1 कोरिन्थी 14:6 - राना थारु नयाँ नियम

⁶ जहेमारे हे मेरे बिश्वासी ददाभइयओ, अगर मए तुमर ठिन आएके फरक-फरक भाषामे बात करओं, और प्रकाश, या कुछ खास ज्ञान लाओं, या परमेश्वरको सन्देश, या शिक्षा देओं, बो तुमर ताहीं फाइदा होबैगो।

परमेस्वर को सच्चो वचन

⁶ भईय्यौ और बहेनियौ तभईये, अगर मैं तुमरे झोने आयकै दुसरी भासा मैं बतकामौं और उजीतो या ग्यान या फिर भविस्यवाँड़ी या सीख की बातन कै तुमसे नाय कहमौं, तौ मोसे तुमकै का फायदा होगो?

1 कोरिन्थी 14:6 Iomraidhean Croise

मत्ती 11:25

बो बेरा येशू कही, “हे दौवा परमेश्वर, बादर और पृथ्वीके प्रभु, मए तुमके धन्यबाद चढात हओं, काहेकी तुम जा बात बुद्धिमान और समझदार आदमीसे छिपाएके रक्खे, और जौन आदमी छोटे बच्चा कता हए बिनके प्रकट करेहओ।

मत्ती 16:17

येशू बिनसे कही, “योनाको लौंणा सिमोन, तुम धन्य हओ। काहेकी आदमीको शरीर और खुनसे जा प्रकट नाए भओ हए, पर स्वर्गमे होन बारो मिर दौवासे प्रकट भओ हए।

मत्ती 16:26

सारा संसार पाएके फिर अपन प्राण खोबैगो कहेसे, आदमीके का फाइदा हुइहए? और आदमी अपन प्राणके सट्टामे का दइ पएहए?

प्रेरित 2:42

बे चुनेभए चेलनसे, शिक्षा पान, संगती करनमे, और बे प्रभुके भोजनमे सहभागी होन और प्राथना करनमे भक्तिसाथ लागे रहात रहएं।

रोमियों 15:14

हे मेरे बिश्वासी ददाभइया, मए अपनए फिर तुमर बारेमे नेहात्तओ जानत हओं, कि तुम अपनए भलाइसे भरे और तुम पुरा रुपसे जानत हओ, कि तुमके का करन चाहो और एकदुस्रेनके सिखाए सकत हओ।

रोमियों 16:17

अब हे मेरे ददाभइयओ, मए तुमसे बिन्ती करत हओं, कि बे आदमी जो लडाइ करबात हएं, और जो आदमीनके गलत बातमे बिश्वास कारनके लागत हएं जो तुमर सिखो भओ शिक्षाके बिरुद्धमे हए, उनसे साबधान रहाओ, और उनसे दुर रहाओ।

रोमियों 6:17

तुम पापको कमैया होए करत रहओ, पर अब तुम बहे शिक्षन्के पालन करेहओ, जो तुमके मिलो। जहेमारे मए परमेश्वरके धन्यबाद करत हओं।

1 कोरिन्थी 10:33

मिर देखासेखी करओ। मए जो कुछ फिर करत हओं, बे सबके खुसी करनके कोसिस करत हओं। काहेकी मए अपने भलाइके बारेमे नाए सोँचत हओं, बल्कि सब आदमीनको भलाइके बारेमे सोँचत हओं। ताकी उनके अपने पापनको न्यायसे बचाए जाए सकएं।

1 कोरिन्थी 14:1

एक-दुस्रेसे प्रेम करन कोसिस करओ, और आत्मिक बरदानन्के फिर उत्सुकताके साथ इच्छा करओ। खास करके जा, कि भबिष्यबाणी मस्कनको बरदानके ताहीं इच्छा करओ।

1 कोरिन्थी 14:7

अइसियए जब तुम बसुली और तन्दुरा जैसे सँगीतको बाजा बजात हओ, अगर तुम धुन ठिकसे नाए बजात हओ कहेसे दुस्रे आदमी कैसे चिन्हंगे, कि बो बसुली हए कि तन्दुरा?

2 कोरिन्थी 11:6

मए सिपालु वक्ता नाए होएसे फिर मोएमे ख्रीष्ट और अच्छो समाचारके बारेमे ज्ञान हए। मए मिर ज्ञान बे सबए बातमे दिखाओ हओं जौन मए सिखो हओं।

2 कोरिन्थी 12:1

गर्ब करनए पणहए। पर जासे कुछु फाइदा नाए होएसे फिर प्रभुसे पाओभओ दर्शन और प्रकाशके बात मए कररहो हओं।

2 कोरिन्थी 12:7

पर परमेश्वर दिखाओ भओ प्रशस्त प्रकाशके बारेमे घमण्डसे मए जद्धा नाए फुलओं कहिके मोके सतानके और घमण्डसे रोकनके शैतानको दूत बहुत अग्ठो समस्या अर्थात् एक काँटोसे छेदन बारो एक पिडा दओगओ।

