1 कोरिन्थी 14:2 - राना थारु नयाँ नियम

² काहेकी जो फरक-फरक भाषामे बात करत हए बो आदमीनसे नाए बल्कि परमेश्वर सँग बात हए; जहेमारे कि बोकी बात कोइ नाए सम्झत हए; काहेकी बो पबित्र आत्माको समर्थके द्वारा गुप्त बातनके कहात हए।

परमेस्वर को सच्चो वचन

² जो दुसरी भासा मैं बतकाथैं, बे इंसानन से नाय पर परमेस्वर से बतकाथैं, काहैकि कोई भी उनकै ना समझथै। बे आत्मा कि सक्ति से गुप्त सच्चाई बोल रै हैं।

1 कोरिन्थी 14:2 Iomraidhean Croise

मत्ती 13:11

बा बिनसे जबाफ दइके कही, “तुमके त परमेश्वर स्वर्ग-राज्यको रहस्यको ज्ञान दइ हए, पर बिनके नाए दइ हए।

मर्कूस 16:17

और जौन आदमी बिश्वास करत हए, बे जे शक्तिशाली चमत्कारके प्रमाणके रुपमे करपामंगे: मिर नाउँमे बे भुतके बाहिर निकारंगे, और मए बिनके नयाँ भाषा मस्कन बारे बनामंगो,

मर्कूस 4:11

येशू उनसे कही, “परमेश्वरको राज्यको रहस्य तुमके दओगओ हए। पर बिनके, मए सब बात कहानीमे कएहओं, जो मोएमे बिश्वास नाए करत हएं।

प्रेरित 10:46

काहेकी बे सुनन बारे फरक-फरक भाषनमे मस्कत और परमेश्वरको प्रसंसा करत बे सुनीं। तओ पत्रुस कही,

प्रेरित 19:6

और जब पावल बिनके उपर अपनो हात धरी तओ पबित्र आत्मा बिनके उपर आओ, और बहे बेरा बे फरक-फरक भाषामे मस्कन लागे और अगमबाणी बोलन लागे।

प्रेरित 22:9

तओ मिर सँग जित्तो जनै रहएं, बे अबाज इकल्लो सुनीं। पर बे बुझ नाए पाइं, कि बो अबाज मोसे का कहानडटो रहए।

रोमियों 16:25

अब उनके, जौन तुमके मिर परचार करन बारो अच्छो समाचार और येशू ख्रीष्टके बारेमे परचार करे अनुसार तुमके बिश्वासमे मजबुत करन सिकैगो, बो रहस्यको प्रकाश बमोजिम, जो युग-युगसे गुप्तमे रहए।

1 कोरिन्थी 12:10

आत्मा, एक आदमीके चमत्कारको काम करनके शक्ति देतहए; दुस्रेके परमेश्वरको सन्देश मस्कनको बरदान; और कोइ दुस्रे जनैके पबित्र आत्मा ठिनसे आओ भओ और शैतानके ठिनसे आओ भओ बरदानके बारेमे फरक छुट्टयानको क्षमता देत हए। कोइ एक आदमीके फरक-फरक भाषनमे बात करनको बरदान देतहए जौन भाषाके बारेमे बे कभु अध्यान नाए करी हएं; बहे पबित्र आत्मा कोइ दुस्रे जनैनके फरक-फरक भाषामे बोलो भओ भाषक मतलब बतानको क्षमता देत हए। जौन भाषाके बारेमे बे कभु अध्यान नाए करी हएं।

1 कोरिन्थी 12:28

मण्डली या ख्रीष्टके जा शरीरमे, परमेश्वर हमएं बहुत परकारके काम दइ हए: पहिले, बे आदमी हएं जो येशूसे चुनेभए चेला हएं; दुस्रे, बे जो अगमबक्ता हएं जो बाके शब्दन्के मस्कत हएं; तिस्रे, बे आदमी हएं जो सिखात हएं। बाके पिच्छु, बे आदमी हएं जौनन्के बा चमत्कारको काम करनको अधिकार दइ रहए। तओ पिच्छु बो हए जौनके बा चङगाइ करनको अधिकार दइ। तओ फिर बे, जौनन्के दुस्रेन्के मदत करनको बरदान मिलो। तओ फिर बे, जो अगुवा हएं। तओ फिर बे, जौनन्के बरदान प्राप्त भओ पबित्र आत्मा द्वारा दओगओ फरक-फरक भाषा मस्कन बारेनके चुनी हए।

