AEBEESO 2:12 - Kîrîîkanîro Kîîyerû

¹² Mbereeni bwatûûraga bûtaiyî Kîrîstû. Bwarî kwa itha na bûtaataragwa bûrî Aisiraeri, antû ba Ngai. Bûtaataragîrwa irîîkanîrooni na mawîraneeni mara Ngai aarîîkanagîra na bo. Bwatûîre nthîgûrû îno bûtarî na wîrîgîîro na bûtarî na Ngai.

AEBEESO 2:12 Iomraidhean Croise

RUKA 1:72

Na akeegua biûyûûyû kîao, aririkane kîrîîkanîro gîake kîîtheru,

NJOANA 10:16

Ng'ondu ciakwa imwe itirî kiugûûni gîkî. Nwa mwanka ncireete kinya cio n'ûntû ikeegua kayû gaakwa, ituîke cia ûrîîthi bûmwe, ûrîîthi bwa mûrîîthi ûmwe.

NJOANA 15:5

“I niû mûcabiibû, naabi i biû mpong'i. Ûra akaraga ndeni yakwa naani ngakara ndeni yake naciaraga rûciaro rwingî. Gûtirî bu bûûmba kûrûtha bûtarî na ûteethio bwakwa.

NJOANA 4:22

Na rîo gûkîa, biû Asamaria bûgongaga ûra bûtaiyî. Îndî tiû tûgongaga ûra twiyî n'ûntû wonokio bûûyanîîtie na Ayaundi.

NGÛGÎ 2:39

N'ûntû biû, aana beenu, na bonthe bara barî kûraaya bûrî baape wîrane, bara Mwathani Ngai wetû ageeta kîrî we.”

NGÛGÎ 28:20

Kwoogu gîku i kîo gîtûmîîte mbwîta mbûmenyithia atî, nthaîkîîtwe na nyororo ino n'ûntû bwa wîrîgîîro bûra Aisiraeri barî na bu.”

NGÛGÎ 3:25

“Biû i biû eene mawîrane ma Ngai mara iroria biagwetire. Na nwa biû eene kîrîîkanîro kîra Ngai aarîîkanîîre na biûyûûyû bietû. Eerire Îburaîmu, ‘Rûciaro rwaku rûgaatûma antû bonthe ba nthîgûrû bathaarimwa.’

AROOMA 9:8

Kuuga ûgu i ta kwonania ti bara bonthe barî nciarwa cia Îburaîmu barî aana ba Ngai. Bara bacierwe kûringana na wîrane bwa Ngai i bo bataragwa barî aana ba mma,

AGARATIA 4:8

Mbereeni rîra bûtaiyî Ngai bwarî nkombo cia ngai gûtarî.

AEBEESO 2:19

Kwoogu bûtirî kwa itha na bûtirî ageni kaîrî. Îîndî bûrî atûûri amwe na bara bangî ba Ngai. Bûrî antû ba nyomba ya Ngai

AEBEESO 4:18

i mwindu ûrî ku. Batitaragîrwa mwoyooni ûra Ngai eeyanaga, n'ûntû gûtirî kîo baiyî, ibaûmagia biongo.

AKOROSAI 1:21

Bûtikaariganîrueni kûrî rîra bwarî aaraaya na Ngai. Bwarî anthû baake n'ûntû bwarî na mathûgaanio maathûûku na bwarûthaga mantû maathûûku.

AKOROSAI 1:27

Îndî Ngai neendire kûmenyithia antû bûra kîriga gîku kîrî ithaarimo birî mwago ûgana kîrî bara batarî Ayaundi. Na kîriga gîku i kwîgua Kîrîstû ûra bwîrîgîîrîîte kwîgua bûrî amwe n'we mwagooni wake, arî ndeni yenu.

AKOROSAI 1:5

Bûrûthaga ûgu n'ûntû bwa kwîgua bûrî na wîrîgîîro bwa kîra bwaigîrîtwe îgûrû. Na wîrîgîîro bûbu, i bûra bweegiirue kuuma wo rîra bwatûmîîrue ntheto îmbega ya mma.

1 ATHESARONIKE 4:13

Aruayia na aarayia, ndeenda bûmenya bûra gûkari kîrî eetîgîri bara bakuîte, kaingo bûteegua bûrî na kîeba ta antû batarî na wîrîgîîro.

1 ATHESARONIKE 4:5

Bûtikeende kwathagwa i wîrirîîria bwa mwîrî ta bara bataiyî Ngai.

2 ATHESARONIKE 2:16

Mwathani wetû Yiesû Kîrîstû na Ngai Baaba wetû baroobwîkîra wîru nkorooni cienu. Na baroobwîkîra inya ûntûûni bwega bunthe bûra bûkaarûthaga kana bûra bûkaaragia. Ngai aatwendire atwîkîra wîru bûtakîthira na atwa wîrîgîîro bwega kuumania na ûtugi bwake.

1 TIMOTHEO 1:1

I niû Paûrû ngûkwandîkîra. Ntuîkithîîtue mûtûmwa wa Kîrîstû Yiesû i Ngai Mwonokia wetû na Yiesû Kîrîstû, wîrîgîîro bwetû.

AIBIRANIA 11:34

ndîrîmbî cia mwanki na kuuma kîrî ûûgî bwa ndûyiû. Bataarî na inya îndî ibaayire kûmîgîa nyumaani. Baarî ncamba cia ndûa, baatûma njûûrî cia antû bara bangî ibakuthûka.

AIBIRANIA 6:18

Kwoogu Ngai eeyanire wîrane bwake na kûthiîtia aathiîtia. Mantû mama marî maîrî matiigarûka, n'ûntû Ngai atirongwaga. Na kwoogu tiû bara tûtoorookerete gwake atûrigîîria, itwîkîrîtwe wîru bûûnene. Tûgwete twarikia wîrîgîîro bûra twetwe.

AIBIRANIA 8:6

Îndî îîndî ngûgî îra Ngai eete Yiesû aruta arî mûthînjîri n'yo mbega nkûrûki ya anthînjîri ba mbere. Gîtûmi i kwîgua ngûgî îra arutaga arî mwîguithania wa antû na Ngai n'ya kîrîîkanîro kîega nkûrûki, kîra kîrî na mawîrane meega nkûrûki.

1 PETÛRÛ 1:21

Bwîtîgîîtie Ngai gûkûrûkîîra kîrî Kîrîstû. Ngai aamûriûkiirie amwaa mwago. Kwoogu wîtîgio bwenu na wîrîgîîro bwenu bûrî kîrî Ngai.

1 PETÛRÛ 1:3

Ga tûkumie Ngai Îthe wa Mwathani wetû Yiesû Kîrîstû. N'ûntû bwa bûra arî kîao mûno naatûmire tûciarwa îciarwa rîa maîrî kaingo atwa wîrîgîîro bwa mma bwa mwoyo wa tene na tene na njîra ya kûriûkia Yiesû Kîrîstû.

1 PETÛRÛ 3:15

Îndî nkorooni cienu thûkagiani Kîrîstû Mwathani wenu arî ûmûtheru. Na îgaguani rîonthe bwîthuuranîrîte gûcookeria kîûria ûra aûmba kûbûûria mantû ma wîrîgîîro bwenu bwa gîîkîrîstû, bûra bûrî na bu.

1 NJOANA 3:3

Na muntû wonthe ûra arî na wîrîgîîro bûbû neetheragia n'ûntû we n'ûmûtheru.