AEBEESO 4:1 - Kîrîîkanîro Kîîyerû

¹ Îîndî inkwenda kûbûkinyîîria ndî nceera n'ûntû bwa Mwathani, bûtûûrage mûtûûrîre ûkwonania bûrî na mwîto wa Ngai.

AEBEESO 4:1 Iomraidhean Croise

NGÛGÎ 9:31

Eetîgîri ba Njundea, Gariiri, na Samaria ibaarî na ûkiri. Baathiire bakîongeerekaga na bakîgîîyaga ûûmîîria, bakîîgagua baganîrîtwe i Kîrundu Ûmûtheru na bagîkuthûkaga Mwathani.

AROOMA 11:29

Ngai ageeta muntû, we atigarûkaga. Kana weegua i kîewa kîna eete muntû, we aticookaga kûmûtunya kîo kaîrî.

AROOMA 12:1

Kwoogu, aruayia na aarayia, n'ûntû bwa kîao kîa Ngai, inkûbûûria bwînenkanîre kîrî Ngai bûrî igongwana bîri mwoyo. Mûtûûrîre wenu nwîgue ûrî mûtûûrîre ûmûtheru na ûkûmûkenia. Înu n'yo njîra ya kûmûtûmîkîra bûra kwagîrîte.

1 AKORINTHO 4:16

Kwoogu ndîbwîra ngîkinyagîîria atî, bûthingate ngerekano yakwa.

2 AKORINTHO 10:1

Inkwenda mûno bûnthikîîria, ndî ningwa, Paûrû, nkîaria na ûbooreru ta bwa Kîrîstû na kîao ta gîake. Antû bamwe baugaga ntiaragia mbûmîîrîîtie rîra twonanîîte, mbaragia mbûmîîrîîtie twatigana.

2 AKORINTHO 5:20

Kwoogu ga tûtûmîîtwe i Ngai bantû a Kîrîstû. I taka Ngai agûtûtûmîra kûbwîta arî we wengwa. Itû tûkûbwereka tûrî kaanyaani ga Kîrîstû, tumaani ûnyanya na Ngai.

2 AKORINTHO 6:1

Tûrutaga ngûgî na Ngai. Na kwoogu tûtikwenda bûreka ûtugi bûra aabwere bûtuîka bwa ûtheri.

AGARATIA 4:12

Aruayia na aarayia, nkûbwereka karaani ta niû n'ûntû wana niû indakarire ta biû. Gûtirî ûthûûku bwandûthîra.

AEBEESO 2:10

I Ngai atûmîîte twîgua tûkari ûgu tûkari. Ngai aatûûmbire tûrî ndeni ya Kîrîstû Yiesû, kaingo tûrûthaga mantû meega ta bûra mûbango wake wakari kuuma tene.

AEBEESO 3:1

Gîku i kîo gîtûmaga mbûrombera Ngai, niû, Paûrû, mûthaîkwa wa Kîrîstû n'ûntû bwenu bara bûtarî Ayaundi.

AEBEESO 4:17

Riîtwaani rîa Mwathani ndîbwîra bûtigaakare ta bara bataiyî Ngai. Mathûgaania maao maûyûri mantû ma ûtheri,

AEBEESO 4:4

Kûrî mwîrî ûmwe na Kîrundu ûmwe ta bûra bweetirwe i Ngai bwîgua bûrî na wîrîgîîro bûmwe.

AEBEESO 5:2

Karagaani bwendeene ta bûra Kîrîstû aatwendire, aakua n'ûntû bwetû arî kîgongwana, Ngai eetîgîîria akeneete.

APIRIPI 1:27

Îndî wana ndakara ata, bûtikaariganîrueni i gûkaraga mûkarîre ûra ûgaatûma ntheto îmbega ya Kîrîstû îtîîywa. Kwoogu ndaaya kûbwona kana ndaremwa kûûya, ndeenda kwîgua ibûrikîîte wîtîgioni bûgwatanîrîte. Ndeenda kwîgua bûrîrûîrîîra wîtîgio bûra tûrî na bu kuumania na ntheto îmbega bûgwatanîrîte.

APIRIPI 3:14

I ta kuugia mbugîîtie rwîro ntagûtangatanga ntarîîte rûrigi, kaingo mpeewa kîewa kîra Ngai ambîtîrîte îgûrû gûkûrûkîîra kîrî Kîrîstû Yiesû.