1 कोरिन्थी 13:1

मए आदमीनको मेल-मेलको भाषनमे और स्वर्गदूतको भाषनमे मस्कत हओं; पर मए दुस्रेन्से प्रेम नाए करो कहेसे मए बोलो भओ बात व्यर्थ उँचो आवाजको झाँझके जैसो होबैगो।

1 कोरिन्थी 13:2

और अगर मए परमेश्वरको सन्देशके घोषणा करत हओं, और सब रहस्य और सब ज्ञानके बुझतहओं, और हियाँतककी मोएमे पहाडन्के इतएसे उतए करनको परमेश्वरमे मजबुत बिश्वास हए पर अगर मोएमे प्रेम नाए हए कहेसे मिर बिरकुल कोइ मोल नाए हए।

1 कोरिन्थी 14:16

मानलेओ कि कोइ साधारण आदमी तुमर आराधनामे हए, जब तुम अपनो आत्मासे परमेश्वरको स्तुति कर रहेहओ। अगर बो तुमर बातके नाए सम्झतो त तुम परमेश्वरके धन्यबाद देनके बाद, बोके कैसे पता चलैगो कि तुम “आमेन” कहे हओ।

1 कोरिन्थी 14:26

हे मेरे बिश्वासी ददाभइयओ, सुनओ कि कामके कैसे करोजानके चाहो? जब तुम आराधनाके ताहीं इकट्ठा होत हओ, तओ तुम मैसे कोइ गीत गात हए, कोइ उपदेश देतहए, कोइ प्रभुके द्वारा दओगओ प्रकासको बात करत हए, कोइ फरक-फरक भाषामे बात करत हए और कोइ अन्य भाषाको अर्थ खोलत हए; जे सब बातन्को उदेश्य जा होनचाहो, कि “मण्डलीके बिश्वासमे मजबुत होनके ताहीं मदत करनो।”

1 कोरिन्थी 15:51

देखओ, मए तुमसे एक रहस्य कहात हओं, कि हम मैसे कुछ बिश्वासी नाए मरङगे, पर सब बदल जामंगे।

1 कोरिन्थी 2:10

पर परमेश्वर जे बातनके हममे अपनो पबित्र आत्मा द्वारा प्रकट करी; काहेकी अइसो कुछ नाए हए जो परमेश्वरको आत्माके पता नाए होबए। हियाँतककी परमेश्वरको गहिरी बिचारनके फिर बा ठिकसे जानत हए।

1 कोरिन्थी 2:7

पर जौन ज्ञानको हम बात करत हएं, बो ज्ञान परमेश्वरको ज्ञान हए जो लुको रहए। अबतक कोइ फिर जाके नाए जानत रहए। पृथ्वी बनानसे पहिलीयए परमेश्वर अपन ज्ञानसे निर्णय लैलै रहए, कि बा हमके अपन महिमामे साझेदार बनाबैगो।

इफिसियों 6:19

और मेरे ताहीं फिर प्राथना करके परमेश्वरसे कहियओ, कि बा मोके मस्कनके ताहीं सही शब्द देबए ताकी मए बिना डरको अच्छो समाचारके बारेमे जो सब आदमीनके ताहीं हए, बोको रहस्य परचार करपामओं।

कलस्सी 2:2

मए अइसो करो, काहेकी मए तुम सबके आत्मिक उत्सहा देन चाँहत हओं। और एक-दुस्रेके प्रती तुमर प्रेम तुमके एकजुटमे बाँधए। ताकी तुमरमे पुरा समझ होबए, जौनके ताहीं तुम परमेश्वरको रहस्य पता पाबओ, जो ख्रीष्ट अपनए हए।

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

1 तिमोथी 3:9

उनके ठिन शुद्ध बिबेक होन पणो जब बे जा बातमे बिश्वास करतए रहात हएं, कि परमेश्वर जो शिक्षा प्रकट करीहए बो शिक्षा सच्चो हए।

प्रकाश 10:7

तओ औ देर नाए होबैगी। जैसीए बो सातौँ स्वर्गदूत अपनी तुरही फुँकैगो, बो तुरन्त काम करैगो। परमेश्वर अपनी गुप्त योजनाके पुरा करैगो, जैसेकी बा अपने सेवक अगमबक्तनके जाकी अच्छो समाचार परचार करी रहए।