1 कोरिन्थी 6:10 - राना थारु नयाँ नियम

¹⁰ नए चुट्टा, नए लोभी, नए दरोह, नए बेज्जत करन बारे, नए लुटन बारे कोइ फिर परमेश्वरको राज्यको हकदार नाए हुइहएं।

परमेस्वर को सच्चो वचन

¹⁰ नाय चुट्टा, ना लालची, ना पियक्कड़, ना गारी देनबारे, ना अंधेर करन बारे परमेस्वर के राज्य के बारिस होमंगे।

1 कोरिन्थी 6:10 Iomraidhean Croise

मत्ती 21:19

तओ डगर किनारे येशू एक अञ्‍जीरको पेणके देखी। बा बो पेणके ढिँगै आओ, और बोमे पत्तासे अलाबा और कुछ नाएपाइ। तओ येशू बोसे कही, “अब तोएमे कभु फरा नाए फरए” तओ बो अञ्‍जीरको रुखा तुरन्त अइलियाइ गओ।

मत्ती 23:13

“हे मोशाको नियम कानुन सिखान बारे और फरिसीनको समुह, कपटीयओ, परमेश्वर तुमके दण्ड देहए! काहेकी तुम आदमीनके, स्वर्गके राज्यमे प्रबेश करनके अनुमति नाए देत हओ, नए त तुम अपनए बोमे घुसत हओ, नए घुसन बारेके घुसन देत हओ।

मत्ती 23:33

साँपके बच्चओ, तुम नरकको दण्डसे कैसे बचैगे?

यूहन्ना 12:6

पर यहूदा इस्करियोत गरीबके प्रेम करके अइसो नाए कही रहए, पर चुट्टाके कारणसे अइसो कही रहए और रुपैयाकी थैली बहेके धरन दओगओ रहए और बो थैलीसे रुपैया निकारे करत रहए।

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।

1 कोरिन्थी 15:50

हे मेरे बिश्वासी ददाभइयओ, जा पृथ्वीमे हमर शरीर बुट्टी और खुनसे बनो हए; हम स्वर्गमे परमेश्वरके राज्यमे नाए घुस पएहएं। हम स्वर्गमे अपनो अइसो शरीरके साथ नाए रहिपए हएं जो मर सकत हए, काहेकी हुवाँपर कोइ मृत्यु नाए हए।

1 कोरिन्थी 5:11

मिर कहाइको मतलब जा हए; कि अगर कोइ अपनएके एक बिश्वासी बताएके, व्यभिचार करन बारे, लोभ करन बारे, मूर्ति पूजन बारे, बुराइ करन बारे, दारु पिन बारे, या चुरान बारे होएं, तओ बोको सँगत मत् करीयओ; और अइसे आदमीनके सँग खानु फिर मतखैओ।

गलातियों 5:21

बे एक-दुस्रेसे जलत हएं, दरुके नसामे होत हएं, अनैतिक मौजमजा और अइसियए सब मेलके खराब काम करत हएं। मए तुमके चेतावनी दइ रहो हओं, जैसे मए पहिले फिर तुमके चेतावनी दओ रहओं, कि अइसे-अइसे काम करन बारे आदमी परमेश्वरके राज्यको उत्तराधिकारी नाए होमंगे।

इफिसियों 4:28

चोरी काम करन बारे फिर चोरी नाए करएं पर बोके अपनो हातनसे इमानदारीको काम करन पणो, ताकी गरीब आदमीनके सँग बाँटनके ताहीं बोके ठिन कुछ होए।

इफिसियों 5:5

तुमके पता होनए पणैगो, कि व्यभिचार करन बारे, अशुद्ध और लोभी आदमी परमेश्वर और ख्रीष्टको राज्यमे हक नाए पाबैगो। लालची आदमी एक मूर्तिपुजकके समान हए जो जा संसारकी चिजनके आराधना करत हए।

1 थेसलोनिकी 4:6

अइसे करके, तुमके अपने बिश्वासी भइयाके बिरुद्धमे पाप नाए करन चाहो, काहेकी प्रभु येशू बोके दण्ड देबैगो, जो अइसे मेलके सब काम करत हएं; जैसेकी हम तुमसे पहिले सफासे कहिदए रहएं और शिक्षा फिर दए रहएं।

1 पतरस 4:15

पर तुम मैसे कोइ फिर हत्यारा, चोर, खराबी करन बारे, दुस्रेन्के बातमे हात डरन बारे कता दुख मतउठाओ।