AEBEESO 4:10 - Kîrîîkanîro Kîîyerû

¹⁰ Na Kîrîstû wooyu aayire nthîgûrû n'we eetiirie îgûrû kaingo eegua arî gûntû kunthe.

AEBEESO 4:10 Iomraidhean Croise

MATHAYO 24:34

Na mma ga nkûbwîra, mantû mamu monthe magaatuîkîka rûciaro rûrû rûtarî rûthiru.

RUKA 24:44

Rîru Yiesû abeera, “Mama i mo mantû mara ndabwîraga rîra ndarakaranagia naabi. Rîra ndarabwîraga nwa mwanka mantû maakwa monthe maûyûre mara maandîkîîtwe *wathooni bwa Musa, mabukuuni ma iroria, na Cabuurîîni.”

NJOANA 1:16

Na n'ûntû bwa wingî bwa ûtugi bwake natûthaarimaga na bu kwa wingî.

NJOANA 19:24

Beerana, “Menya tûmîtembûrania. Tûringeeni kuura twone ûra akaathi n'yo.” Ûntû bûbu bwatuîkîkire kaingo *Maandîko Maatheru maûyûra, mara maugîîte, “Baagaanire nguo ciakwa na baaringa kuura bagîcindanîra nguo yakwa îmwe.” Na ûgu i bu acikaarî baarûthire.

NJOANA 19:28

Yiesû naamenyaga mantû monthe maakarîkaga wabûra maarî makarîke. Na kaingo *Maandîko Maatheru maûyûra, auga, “Inkwîgua bûûta.”

NJOANA 19:36

Mantû mama maakarîkire kaingo *Maandîko Maatheru maûyûra, mara maugîîte, “Gûtirî mwîndî wake ûkaunwa.”

NGÛGÎ 1:11

Araîka babu baaria na bo. Babeera, “Antû ba Gariiri, n'ata bûkûrûtha aaga bûkari bûkûnîîrîîte îgûrû meetho? Yiesû wooyu bwona aathûkua kuuma kîrî biû eetitithua îgûrû akaaya kaîrî na njîra ta înu bwona eetia n'yo.”

NGÛGÎ 1:9

Yiesû akûrîîkia kuuga ûgu, atûmwa bamûcûûbîîte woogu boona aathûkua eetithua îgûrû. Îtu rîamûkunîkîra mwanka aatherekeria baatiga kûmwona.

NGÛGÎ 2:33

Yiesû agwîtithua îgûrû aakarire rûteere rwa ûrîo rwa Ngai, eewa Kîrundu Ûmûtheru n'Îthe kûringana na wîrane bûra aamwete. Na Kîrundu ûyu n'we twetûûrîîrue wata bûra biû bwingwa bûkwona na bûkeegua.

NGÛGÎ 3:18

Îndî ûgu i bu Ngai aûyûriirie ûroria bûra aaroriirie tene gûkûrûkîîra kîrî iroria bionthe. Aaroriirie auga Kîrîstû wake akaanyamaarua akue.

2 AKORINTHO 12:2

Kûrî muntû mbiyî mwîtîgîri aabûriirue airwa îgûrû mûno mîanka îkûmi na îna mîthiru. Ntiyî weegua aarî mwîrîîni kana naumîîte mwîrîîni—i Ngai aiyî.

AEBEESO 3:19

Bûroomenya wendo bwake kaingo bûûmba kûûyûrwa kûrû n'ûngai, kinya ûkeegua bûtimenyekana bunthe.

AKOROSAI 1:19

I Ngai eendire bûra bunthe akari bûtûûra ndeni ya Kîrîstû.

AKOROSAI 2:9

Kîrîstû i muntû arî na bûra bunthe Ngai akari ndeni yake.

1 TIMOTHEO 3:16

Na gûtarî kîûria, kîriga kîra tûgwûrîrîtwe gûkonia kîîngai i gîa kûrigaria. “Oonekanire arî na mwîrî ta wa muntû na Kîrundu Ûmûtheru oonania mara aaragia na mara aarûthaga maarî ma mma. Araîka ibaamwonaga. Na athingati baake baatûmîîria mantû maake kîrî antû ba mîgongo yonthe na eetîgua n'antû ba nthîgûrû yonthe. Aathûkua, eetithua îgûrû mwagooni.”

AIBIRANIA 4:14

N'ûntû tûrî na mûthînjîri ûra mûnene mûno wa Ngai, ta we Yiesû Mwana wa Ngai, ûra aathiire îgûrû, tûbatîîrue tûrika wîtîgioni bûra twîtîgîîtie.

AIBIRANIA 7:26

Ûyu n'we mûthînjîri wa Ngai ûra aagîrîte kîrî tiû. I mûtheru, atirî mabîtia na atirî meeyia. N'ûmwathûrane na eeyia eetithua kûra îgûrû mûno.

AIBIRANIA 8:1

Bûra bungwa tûkwenda kuuga n'atî tûrî na mûthînjîri ûra mûnene, ûra aakarire nthî rûteere rwa njara ya ûrîo ya gîtî kîa Ngai ûmûnene.