AEBEESO 4:12 - Kîrîîkanîro Kîîyerû

¹² Eeyanire biewa bibu athuuranîra antû ba Ngai baruta ngûgî yake na aaka kanica ta yo mwîrî wake.

AEBEESO 4:12 Iomraidhean Croise

RUKA 22:32

Îndî woû, Simioni, indombeete wîtîgio bwaku bûtikaathire. Nyuma ya kûgerua, weerira wîkîre aruanyûkwe wîru.”

NGÛGÎ 1:17

Njundas aarî ûmwe wa gîkundi gîetû na aathuurîîtwe aruta ngûgî ya ûtûmwa.”

NGÛGÎ 1:25

kaingo athûkia kaanya ga gûtuîka mûtûmwa kara Njundas aatigire akîthi bûra aathiire.”

NGÛGÎ 11:23

Agûkinya oona bûra Ngai aathaarimaga antû, aakena. Abeekîra wîru bonthe abeera bathi na mbere nkoro ciao kwîgua irî kîrî Mwathani, beerikîîtie.

NGÛGÎ 20:24

Ntionaga mwoyo wakwa ûrî gîtûmi. Îromba rîakwa i nthirie ngûgî îra Mwathani Yiesû aampeere nduta, ntûmîîrie ntheto îmbega ya ûtugi bwa Ngai.

NGÛGÎ 20:28

Kwoogu îmenyeereeni bwingwa na menyeeraani bara Kîrundu Ûmûtheru athuurîîte bûbacûûbîra. Rîîthiani kanica ya Ngai îra atuîkithîîtie yake na nthakame ya Mwana wake.

NGÛGÎ 9:31

Eetîgîri ba Njundea, Gariiri, na Samaria ibaarî na ûkiri. Baathiire bakîongeerekaga na bakîgîîyaga ûûmîîria, bakîîgagua baganîrîtwe i Kîrundu Ûmûtheru na bagîkuthûkaga Mwathani.

AROOMA 12:5

i ta bu gûkari kîrî mwîrî wa Kîrîstû, ta uu kanica. Amwe na kwîgua tûrî baingî, twinthe tûrî ba mwîrî ûmwe na tûgwatithanîîtue muntû na ûra ûngî.

AROOMA 12:7

Ûkaaya kwîgua wetwe kîewa gîa gûtûmîkîra bara bangî, îrute kûrû ûtûmîkage. Na ûkaaya kwîgua wetwe kîewa gîa kûrutana bara bangî, îrute kûrû ûrutanage.

AROOMA 14:19

Kwoogu tûgeragieni na inya mûno bûra kûûmbîka tûrûthe mantû mara mareetaga ûkiri. Na tûrûthageeni ûntû bûra bûûmba wîkîra muntû ûra ûngî wîru.

AROOMA 15:14

Aruayia na aarayia, ndî na mma bûrî antû beega mûno, ibwiyî bûra bunthe bûbatîîrue bwîgua bûkîmenyaga, na ibûkûûmba kwîrutana.

AROOMA 15:2

Woora ûmwe wacietû abatîîrue ageragia gûkenia bara bangî na arûthaga mantû mara bakwona marî meega, mara makaabeekîra wîru.

AROOMA 15:29

Na ndî na mma rîra nkaaya nkabûreetera kîthaarimo kîûyûri, kîra ntheto îmbega ya Kîrîstû îreetaga.

1 AKORINTHO 12:27

Bwinthe bûrî mwîrî wa Kîrîstû. Woora ûmwe i gîcuncî kîa uu.

1 AKORINTHO 12:7

Muntû eeyagwa kîewa gîa gîîkîrundu gîteethia kanica yonthe.

1 AKORINTHO 14:12

N'ûntû naabi ibwendaga biewa bia gîîkîrundu mûno, nkûrûki endagaani kwîgua bûrî na biewa bira bigaateethia kanica îkûre.

1 AKORINTHO 14:14

Nkaromba na rwaria rûûgeni, wîgua nkîromba gîîkîrundu, mathûgaanio maakwa matimenya bûra nkuuga.

1 AKORINTHO 14:26

Kwoogu, aruayia na aarayia, n'ata bûbatîîrue bûrûtha? Rîra bwîthîranaga amwe kanicaani, muntû ûmwe aûmba kwîgua arî na rwîmbo akwenda kwina, ûngî arî na ûntû bwa kûrutana, ûngî arî na ûntû agwûrîrîtwe i Ngai akwenda kwîra kanica, ûngî arî na ntûmwa akwenda kuuga na rwaria rûûgeni, na ûngî n'we arî na ûtaûri bwa ntûmwa înu. Gîtûmi gîa kwîgua mantû mamu monthe marî oogo, i kaingo matûma kanica îkûra.

2 AKORINTHO 12:19

Waûmba kwîgua bûkîthûgaanagia itûreethetagîîra kîrî biû kagiita gaka konthe. Îndî Ngai naiyî tûraaragia ûmma ta antû ba Kîrîstû. Na, eendwa, mara monthe tûrûthaga i makûbûteetheeria bûkûra bûrî eetîgîri.

