AEBEESO 3:1 - Kîrîîkanîro Kîîyerû

¹ Gîku i kîo gîtûmaga mbûrombera Ngai, niû, Paûrû, mûthaîkwa wa Kîrîstû n'ûntû bwenu bara bûtarî Ayaundi.

AEBEESO 3:1 Iomraidhean Croise

RUKA 21:12

“Na mbere ya mantû mamu matuîkîka, bûkaagwatwa bûnyamaarue, bûtuîrwe îgamba *masinagoogiini, na bwingîrwe nceera. Bûkairwa kîrî anene na mangabana n'ûntû bwakwa.

NGÛGÎ 21:33

Mûnene aathi ara Paûrû aarî. Aaruta watho auga agwatwe athaîkwe na nyororo ciîrî. Rîru aûria, “Muntû ûyû n'ûû na n'ata arûthîîte?”

NGÛGÎ 23:18

Mûrûngamîîri ûyu aira mwana ûyu kîrî mûnene. Eera mûnene, “Mûgwate ûra agwîtwa Paûrû aambîta aambîîra ndeete mwana ûyû kîrî woû, n'ûntû kûrî bu akwenda gûkwîra.”

NGÛGÎ 26:29

Paûrû amwîra, “Nwîgue i na mpwî kana i nyuma ya îgiita rîîraaya, îromba rîakwa kîrî Ngai n'atî, woû na bwinthe bara bûnthikîîrîîtie îmunthî bûkare ta niû. Îndî ingî bûtarî bathaîke na nyororo.”

NGÛGÎ 9:15

Mwathani eera Anania, “Îthi. Nthuurîîte muntû ûyu atambia riîtwa rîakwa kîrî bara batarî Ayaundi, anene, na antû ba Isiraeri.

2 AKORINTHO 1:6

Twathîînua, kûthîînua gwetû gûgaatûma bûûmîîria na bûteetheka. Twaûmîîrua, kûûmîîrua gwetû gûgaatûma bûûmîîria. Na kwoogu nwa bwote kûûmîîria kûnyamaaruani ta kûra tûnyamaaragua.

2 AKORINTHO 10:1

Inkwenda mûno bûnthikîîria, ndî ningwa, Paûrû, nkîaria na ûbooreru ta bwa Kîrîstû na kîao ta gîake. Antû bamwe baugaga ntiaragia mbûmîîrîîtie rîra twonanîîte, mbaragia mbûmîîrîîtie twatigana.

2 AKORINTHO 11:23

Bo n'aruti ngûgî ya Kîrîstû? Wana niû ndî mûruti ngûgî ya Kîrîstû. (Ndîaria ta muntû ûmûthûûku kîongo.) I niû ndutîîte ngûgî na inya nkûrûki yao na ndarathaîkwa nceera maita maingî nkûrûki. Ndaraturwa maita maingî nkûrûki yao, akubî nkua maita maingî.

AGARATIA 5:11

Î niû naani, aruayia na aarayia, ûkaaya kwîgua ntûmagîîria mantû ma ntaano nkauga antû bataanagwe rî, i kî îîndî n'ûntû nnyamaaragua? Ûkaaya kwîgua n'ûmma, ûgu i bu ndûthaga, ntûmîîri îno ntûmagîîria ya mûtharaba wa Kîrîstû îtireeta thîîna nwa aniini.

AGARATIA 5:2

Nthikîîriani bwega bwîgue bûra nkûbwîra, ndî Paûrû. Na mma ga nkûbwîra, bwatua gûtaanagwa gûtirî bu Kîrîstû akaabûguna na bu.

AGARATIA 5:24

Antû bara barî ba Yiesû Kîrîstû ibaambire mûtharabaani mûtugo wa kîîmuntû amwe na wîrirîîria bwa uu bûûthûûku.

AEBEESO 3:11

Na ûyu n'uu warî mûbango wake kuuma tene na tene, ûra aingîîtie ndeni ya Kîrîstû Yiesû, Mwathani wetû.

AEBEESO 3:13

Kwoogu bûtigaakue nkoro i kûnyamaarua gwakwa n'ûntû bwenu. Ndînyamaarua bûteetheka.

