1 कोरिन्थी 15:4 - राना थारु नयाँ नियम

⁴ और गडो गओ; और पबित्र-शास्त्रके अनुसार तिसरो दिन मृत्युसे जिन्दा हुइके लौटके आओ।”

परमेस्वर को सच्चो वचन

⁴ और गड़ारो गौ, और पवित्र सास्त्र के अनुसार तिसरे दिन जिंदो हुई गौ;

1 कोरिन्थी 15:4 Iomraidhean Croise

मत्ती 12:40

योना तीन रात तीन दिन बहुत बडी मछ्रीके पेट भितर रहो, उइसी मए, आदमीको लौंणा फिर धर्तीके भितर तीन दिन और तीन रात रएहओं।

मत्ती 16:21

येशूके कैसे यरूशलेम सहरमे जानपणैगो, और यहूदी अगुवनको समुह और मुखिया यहूदी पुजारी और मोशाको नियम कानुन सिखान बारेसे बहुत कष्ट भोगन पणैगो, मरन पणैगो और तिसरो दिनमे जिन्दा हुइके उठन पणैगो करके येशू बहे बेरासे अपन चेलनके बातनलागो।

मत्ती 20:19

बोके गिल्ला करके, कोर्रा लगए हएं, और क्रूसमे टाँगए करके बे अन्यजातिनके हातमे सौपंगे, और तीन दिनमे बो जिन्दा हुइके उठजए हए।”

मर्कूस 9:31

काहेकी बा अपन चेलनके सँग जद्धी समय बितान और बिनके सिखान चाँहत रहए। बा उनसे कही, “जल्दीयए कोइ, मए आदमीको लौंणाके मिर दुस्मनके अधिकारमे सौप देहए, और बे आदमी मोके मार डारङगे। और मए मरके तीन दिन पिच्छु फिर जिन्दा हुइके उठजएहओं।”

लूका 24:26

जा जरुरी रहए, कि ख्रीष्ट जे सब दु:ख उठाबैगो और फिर अपनो महिमामे प्रबेश करैगो।”

लूका 24:46

और येशू बिनसे कही, “पबित्र-शास्त्रमे जा लिखो हए, कि ख्रीष्ट दु:ख उठाबैगो, और तिसरो दिनमे मर्के जिन्दा होबैगो,

लूका 9:22

तओ येशू कही, “मए, आदमीको लौंणाके बेढम दुख उठान पणैगो, और येशू यहूदी अगुवनको समुहसे, मुखिया यहूदी पुजारी और मोशाको नियम कानुन सिखान बारेनसे इन्कार करोजामंगो और मारो जामंगो और फिर तिसरो दिनमे मरो मैसे जिन्दा हुइके उठंगो।”

यूहन्ना 19:38

जे बातके पिच्छु अरिमाथिया गाउँसे आओ योसेफ नाउँको एक जनै चेला रहए। यहूदी समुहके अगुवनको डरसे, बो औ जनै पता नाए पामएं करके येशूके बिश्वास करी रहए। अब योसेफ येशूको लहासके लैजानके पामओं कहिके पिलातससे बिन्ती करी। पिलातस फिर कही, “ठिक हए, लैजाओ।” योसेफ जाएके येशूको लहासके क्रूससे तरे उतारके लैगओ।

प्रेरित 1:3

येशूके दुख उठान और मरनके बाद बहुतसे पक्को प्रमाणसे अपनएके जिन्दा हओं कहिके दिखाइ। और चालिस दिनतक बा अपनो चुनेभए चेलनके दिखाइ देत रहो, और परमेश्वरकी राज्यकी बात करतए रहो।

प्रेरित 17:31

काहेकी संसारके सबए आदमीनको न्याय करन बारो दिन बा तोक दइ हए और बो दिन बा अपनए छानो भओ व्यक्ति द्वारा न्यायसाथ इन्साफ करैगो। आदमीको लौंणाके न्याय करनके अधिकार हए कहान बारो प्रमाण सबए आदमीनके देओ कहिके परमेश्वर येशूके मरो मैसे जिन्दा करी।”

रोमियों 6:4

जहेमारे जब हम बप्तिस्मा लए तओ जा अइसो रहए, जैसे हम ख्रीष्टके सँग मरिगए और बाके सँग दफ्नाए गए, ताकी जैसे ख्रीष्ट दौवा परमेश्वरकी महिमाके द्वारा मरो भओ मैसे जिन्दा करोगओ, उइसीयए हम फिर एक नयाँ जीबन जिमंगे।

कलस्सी 2:12

जब तुमके बप्तिस्मा दओगओ तओ बो जा दिखात हए, कि तुमर पापी स्वभाबके दफ्नाओ गओ हए। अइसीयए जैसे ख्रीष्ट दफ्नाओ गओ रहए। और तुमके एक नयाँ स्वभाबके सँग जिन्दा कराओगओ जैसे ख्रीष्टके जिन्दा बनाओगओ रहए। अइसे जा कारणसे भओ रहए, काहेकी तुम बिश्वास करओ, कि परमेश्वर अपन शक्तिसे ख्रीष्टके मरे मैसे फिरसे जिइबाए दइ।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

1 पतरस 1:11

ख्रीष्टको आत्मा बिनमे रहए और बिनसे कही, कि ख्रीष्ट कैसे कष्ट भोगैगो और पिच्छु बडो सम्मान मिलैगो। बहेमारे बे, सचमे ख्रीष्ट कौन होबैगो और जा कब होबैगो कहिके पत्ता लगान ढुँणीं।