2 AKORINTHO 13:11

Nkîthiria, aruayia na aarayia, ka mbwîreeni bûtigwe bwega. Cûûgiani na inya bwone bûgûtuîka eetîgîri agima. Rûthagaani ûgu mbûrîîtie bûrûthage. Îgaguani bûrî na meeciiria mamwe na tûûranagiani na ûkiri. Rîru i rîo Ngai ûra arî wendo na ûkiri akeegua arî amwe naabi.

2 AKORINTHO 13:9

Tûkenaga rîra tiû tûtarî na inya, biû bûrî n'yo. Itûkûbûrombera bûtuîka agima wîtîgioni.

2 AKORINTHO 3:8

Ûkaaya kwîgua watho ibwarî na mwago ûgana ûgu rî, n'ata gûtûmîka gûkû gwa gîîkîrundu kûrî mwago nkûrûki?

2 AKORINTHO 4:1

I Ngai atwete ngûgî îno tûruta n'ûntû bwa kîao gîake. I ntûma tûtakuyaga nkoro.

2 AKORINTHO 5:18

Mantû mamu monthe maumanagia na Ngai. Ngai aatûmîîre Kîrîstû aatûma tûtuma ûnyanya n'we na tûrî atûmwa atwa ngûgî ya kwîraga antû bûra baûmba gûtuma ûnyanya n'we.

2 AKORINTHO 6:3

Tûtikwenda ngûgî yetû yonekana îrî na mabîtia. Kwoogu i tûcûûgagia mûno kwona gûtirî muntû tûreekîîra kîrîgîîria.

2 AKORINTHO 7:1

Eendwa, n'ûntû bwa mawîrane mama Ngai atwete, ga twîtherieni kuumania na ûntû bunthe bûra bûûmba gûtûma mîîrî yetû kana mîoyo yetû îrûtha meeyia. Ga twîtherieni buru tûkarage tûkuthûkîîte Ngai.

AEBEESO 1:23

Kanica i mwîrî wa Kîrîstû. Yûyûri Kîrîstû ûra arî kîrî into bionthe.

AEBEESO 4:16

Kwoogu n'we agwatithanîîtie kanica, ta yo mwîrî wake. Mwîrî ûgwatithanîîtue amwe i tûrûngo mwanya mwanya, tûra Ngai acuûmbîrîte. Rîra tûcuncî tunthe tûkûruta ngûgî ya tu, kanica yonthe nîkûraga îkagîa inya, antû bakîonanagia wendo.

AEBEESO 4:29

Bûtikaaragieni mîgambo îtaagîrîte. Bunthe bûra bûkaaragia ibwîgue bûrî ûntû bwega, ûntû bûûmba gûteethia muntû wonthe ûra ûkaabwîgua.

AEBEESO 4:4

Kûrî mwîrî ûmwe na Kîrundu ûmwe ta bûra bweetirwe i Ngai bwîgua bûrî na wîrîgîîro bûmwe.

AKOROSAI 1:24

Inkeneete i bûra nnyamaaraga n'ûntû bwenu nkîûyûrîîria kûnyamaara kûra mwîrî wa Kîrîstû ûbatîîrue ûnyamaara kinya îîndî. Mwîrî wa Kîrîstû i kanica. Na mathîîna mama mwîrî wakwa wonaga, wonaga mo n'ûntû bwa kanica.

AKOROSAI 1:28

Tûtûmagîîria antû bonthe Kîrîstû. Tûbakaanagia na tûkabarutana na ûûme bunthe kaingo tûbanenkanîra kîrî Ngai barî eetîgîri baûyûru ndeni ya Kîrîstû.

AKOROSAI 4:17

Na bwîre Arikipas oone akwingia ngûgî îra Mwathani aamwere.

1 TIMOTHEO 1:12

Ingûcookeria Mwathani wetû Kîrîstû Yiesû nkaatho ûra ampete inya ya kûruta ngûgî yakwa. Ndîmûcookeria nkaatho n'ûntû bwa gûmpa ngûgî îra oonire ndî mwîtîgua kûruta na antaara mmûtûmîkîra.

2 TIMOTHEO 4:11

I Ruka wenka akî twatigirwe n'we. Wakara kûûya bûûye na Maariko n'ûntû anteethia mûno ngûgîîni.

2 TIMOTHEO 4:5

Îndî woû nwa mwanka ûkarage wîthuuranîrîte kagiita konthe, winyîkîrîtie ûnyamaarue, naawe ûrute ngûgî ya gûtûmîîria ntheto îmbega, kaingo wingia kûrû ngûgî yaku.

AIBIRANIA 13:17

Athîkagîraani atongoria beenu na bûtikaabakararagieni n'ûntû babûrûngamîîrîîte bakaûrua i Ngai. Bwabaathîkîra bakaaruta ngûgî bakeneete. Îndî bwarega bakaaruta ngûgî barî na kîeba, na bûbu bûtibûteethia.

AIBIRANIA 6:1

Kwoogu ga tûrekaneeni na ithoomo bia mbere îgûrû rîa Kîrîstû. Ga tûthiini mbere ûgimaani. Tûtibatîîrue tûcooka kûbûrutana mantû ma kwîrira kwa mantû mara muntû aûmba kûrûtha magatûma akua, kana mantû ma gwîtîgia Ngai,