AEBEESO 3:8

Wana weegua ndî ûmûniini nkûrûki ya antû bara bangî ba Ngai, i ndeerwe ngûgî îno ya mwanya ya gûtûmîîria ntheto îmbega kîrî bara batarî Ayaundi îgûrû rîa ithaarimo bia gîîkîrundu bitarî mûthia bia Kîrîstû.

AEBEESO 4:1

Îîndî inkwenda kûbûkinyîîria ndî nceera n'ûntû bwa Mwathani, bûtûûrage mûtûûrîre ûkwonania bûrî na mwîto wa Ngai.

AEBEESO 6:20

Nthaîkîîtwe n'ûntû bwa gûtûmîîria ntûmwa îno, ndî mûtûmwa wa Kîrîstû. Ndomberaani mbîgue ndî na ûcamba bwa gûtûmîîria ntheto îmbega bûra mbagîrîtwe.

APIRIPI 1:7

Imbagîîrue kwîgua ûgu îgûrû rîenu bwinthe, n'ûntû imbwendeete mûno. Ibûnteetheetie ngûgîîni îno ya mwanya, îra Ngai ampete nduta. Ibwanteethiirie kûrûîrîîra ntheto îmbega twonania n'ya mma na ibûgûnteethia ndî niû îîndî ndî nceera.

AKOROSAI 1:24

Inkeneete i bûra nnyamaaraga n'ûntû bwenu nkîûyûrîîria kûnyamaara kûra mwîrî wa Kîrîstû ûbatîîrue ûnyamaara kinya îîndî. Mwîrî wa Kîrîstû i kanica. Na mathîîna mama mwîrî wakwa wonaga, wonaga mo n'ûntû bwa kanica.

AKOROSAI 4:18

I niû Paûrû ndaandîka nkeethi ino na njara ciakwa. Ndirikanagaani ndî gûkû nceera. Ûtugi bwa Ngai bûrookaraga naabi.

AKOROSAI 4:3

Tûrombagîreeni na tiû Ngai atwe kaanya ga gûtûmîîria kîriga kîa mantû ma Kîrîstû. Nthaîkîîtwe n'ûntû bwa gûtûmîîria mantû mamu.

2 TIMOTHEO 1:16

Inkûrombera Onesiboras na antû ba mûciî wake bonthe nkauga Mwathani nabeegue kîao n'ûntû magiita maingî naambûmagîîria nkoro na atoonaga rîrî îgi kwîgua ndî ûmûthaîke nceera.

2 TIMOTHEO 1:8

Kwoogu ûtikeegue îgi ûkîruta ûkûûyî bwaku îgûrû rîa Mwathani wetû, kana i bûra ndî nceera n'ûntû bwake. Ûmîîria ûngwatie kûthîîna n'ûntû bwa ntheto îmbega, Ngai agakwa inya ya gûgwotithia.

PIREMONI 1:1

I niû Paûrû ngûkwandîkîra baarûa îno ndî nceera n'ûntû bwa Kîrîstû Yiesû. Ndîkwandîkîra tûrî amwe na mûruayia Timotheo, woû Piremoni mwendwa wetû na mûruti ngûgî îmwe naati,

PIREMONI 1:23

Wana Epabaras tûrî n'we gûkû nceera n'ûntû bwa Kîrîstû Yiesû. Thûkia nkeethi ciake.

PIREMONI 1:9

n'ûntû bwa wendo ndîona i kaaba nkûûrîîtie kwa wendi bwaku ûrûthe bûra nkwenda. Kaîrî ririkana ndî mûkûrû na îîndî ndî nceera n'ûntû bwa Kîrîstû Yiesû.

KÛGWÛRÎRWA 2:10

Ûtikaamakue i mantû mara meengeerie gûkûûyîîra makûnyamaarie. Ga ngûkwîra, Nkoma îgaatûma bamwe beenu bûthaîkwa nceera îkîbûgeria. Kûnyamaarua kûra bûkaanyamaarua i gwa ntugû îkûmi. Îndî îthi na mbere kwîgua ûrî na wîtîgio wana weegua nûgaakua, naani ngakwa mwoyo ûrî kîewa.