1 कोरिन्थी 8:3 - राना थारु नयाँ नियम

³ पर कोइ परमेश्वरके प्रेम करत हए कहेसे परमेश्वर बोके जानत हए।

परमेस्वर को सच्चो वचन

³ अगर कोई परमेस्वर कै प्यार करथै, तौ बाकै परमेस्वर जानथै।

1 कोरिन्थी 8:3 Iomraidhean Croise

मत्ती 7:23

और मए बिनसे सफासे कहिदेहओं, ‘मए तुमके कभु नाए चिनो हओं। ए अधर्म काम करन बारे, मिर ठिनसे चलेजाओ।’”

यूहन्ना 10:14

“मए बो बकरेहेरा हओं, जैसी दौवा मोके चिन्त हए और मए दौवाके चिन्त हओं। उइसीयए जौन अपन भेंणनके चिन्त हए और मिर अपने भेंणा मोके चिन्त हएं। मए अपने भेंणाके ताहीं मरनके तयार हओं।”

यूहन्ना 21:17

येशू फिर बासे तिसरो चोटी कही, “ए सिमोन, यूहन्नाको लौंणा, का तुम मोके प्रेम करत हओ।” पत्रुस दुखित हुइगओ, काहेकी बा तिसरो चोटी फिर बोसे अइसे पुँछी, “का तुम मोके प्रेम करत हओ?” और बो बासे कही, “हे प्रभु, तुम सब कुछ जानत हओ कि मए तुमसे प्रेम करत हओं।” येशू बोसे कही, “मिर भेंणनके रेखदेख कर।

रोमियों 11:2

परमेश्वर अपने बो आदमीके नाए त्यागी, जोके बा पहिलीएसे चुनलै रहए। तुम जानत हओ, कि पबित्र-शास्त्र एलिया अगमबक्ताके बारेमे का लिखी रहए, कि एलिया इस्राएल देशके आदमीनके बारेमे परमेश्वरसे गुनासो करी।

1 कोरिन्थी 13:12

जा हमर बिश्वास करन बारेनके सँग उइसीयए हए। जैसी एक आदमी एक खराब दर्पनमे अपन अनुहार देखत हए। काहेकी हम अभएतक सबकुछ स्पष्ट रुपसे नाए बुझत हएं। हम भबिष्यमे कुछ चीज बुझजामंगे। काहेकी हम परमेश्वरके अपने अग्गु देखंगे। अभए मिर ज्ञान पुरो नाए हए। भबिष्यमे इकल्लो जब बो दिन आबैगो तओ मए नेहात्तओकमे बाके जानंगो, जैसे परमेश्वर मोके फिर जानत हए।

1 कोरिन्थी 2:9

पर पबित्र-शास्त्रमे अइसो लिखो हए, “नए कोइ कभी देखो हए, और नए कभी कोइ सुनो हए और नए कभी कोइ उइसो अदभुत कामके बारेमे कल्पना करीहए, जो परमेश्वर बे आदमीनके ताहीं तयार करीहए, जो बासे प्रेम करत हएं।”

गलातियों 4:9

जबकी परमेश्वरके सँग तुमर सम्बन्ध हए, और परमेश्वर हमके अपनो लौंणाके रुपमे स्वीकारलै हए। तहुँफिर तुम कमजोर और गैर कामके गुरुको कमैया बननके ताहीं काहे लौटरहे हओ? का तुमके दुबारा उन्हींनको कमैया बननके इच्छा हए?

2 तिमोथी 2:19

तहुँफिर परमेश्वरके आदमी एक जग हानी हएं, जो हमेसा बिश्वासमे बने रहात हएं। जा जगमे जे मेलको शब्द लिखे रहात हएं: “प्रभु जानत हए, कि बाके आदमी कौन हएं” और जा फिर कि “जो कोइ फिर परमेश्वरको आराधना करत हए, बोके खराब काम करनके बन्द करदेन पणो।”

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

याकूब 2:5

हे मेरे प्यारे बिश्वासी ददाभइयओ, सुनओ, जा संसारके गरीब आदमीनके परमेश्वर बहुत बिश्वास करी। परमेश्वर बे सबके अपनो राज्यमे हकदार होनके ताहीं प्रतिज्ञा करी, कि जौन बाके प्रेम करैगो।

1 पतरस 1:8

तुम येशूके कभु नाएदेखे हओ, तहुँफिर तुम बाके प्रेम करत हओ। तुम बाके हबए नाए देखैगे। पर तुम बामे बिश्वास करत हओ, बहेमारे तुम बहुत खुसी हओ। तुम कित्नो खुसी हओ कहिके बर्णन करनके सब्द नाए हएं।

1 यूहन्ना 4:19

हम परमेश्वरसे और एक-दुस्रेनसे प्रेम करत हएं, काहेकी सुरुमे परमेश्वर हमके प्रेम करी।

1 यूहन्ना 4:7

हे मेरे प्यारे सँगीउ, हम एकदुस्रेके प्रेम करएं, काहेकी प्रेम परमेश्वरसे आत हए, और जो एकदुस्रेनसे प्रेम करत हए, बो परमेश्वरको सन्तान हए, और बे परमेश्वरके जानत हएं।

प्रकाश 2:13

मए जानत हओं, कि तए शैतानको सिंहासनके अधिनमे हए, पर अइसो होतए-होत तए मोएमे अपनो बिश्वासके मजबुत करो हए, और तए मिर शिक्षनके नाए छोडो हए। हियाँतककी, तहुँफिर नाए छोडो, जब बहुत समय पहिले एन्टिपासको हत्या करोगओ रहए। बो मिर बचनके परचार करनमे बिश्वासयोग्य रहए, जहेमारे बोके तेरे सहरमे मारडारीं जो शैतानके अधिनमे हए।

प्रकाश 2:19

मए पता हए, कि तए कैसे कडा मेहेनत करत हए, तए एकदुस्रेनके प्रेम करत हए और तिर बिश्वास मोएमे मजबुत हए। और मोके पता हए, कि तए एकदुस्रेनके कैसे मदत करत हए, तोएमे सहानको क्षमता हए। मोके पता हए, कि तए पहिले मोएमे बिश्वास करो समयसे अभए जे अच्छे काम करनडटो हए।

प्रकाश 2:9

मए जानत हओं, कि तोके सतावगओ हए और तए गरीब हए। पर आत्मिक मामलामे तए बहुत धनवान हए। मए बे आदमीनके बारेमे जान्त हओं, जो दाबि करत हएं कि बे यहूदी हएं, पर बे सच्चे यहूदी नाए हएं। बे तेरे बातके बदनाम करत हएं, पर बास्ताबमे बे बहे समुहके सदस्य हएं जो शैतानको हए।