AEBEESO 4:11 - Kîrîîkanîro Kîîyerû

¹¹ Kîrîstû n'we wengwa eeyanire biewa bibi kîrî kanica. Bamwe abaa kîewa gîa gûtuîka atûmwa, bangî abatuîkithia iroria, bangî atûmîîria, bangî arîîthi na bangî aarimû.

AEBEESO 4:11 Iomraidhean Croise

MATHAYO 28:20

Na bûbarutanage kwathîkagîra mantû monthe mara mbwathîîte. Na ûkeegagua ndî amwe naabi kinya îgiita rîa mûthiro wa nthîgûrû.”

NGÛGÎ 13:1

Kanica ya Antiokia ikwarî na iroria na bara baarutanaga bara bangî. Baarî Baranaba, Simioni (ûra kaîrî eetagwa ‘Muntû ûmûyirû’), Rusias wa kuuma Kureni, Manaeni ûra aakûranîîtie amwe na Eronde ûra eetagwa Antipas, na Saûrû.

NGÛGÎ 20:28

Kwoogu îmenyeereeni bwingwa na menyeeraani bara Kîrundu Ûmûtheru athuurîîte bûbacûûbîra. Rîîthiani kanica ya Ngai îra atuîkithîîtie yake na nthakame ya Mwana wake.

NGÛGÎ 21:8

Rûûni twathi kaîrî mwanka twankinya Kaisaria, twakara kwa mûtûmîîria ûmwe eetagwa Piripû. Aarî ûmwe wa antû mûgwanja bara baathûrîîtwe gûteetheeria atûmwa Njerusaremu.

AROOMA 12:7

Ûkaaya kwîgua wetwe kîewa gîa gûtûmîkîra bara bangî, îrute kûrû ûtûmîkage. Na ûkaaya kwîgua wetwe kîewa gîa kûrutana bara bangî, îrute kûrû ûrutanage.

1 AKORINTHO 12:4

Kûrî mîthemba mwanya mwanya ya biewa bia gîîkîrundu. Îndî bionthe biumîîte kîrî Kîrundu ûmwe.

AEBEESO 2:20

îra aakîîte mûcingiini rwa atûmwa na iroria. Yiesû Kîrîstû we wengwa n'we iiga rîa koona rîa nyomba înu.

AEBEESO 3:5

Kîriga gîku gîtaamenyithanîîtue kîrî bara baarî oogo mbere yetû, ta bûra îgiitaani rîrî kîgwûrîrîtwe atûmwa baake baatheru na iroria na njîra ya Kîrundu.

AEBEESO 4:8

Wata bûra kwandîkîîtwe *Maandîkooni Maatheru, “Rîra eetiirie îgûrû naathaûrire agwate na aapa antû biewa.”

2 TIMOTHEO 4:5

Îndî woû nwa mwanka ûkarage wîthuuranîrîte kagiita konthe, winyîkîrîtie ûnyamaarue, naawe ûrute ngûgî ya gûtûmîîria ntheto îmbega, kaingo wingia kûrû ngûgî yaku.

AIBIRANIA 5:12

Bûkarîîte bûrî eetîgîri kwa îgiita rîraaya ûntû bwîgua îîndî bûrî aarimû. Îndî îîndî bûra bûkari i bûkwenda muntû wa kûbûrutana kaîrî ithoomo bia mbere bia kiugo kîa Ngai. Kîthoomo kîra bûkwenda gîkari ta îria bantû a irio biongwa.

NJUNDA 1:17

Îndî amwe na ûgu, biû, eendwa, bûtikaariganîrue i mantû mara bweerirwe n'atûmwa ba Mwathani wetû Yiesû Kîrîstû.

KÛGWÛRÎRWA 18:20

Îgûrû, keneera ûgu Mbabironi yarûthwa! Keneeraani ûgu antû ba Ngai, atûmwa na iroria, n'ûntû Ngai akûmîkaanûkia n'ûntû bwa bûra yabûrûthire.”

KÛGWÛRÎRWA 21:14

Rûthingo rûru rwakîîtwe mûcingiini wa maiga îkûmi na maîrî. Na wakîra iiga rîa mûcingi irîandîkîîtwe rîmwe rîa mariîtwa mara îkûmi na maîrî ma atûmwa bara îkûmi na baîrî ba Kagondu.