमियों 1:1

मए पावल, येशू ख्रीष्टको सेवक हओं, और चुनो भओ चेला होनके ताहीं परमेश्वर द्वारा चुनो गओ हओं, और परमेश्वरको तरफसे अच्छो समाचारके परचार करनके ताहीं अलग करोगओ हओं।

रोमियों 11:8

जैसे यशैया अगमबक्ताके द्वारा पबित्र-शास्त्रमे कहात हए, “परमेश्वर उनके आजके दिनतक सुस्त मन दइ हए। और अइसो आँखी दइहए, कि बे देख नाए पामएं और अइसो कान दइहए कि, बे नाए सुनपामएं।”

1 कोरिन्थी 14:37

अगर कोइ आदमी अपनएके अगमबक्ता या पबित्र आत्मकी योग्यता दओगओ आदमी सम्झत हए कहेसे बो जानलेबए, कि जो बात मए तुमके लिखत हओं, बे परमेश्वरको आज्ञा हए।

2 कोरिन्थी 10:7

तुम बाहिरी रुपसे देखत हओ। कोइ आदमीके जा भरोसा हए कि बो ख्रीष्टको हए कहेसे, अपनएके याद दिलाबए, कि जैसो बो ख्रीष्टको हए, हम फिर ख्रीष्टके हएं।

2 थेसलोनिकी 1:8

और जो परमेश्वरके नाए चिनत हएं, और जो हमर प्रभु येशू ख्रीष्टके बारेमे अच्छो समाचारके स्वीकार नाए करत हएं, परमेश्वर उनके दण्ड देबैगो।

1 तिमोथी 4:1

पर पबित्र आत्मा प्रष्टसे कहात हए, कि आखिरी समयमे कुछ आदमी ख्रीष्टको सन्देशमे बिश्वास नाए करंगे। बे भुतनके सन्देशमे बिश्वास करंगे जो उनके भणकात हए, और बे झुठो सन्देशमे बिश्वास करंगे जो भुतके घेनसे आत हए।

2 पतरस 3:2

मए अइसे करत हओं, काहेकी अगमबक्ता बहुत समय पहिले बोलो भओ बचन और हमर प्रभु येशू ख्रीष्ट, हाम्रो मुक्तिदाताको शिक्षाके तुम याद करओ कहिके मए चाँहत हओं, जौन तुमर ठिन आएके चुनेभए चेला तुमके सिखाइ रहएं।

1 यूहन्ना 4:1

हे मेरे प्यारे सँगीउ, हरकोइ आदमीनके उपर बिश्वास मत् करओ, जो पबित्र आत्मासे मस्कनको दाबि करत हए, पर आत्मनके जाँचओ कि बे परमेश्वरके घेनसे हएं, कि नाए हएं। काहेकी बहुतसे झुठे अगमबक्ता संसारमे हएं।

1 यूहन्ना 4:4

हे मेरे प्यारे बालकओ, तुम परमेश्वरके आदमी हओं, और तुम बे झुठे अगमबक्तनसे जितीगए हओ, काहेकी पबित्र आत्मा जो तुममे हए, बा शैतानसे बडो हए, जो जा संसारके आदमीनके उपर राज्य करत हए।

1 यूहन्ना 4:8

जो एकदुस्रेनसे प्रेम नाए करत हए, बो परमेश्वरके नाए जानत हए, काहेकी परमेश्वर प्रेम हए।

1 यूहन्ना 5:19

हम जानत हएं, हम परमेश्वरके सन्तान हएं, और सारा संसार बो शैतानके कब्जामे पणो हए।

यहूदा 1:17

हे मेरे प्यारे सँगीउ, तुम हमर प्रभु येशू ख्रीष्टके चुनेभए चेलनको पहिलीए कहीभइ बात सम्झओ।