AEBEESO 3:7 - Kîrîîkanîro Kîîyerû

⁷ Niû ndatuîkithiirue mûruti ngûgî wa Ngai ntûmagîîria ntheto îno îmbega, kîrî kîewa kîa mwanya kîra Ngai aampeere kwa inya yake îra îrutaga ngûgî ndeni yakwa.

AEBEESO 3:7 Iomraidhean Croise

NGÛGÎ 9:15

Mwathani eera Anania, “Îthi. Nthuurîîte muntû ûyu atambia riîtwa rîakwa kîrî bara batarî Ayaundi, anene, na antû ba Isiraeri.

AROOMA 1:5

Gûkûrûkîîra kîrî Kîrîstû, Ngai nampeere ngûgî ya mwanya mûno mmûrutîra, ta yo ngûgî ya ûtûmwa. Mbîtaga antû ba nthîgûrû cionthe baaya kîrî we bamwîtîgia, bamwathîkîra. Na i Kîrîstû ndutagîra ngûgî îno.

AROOMA 12:3

N'ûntû bwa kîewa kîa mwanya kîra Ngai ampete ndî mûtûmwa, ndîbwîra muntû atikeethûkie taka arî gîtûmi mûno nkûrûki ya bûra arî. Muntû neethûkagie bûra kwagîrîte kûringana na bûra wîtîgio bûra Ngai amwete bûgana.

AROOMA 15:16

ya kwîgua ndî mûruti ngûgî wa Yiesû Kîrîstû kîrî bara batarî Ayaundi. Ndutaga ngûgî ta ya mûthînjîri wa Ngai. Mbarutanaga ntheto îmbega ya Ngai, kaingo beegua barî ta kîgongwana kîthereetue i Kîrundu Ûmûtheru, kîra Ngai aûmba gwîtîgîîria.

1 AKORINTHO 15:10

Îndî n'ûntû bwa bûra ûtugi bwa Ngai bûgana, îîndî i niû ûyû. Kwoogu ûtugi bûra aamboniirie bûtaarî bwa ûtheri. Ndarutire ngûgî na inya mûno nkûrûki ya atûmwa bara bangî bonthe ndabacinda. Îndî ingî ti niû na bwakwa, n'ûtugi bwa Ngai bwarutaga ngûgî naani.

1 AKORINTHO 3:5

Paûrû îîndî n'ûû? Kana Apooras? Tiû n'aruti ngûgî ba Ngai tu, bara twabûteetheerie bweetîgia. Wakîra ûmwe wacietû aarutire ngûgî îra Ngai amwete aruta.

2 AKORINTHO 3:6

N'we aatûûmbithiirie kwîgua tûrî aruti ngûgî tûrutana kîrîîkanîro kîîyerû. Na kîo kîrîîkanîro gîkî kîîyerû ti watho bwandîkîîtwe, kîo i gîa Kîrundu. Watho bûra bwandîkîîtwe ibûûragaga, îndî Kîrundu we neeyanaga mwoyo.

2 AKORINTHO 4:1

I Ngai atwete ngûgî îno tûruta n'ûntû bwa kîao gîake. I ntûma tûtakuyaga nkoro.

AGARATIA 2:8

Ngai ûra aatûmire Petûrû aruta ngûgî ya ûtûmwa kîrî Ayaundi nwa we aatûmire nduta ngûgî ya ûtûmwa kîrî bara bangî.

AEBEESO 1:19

Na indombaga abûmenyithia bûra inya yake îgana îra îrutaga ngûgî ndeni yetû, tiû eetîgîri.

AEBEESO 3:2

Na mma ibwîgîîtue bûra Ngai ampete ngûgî ya mwanya ya kûbûtûmîîria.

AEBEESO 3:20

Arookumua Ngai ûra aûmbaga gûtûrûthîra mantû na agakûrûkîîria na kûraaya bûra tûmûûragia atûrûthîre, kana bûra tûthûgaanagia gûkûrûkîîra kîrî inya yake îra îrutaga ngûgî ndeni yetû. Arookumagua i kanica gûkûrûkîîra kîrî Kîrîstû Yiesû magiita monthe tene na tene! Aameni.

AEBEESO 3:8

Wana weegua ndî ûmûniini nkûrûki ya antû bara bangî ba Ngai, i ndeerwe ngûgî îno ya mwanya ya gûtûmîîria ntheto îmbega kîrî bara batarî Ayaundi îgûrû rîa ithaarimo bia gîîkîrundu bitarî mûthia bia Kîrîstû.

AEBEESO 4:16

Kwoogu n'we agwatithanîîtie kanica, ta yo mwîrî wake. Mwîrî ûgwatithanîîtue amwe i tûrûngo mwanya mwanya, tûra Ngai acuûmbîrîte. Rîra tûcuncî tunthe tûkûruta ngûgî ya tu, kanica yonthe nîkûraga îkagîa inya, antû bakîonanagia wendo.

AKOROSAI 1:29

Na kûng'ang'anaani kûra nng'ang'anaga na ngûgî îno, n'inya înene ya Kîrîstû îrutaga ngûgî naani.

1 ATHESARONIKE 2:13

Na kûrî na gîtûmi kîngî kîra gîtûmaga tûcookeria Ngai nkaatho. Bûkwîgua twabûtûmîîria kiugo kîa Ngai bûtaakîthûkia kiumanîîtie na muntû. Bwakîthûkiirie kîrî kiugo kîa Ngai, na wabu i gîake. Kiugo gîkî igîtûmaga bûrûtha mantû meega bara bwîtîgîîtie.

AIBIRANIA 13:21

aroobwaa bira bionthe biega bûrûthe kwenda gwake. Arootûma tûrûthaga bûra bûmûkenagia, n'ûntû bwa Yiesû Kîrîstû. We arookumua tene na tene. Aameni.