AEBEESO 3:8 - Kîrîîkanîro Kîîyerû

⁸ Wana weegua ndî ûmûniini nkûrûki ya antû bara bangî ba Ngai, i ndeerwe ngûgî îno ya mwanya ya gûtûmîîria ntheto îmbega kîrî bara batarî Ayaundi îgûrû rîa ithaarimo bia gîîkîrundu bitarî mûthia bia Kîrîstû.

AEBEESO 3:8 Iomraidhean Croise

RUKA 14:22

“Mûruti ngûgî ûyu aarûtha ûgu eerîîtwe. Aacooka eera mûnene, ‘Nkûrûtha bûra ûkûmbîîrîîte, îndî wana îîndî nyomba îrî na kaanya kaûmba gûkara antû bangî.’

NJOANA 1:16

Na n'ûntû bwa wingî bwa ûtugi bwake natûthaarimaga na bu kwa wingî.

NGÛGÎ 5:41

Atûmwa bauma gûku bakeneete mûno n'ûntû bwa kwîgua boonirwe baagîrîte ba kûnyamaarua n'ûntû bwa riîtwa rîa Yiesû.

NGÛGÎ 9:15

Mwathani eera Anania, “Îthi. Nthuurîîte muntû ûyu atambia riîtwa rîakwa kîrî bara batarî Ayaundi, anene, na antû ba Isiraeri.

AROOMA 11:33

N'ata Ngai arî ithaarimo biingîîte bûgana! N'ata arî ûûme na ûmenyo bwingîîte bûgana! N'ûû wacietû aûmba kûmenya mîbango yake? Kana n'ûû wacietû aûmba kûmenya bûra arutangaga ngûgî?

AROOMA 12:10

Endanagaani ta antû ba mûciî ûmwe. Tîîyagaani bara bangî nkûrûki ya bûra bwîtîîyaga.

AROOMA 2:4

Ngai nakwoneetie bûra arî kîao kîgana. Atikweyaga îkaanûkia nthûti îmwe na ainyîkagîria mara ûrûthaga kwa îgiita rîraaya, îndî ûtionaga bûbu ta ûntû. Ka ûtaiyî Ngai i kîao akwîgagua n'ûntû neendaga wîrira?

1 AKORINTHO 1:30

I Ngai aatûmire bwîgua bûrî ndeni ya Kîrîstû. N'we aatuîkithiirie Kîrîstû ûûme bwetû, ta bu wagîru, ûtheru bwa nkoro na ûkûûri kuuma meeyiani.

1 AKORINTHO 15:9

I niû mûniini kîrî atûmwa bara bangî. Ntiagîrîtwe wa gwîtwa mûtûmwa n'ûntû indanyamaaragia antû ba kanica ya Ngai.

1 AKORINTHO 2:9

Îndî na rîo wata bûra kwandîkirwe *Maandîkooni Maatheru, “Gûtirî muntû oona, gûtirî muntû eegua, na gûtirî muntû aaromenya kîra Ngai aathuuranîrîte bara bamwendeete.”

AGARATIA 1:16

kûngwûrîra mmenya Mwana wake kaingo mmûtûmîîria kîrî bara batarî Ayaundi, ntaathi kwîra muntû antaûrîre,

AGARATIA 2:8

Ngai ûra aatûmire Petûrû aruta ngûgî ya ûtûmwa kîrî Ayaundi nwa we aatûmire nduta ngûgî ya ûtûmwa kîrî bara bangî.

AEBEESO 2:7

Ngai aarûthire ûgu kwonia nthuke cionthe ira ikaaroo ciiya bûra ûtugi bwake bwingîîte bûgana. Ûtugi bûbu bwonekanaga na mantû meega mara atûrûthîrîte gûkûrûkîîra kîrî Kîrîstû Yiesû.

AEBEESO 3:1

Gîku i kîo gîtûmaga mbûrombera Ngai, niû, Paûrû, mûthaîkwa wa Kîrîstû n'ûntû bwenu bara bûtarî Ayaundi.

AEBEESO 3:16

Inkûbûrombera Ngai ûra arî ûtonga bwa kûrigaria, abwîkîra inya nkorooni cienu gûkûrûkîîra kîrî Kîrundu wake ûra arî ndeni yenu.

AEBEESO 3:19

Bûroomenya wendo bwake kaingo bûûmba kûûyûrwa kûrû n'ûngai, kinya ûkeegua bûtimenyekana bunthe.

AEBEESO 3:2

Na mma ibwîgîîtue bûra Ngai ampete ngûgî ya mwanya ya kûbûtûmîîria.

APIRIPI 2:3

Bûtikaarûthe ûntû na rûriitho kana wîkumia. Muntû nenyiagie kîrî ûra ûngî, na nathûkagie bara bangî ta bo barî gîtûmi nkûrûki yake.

APIRIPI 4:19

Ngai ûra ntûmîkagîra akabwaa bionthe bira bûrî bata na bio. Arî ûtonga bwa kûrigaria ndeni ya Kîrîstû Yiesû.

AKOROSAI 1:27

Îndî Ngai neendire kûmenyithia antû bûra kîriga gîku kîrî ithaarimo birî mwago ûgana kîrî bara batarî Ayaundi. Na kîriga gîku i kwîgua Kîrîstû ûra bwîrîgîîrîîte kwîgua bûrî amwe n'we mwagooni wake, arî ndeni yenu.

1 TIMOTHEO 1:13

Wana kinya ûkeegua mbereeni ndarî muntû wa kûmûcambagia, kûnyamaaragia athingati baake na mûbitina mûno, Ngai nambîgiirue kîao n'ûntû kagiita gaku ntaiyî ûmma na ntaarî na wîtîgio.

1 TIMOTHEO 1:15

Kiugo gîkî i gîa gwîtîgîka na ikîagîîre gwîtîgîrwa kûrû atî, Yiesû Kîrîstû aayire gûkû nthîgûrû kwonokia eeyia. Niû ndî mwîyia ûra mûnene mûno nkûrûki ya bonthe.

1 TIMOTHEO 2:7

Na gîkî i kîo gîtûmi gîakwa gûtûmwa ndî mûtûmwa na mwarimû kîrî antû ba nthîgûrû ira ingî, bara batarî Ayaundi, kaingo ntûmîîria ntûmwa ya wîtîgio na ûmma. N'ûmma nkwaria na t'ûrongo!

2 TIMOTHEO 1:11

Ngai aanthuurire ntuîka mûtûmîîria, mûtûmwa na mwarimû wa ntheto îmbega.

KÛGWÛRÎRWA 3:18

Ndîkûroria ûgûre kuuma kîrî niû into bibi—thaabu îkembeetue na mwanki kaingo ûtonga, nguo înjerû wîkîre kaingo witha ûtheri bwaku antû batiga kûbuona, na ndawa wîkîre meetho kaingo ûûmba kwona.