AEBEESO 4:5 - Kîrîîkanîro Kîîyerû

⁵ Kûrî Mwathani ûmwe, wîtîgio bûmwe na ûbaatithio bûmwe.

AEBEESO 4:5 Iomraidhean Croise

MATHAYO 28:19

Kwoogu îthiini bûgatuîkithie antû ba nthîgûrû cionthe arutwa baakwa, bûkîbabaatithagia kwa riîtwa rîa Baaba, rîa Mwana na rîa Kîrundu Ûmûtheru.

NGÛGÎ 10:36

Ndî na mma bûreegua ntûmwa îra Ngai aatûmanire kîrî antû ba Isiraeri na bûra aatûmîîrie ntheto îmbega îra îreetaga ûkiri gûkûrûkîîra kîrî Yiesû Kîrîstû, Mwathani wa bonthe.

NGÛGÎ 2:36

Kwoogu antû bonthe ba Isiraeri, menyaani atî, Yiesû woora bwambire i mma n'we Ngai atuîkithîîtie Mwathani na Kîrîstû.”

AROOMA 3:30

Ngai n'ûmwe. Aagîrithagia Ayaundi n'ûntû bwa wîtîgio bwao na akaagîrithia bara batarî Ayaundi kuumania na wîtîgio bwao.

1 AKORINTHO 1:13

Kîrîstû aûmba kûgaanua? I Paûrû aambirwe mûtharabaani n'ûntû bwenu? Kana ka bwabaatithiirue riîtwaani rîa Paûrû?

1 AKORINTHO 1:2

Tûrîbwandîkîra biû eetîgîri ba kanica ya Ngai ya Korintho, biû bûtuîkithîîtue antû baatheru ndeni ya Kîrîstû Yiesû. Bwîtîîtwe bûtuîka antû ba Ngai amwe na bonthe bara gûntû kunthe beetîgîrîte Yiesû Kîrîstû aatuîka Mwathani wao. N'we Mwathani wao na wetû.

1 AKORINTHO 12:13

Bamwe beetû n'Ayaundi, bamwe t'Ayaundi, bamwe i nkombo cia bara bangî, na bara bangî ti nkombo. Îndî amwe na ûgu, twinthe tûbaatithîîtue mwîrîîni ûmwe i Kîrundu ûmwe, na twewa Kîrundu ûyu ûmwe tûnyunyaga.

1 AKORINTHO 12:5

Kûrî njîra mwanya mwanya cia kûrutîra Mwathani ngûgî. Îndî i Mwathani ûmwe wîgagua akîrutîrwa ngûgî.

1 AKORINTHO 8:6

kîrî tiû Ngai n'ûmwe, ta we Îthe wa bonthe. N'we kaumo ka bionthe na n'we atûtûîrie. Na kûrî Mwathani ûmwe, ta we Yiesû Kîrîstû. Into bionthe biaûmbirwe gûkûrûkîîra kîrî we na tûrî na mwoyo gûkûrûkîîra kîrî we.

2 AKORINTHO 11:4

Bûtionaga îrî thîîna gûtûmîîrua i muntû woora araaya mantû ma Yiesû ûngî atarî ûra twabûtûmîîrie. Na ti thîîna kwenu gwîtîgîîria Kîrundu ûngî atarî ûra bwamenyire kuumania naati. Na ti thîîna kîrî biû gwîtîgîîria ntheto îngî îtarî îra mbega bwamenyire kuumania naati.

AGARATIA 5:6

N'ûntû ndeni ya Yiesû Kîrîstû, gûtaanwa kana kûrega gûtaanwa i bûmwe. Kîra kîrî gîtûmi i wîtîgio bûra bûrutaga ngûgî na njîra ya wendo.

AEBEESO 4:13

Na kwoogu twinthe tûgaakûra tûkare ûntû bûmwe wîtîgioni bwetû na tûmenye Mwana wa Ngai ûntû bûmwe, mwanka tûtuîke eetîgîri agima tûkare ta Kîrîstû bûra akari.

APIRIPI 2:11

Na wakîra kîûmbe gîkauga Yiesû Kîrîstû i Mwathani, bikumithie Ngai Baaba.

APIRIPI 3:8

Na ti mantû mamu monka. Mantû monthe i mootheri mmaganaanîîtie na baita ya kûmenya Kîrîstû Yiesû Mwathani wakwa. N'ûntû bwa Kîrîstû, intiganîîte na mantû mara mangî monthe. Mantû mara mangî monthe mmoonaga marî ma rûko kaingo nkara na Kîrîstû wenka,

TITO 1:1

I niû Paûrû, mûruti ngûgî ya Ngai na mûtûmwa wa Yiesû Kîrîstû ngûkwandîkîra. Ndatuîkithiirue mûtûmwa nteethia kûrikithia wîtîgio bwa bara Ngai athuurîîte, na mbamenyithia ûmma bungwa bwa kîîngai

TITO 1:4

Nkwandîkîrîte woû Tito, mwana wakwa wengwa ndeni ya wîtîgio bûra twinthe tûrî na bu. Ngai Baaba na Kîrîstû Yiesû Mwonokia wetû barookwaa ûtugi na ûkiri.

AIBIRANIA 13:7

Ririkanagaani atongoria beenu bara baabwîrire kiugo kîa Ngai. Thûgaanîriani mûtûûrîre wao, bûthûkie wîtîgio bwao bûrî ngerekano.

NJAKUBU 2:18

Muntû nwa auge, “Niû i wîtîgio ndî.” Ûngî n'we akauga, “Niû i mantû meega ndûthaga.” Woû uugaga ûgu rî, tambonia bûra muntû aûmba kwîgua arî na wîtîgio na atakûrûtha mantû meega. Niû ngakwonia wîtîgio bwakwa kuumania na mantû mara ndûthaga.

1 PETÛRÛ 3:21

Rûûyî rûru i ta ûbaatithio bûra tûkûbaatithua na bu îîndî tûkoonokua. Îndî ingî ûbaatithio i mûkûûrani na kûthamba rûko rûkathira mwîrî. Ûbaatithio bungwa i muntû kûromba Ngai na nkoro îmbega amûgarûra kuumania na kûriûka kwa Yiesû Kîrîstû.

2 PETÛRÛ 1:1

I niû Simioni Petûrû, mûruti ngûgî wa Yiesû Kîrîstû nkûbwandîkîra. Ndî mûtûmwa wake. Ndîbwandîkîra biû Ngai atûmîîte bwîgua bûrî na wîtîgio bwa gîtûmi mûno ta bwetû. Twetwe bu i Ngai, Mwonokia wetû, Yiesû Kîrîstû kûringana na wagîru bwake.

NJUNDA 1:20

Îndî biû, eendwa, îbandeeni bwîrikie wîtîgioni bwenu bûûtheru mûno. Na rombagaani na inya ya Kîrundu Ûmûtheru.

NJUNDA 1:3

Eendwa, indareendeete mûno kûbwandîkîra îgûrû rîa wonokio bûbû bwetû twinthe. Îndî ndacooka ndeegua mbwandîkîre mbûkinyîîrie mbwîre bûthi na mbere kûrûîrîîra wîtîgio bûra Ngai aanenkeere antû baake rîmwe na rîa mûthia.