AKOROSAI 1:10

Rîru mûtûûrîre wenu ûkeegua ûkîonania bûrî antû ba Mwathani na bûkamûkenagia na njîra cionthe. Bûkaathi na mbere kûrûtha mantû meega ma mîthemba yonthe na bûkeerutana kûmenya Ngai nkûrûki.

AKOROSAI 2:6

Kwoogu n'ûntû ibwetîgîîre Yiesû Kîrîstû arî Mwathani wenu, karagaani ta we.

AKOROSAI 4:12

Epabaras, mûruti ngûgî wa Kîrîstû wa kuuma naagu kwenu, wana we akûbûkeethia. Rîonthe nabûrombagîra mûno akîûragia Ngai abûteethie bûtuîke agima wîtîgioni na bûmenye mantû monthe mara Ngai eendaga bûrûtha.

1 ATHESARONIKE 2:12

Twabwîkagîra wîru na tûkabûûmîîria tûkabwîra bwîgue bûrî ba mîkarîre ya gûtîîya Ngai ûra abwîtîîte ûneneeni bwake, ta ku mwagooni wake.

2 ATHESARONIKE 1:11

Na gîku i kîo gîtûmaga tûbûrombera rîonthe. Tûûragia Ngai atûme bwîgue bûrî ba mûkarîre ûkûgwatanîra na mwîto ûra aabwîtire. Na kwa inya yake atûme bûrûtha ûntû bwega bunthe bûra bûbangîîte kûrûtha na bûra bunthe wîtîgio bwenu bûgaatûma bûrûtha.

2 TIMOTHEO 1:9

I Ngai aatwonokiirie atwîta tûtuîka antû baake baatheru, na t'ûntû bwa ngûgî imbega ira tûrutîîte. Îndî n'ûntû bwa mûbango wake we wengwa kûringana na ûtugi bwake. Na aatwere ûtugi ndeni ya Kîrîstû Yiesû kuuma wo tene mûno.

TITO 2:10

kana îmwiya. Îndî kwagîrîte warîonthe nkombo yonanagia nwa îîtîgîke mantûûni monthe, kaingo antû batîîya ûrutani bwa Ngai Mwonokia wetû kuumania na mantû monthe mara barûthaga.

AIBIRANIA 13:21

aroobwaa bira bionthe biega bûrûthe kwenda gwake. Arootûma tûrûthaga bûra bûmûkenagia, n'ûntû bwa Yiesû Kîrîstû. We arookumua tene na tene. Aameni.

AIBIRANIA 3:1

Kwoogu, aruayia na aarayia, biû bûrî ba Ngai ûra abwîtîîte. Erekeriani mathûgaania meenu kîrî Yiesû. Itwîtîgîîtie n'we aatûmirwe i Ngai atuîka mûthînjîri ûra mûnene wake.

1 PETÛRÛ 2:11

Eendwa, nthîgûrû îno bûkari ta ageni. Kwoogu ka mbûkaanieni. Bûtikaarûthe mantû maathûûku mara mîîrî yenu yendaga kûrûtha, mara marûaga na bûra mîoyo yenu yendaga.

1 PETÛRÛ 3:9

Bwarûthîrwa ûthûûku bûtikaarîithie. Bwarumwa bûtikaarume bara babûruma. Bûbatîîrue bûthaarimaga bara bakaabûrûthagîra mantû ta mamu. Menyaani atî, bweetirwe i Ngai bûrûthaga ûgu kaingo bûthaarimwa,

1 PETÛRÛ 5:10

Îndî nyuma ya kûnyamaarua bantû a kagiita gaakai, Ngai mwene ûtugi bunthe ûra aabwîtire mwagooni wake wa tene na tene gûkûrûkîîra kîrî Kîrîstû Yiesû akabûûyûria, akabwongeera inya, na akabûrûngamia mûcingiini ûmwitu.

2 PETÛRÛ 1:3

Kwa inya yake Ngai natwete bionthe bira twendaga kaingo tûtûûra mûtûûrîre wa kîîngai. Twetwe bio gûkûrûkîîra kûmenyaani kûra tûmenyeete ûra aatwîtire mwagooni wake na wegaani bwake.

2 NJOANA 1:5

Ka ngûkwîra, mwekûrû, twendanageeni. Kwoogu ntigûkwandîkîra yathana rîîyerû, nwa warîra tûtûûraga na rîo kuuma kîambîrîîria.