इफिसियों 1:17

मए प्राथना करत हओं कि परमेश्वर, हमर प्रभु येशू ख्रीष्टको महिमामय दौवा, तुमके आत्मिक ज्ञान और समझ देबैगो और बोके औ जद्धा रुपसे चिन्हन्मे मदत करैगो, कि परमेश्वरके चिन्हन्को का अर्थ हए।

इफिसियों 3:4

जब तुम चिट्ठी पढैगे, तुमके जा फिर पता चलैगो, कि मए नेहात्तओकमे ख्रीष्टको रहस्यमय योजनाके बारेमे कित्नो अच्छेसे सम्झत हओं।

फिलिप्पी 3:15

जहेमारे हम मैसे जितनो बिश्वासमे पक्के हएं, अइसियए करके हम एकए हानी सोचएं, और अगर कोइके बातमे तुमर दुस्रो सोँच हए कहेसे परमेश्वर बोके फिर तुमके प्रकट करदेबैगो।

2 तिमोथी 2:14

जे बातके अपने बिश्वासीनके घरी-घरी सिखा, जो मए तोके बताओ हओं। और परमेश्वरके एक साक्षीके रुपमे धरतए तोके उनके चेतावनी देन चाहो, कि बे शब्दके अर्थके बारेमे बिबाद नाए करएं। जे प्रकारके बिबाद कोइके मदत नाए करत हए। बल्कि जा बेहीं आदमीनको बिश्वासके नुक्सान पुगात हए, जो जाके सुन्तहएं।

2 तिमोथी 3:10

पर हे तिमोथी, तए नेहात्तओ जानत हए, कि मए का सिखात हओं, और कैसे जीइत हओं, जीबनमे मिर योजना का हए और मए काहे बिश्वास करत हओं। तए जानत हएं, कि मए धिरज करत हओं, और सब आदमीमे प्रेम करत हओं, मए कठिनाइके सहो,

2 तिमोथी 3:16

सब पबित्र-शास्त्र परमेश्वरके घेनसे हए, हमके जे सब बातको इस्तमाल, आदमीनके सच्चो शिक्षा सिखानके, गल्ती करन बारे आदमीनके डाँटनके, आदमीनके उनको गलत बानी सुधारनके और आदमीनके कैसे अच्छो जीबन बितानके हए कहिके कर सकत हएं।

2 तिमोथी 4:2

कि तए परमेश्वरको बचनको परचार कर; चहुँ परिस्थिति अच्छो होए या खराब होए, सब परिस्थितिमे परमेश्वरको परचार करन मत् छोड। तोके बे आदमीको करोभओ गलत कामके दिखान पणैगो और डाँटन पणैगो। बिनके शिक्षा देत पेती शान्तिसे सम्झैए और हौसला दिए।

तीतुस 3:8

जा एक सच्ची कहानी हए, जो मए हबए तोके बताओ हओं। और मए चाँहत हओं, कि तए जे बातके बारेमे पक्का रुपसे बिश्वासीके सिखा, जाकेमारे कि जौन परमेश्वरमे बिश्वास करीहए, ताकी बे अच्छे काम करनके ताहीं अपनो समय देनमे ध्यान लगामएं। जा शिक्षा सबके ताहीं अच्छी हए, और फाइदा बाली बात हए।

हिब्रू 13:9

हमके जे सब नयाँ और फरक शिक्षाके पिच्छु नाए लागनके हए, जौन गलत डगरमे लैजात हए। खान बारी बातके बारेमे नियमके मानके नाए, पर परमेश्वरको अनुग्रहसे तुमर हृदय मजबुत होबए। जे नियमके पालन करन बारेनको भलो नाए भओ हए।

2 पतरस 1:5

काहेकी तुम परमेश्वरको स्वभाबमे सहभागी होन बनाए गए हओ, तुम ख्रीष्टमे बिश्वास करन इकल्लो नाए, बल्कि तुम दुस्रेनके ताहीं रोज अच्छो काम करनके कोसिस फिर करन पणत हए। तुम असल काम करन बारे इकल्लो नाए, पर तुम बुद्धिमान तरिकासे ब्यबहार करन बारे आदमी बनन पणत हए,

2 पतरस 3:18

पर तुम लगातार हमर प्रभु और मुक्तिदाता येशू ख्रीष्टको अनुग्रहके बहुतसे बहुत अनुभव करे रहान पणत हए, और बाके बारेमे तुमर सम्झना बढन जरुरी हए। बाके अभए और सदासर्वदा प्रसंसा होए। आमेन।

2 यूहन्ना 1:9

बे आदमी जो सच्चो शिक्षासे भणकजात हएं, और ख्रीष्टको शिक्षा जैसो नाए करत हएं, बे परमेश्वरके सँग संगतीमे नाए हएं। जो कुछ ख्रीष्ट सिखाइ हए, बोके लगातार पालन करत रहाओ, और दौवा परमेश्वर, बाको लौंणा येशू ख्रीष्टके सँग संगतीमे रहे रहाओ।