1 कोरिन्थी 4:4 - राना थारु नयाँ नियम

⁴ काहेकी मिर बिबेक मोके कछु बातमे दोषी नाए ठाहिरात हए, पर जासे मए निर्दोष नाए ठहिरत हओं, काहेकी मिर न्याय करन बारो परमेश्वर हए।

परमेस्वर को सच्चो वचन

⁴ मेरो मन मोकै दोसमुक्त ठहराथै, काहैकि मेरो प्रभु मोकै अजमाथै।

1 कोरिन्थी 4:4 Iomraidhean Croise

यूहन्ना 21:17

येशू फिर बासे तिसरो चोटी कही, “ए सिमोन, यूहन्नाको लौंणा, का तुम मोके प्रेम करत हओ।” पत्रुस दुखित हुइगओ, काहेकी बा तिसरो चोटी फिर बोसे अइसे पुँछी, “का तुम मोके प्रेम करत हओ?” और बो बासे कही, “हे प्रभु, तुम सब कुछ जानत हओ कि मए तुमसे प्रेम करत हओं।” येशू बोसे कही, “मिर भेंणनके रेखदेख कर।

प्रेरित 23:1

पावल यहूदी सभाघर घेन एक नजर लगाएके देखी, और कही, “ददाभइयओ, आजके दिनतक परमेश्वरको दृष्टिमे मए शुद्ध बिबेकसे जीबन बिताओ हओं।”

रोमियों 2:13

काहेकी परमेश्वरकी दृष्टिमे धार्मि बे आदमी नाए हएं, जो नियम कानुनके सुनत इकल्लो हएं। पर धार्मि बे हएं जो नियम कानुनके सुनके पालन करत हएं।

रोमियों 4:2

काहेकी अगर अब्राहाम अच्छो कामसे धर्मी ठहिरतो कहेसे बोके घमण्ड करनको कुछ कारण हुइतो, पर बो अपनो अच्छे कामके बारेमे परमेश्वरके अग्गु घमण्ड नाए कर सकत हए।

1 कोरिन्थी 4:3

जहाँ तक मेरी बात हए, मए जा बातको चिन्ता नाए करत हओं, कि तुम या औ कोइ आदमी का कहात हएं। हियाँतककी मए फिर नाए कहात हओं, कि मए बिश्वासयोग्य हओं या नाए।

1 कोरिन्थी 4:5

जहेमारे जब तक प्रभु नाए लौटए तबतक कोइको न्याय मत् करओ। परमेश्वर स्पष्टसे बे सब बिचारनके बताबैगो जो आदमीनको भितर हए, जौनके बारेमे कोइ नाए जानत हए। परमेश्वर उदेश्यन्के प्रकट करैगो जो उनको दिलमे हए।

2 कोरिन्थी 1:12

हम गर्ब करत हएं, कि हमर बिबेक स्पष्ट हए। संसार और खास करके तुमर सँगको हमर सम्बन्धमे हम परमेश्वरसे आओ भओ पबित्रता और सत्यतामे चले हएं। जा मानब बुद्धिसे नाए, बल्कि परमेश्वरको अनुग्रहसे हए।

2 कोरिन्थी 5:10

काहेकी हम सब एक दिन ख्रीष्टको न्याय-आसनके अग्गु खडा होन पणैगो। सब जनै जा शरीरमे होत पेती अच्छो या खराब, जो-जैसो काम करी हएं, बहे अनुसारको फल पामंगे।