AEBEESO 2:11 - Kîrîîkanîro Kîîyerû

¹¹ Bara bûtaaciarwa bûrî Ayaundi, biû bwîragwa n'Ayaundi bûtirî bataane, (îndî ingî gûtaanwa kwao i kwa mwîrî tika kûrî gwa nkoro), bûtikaariganîrueni i bûra bwakari mbereeni.

AEBEESO 2:11 Iomraidhean Croise

MATHAYO 20:7

“Antû babu bamwîra, ‘Tûtiroona muntû wa gûtwaa ngûgî.’ “Muntû ûyu abeera, ‘Wana biû tûthiini bûkaandutîre ngûgî ya mûnda.’

AROOMA 11:17

Tathûkia ngerekano ya mûtî wa mûceituuni ûtemetwe mpong'i imwe, rwong'i rwa mûceituuni wa kîthaka rûkagwatithanua na uu. Woû ûtarî Mûyaundi ûkari ta rwong'i rûru. Mûceituuni ûra mûteme mpongi n'Ayaundi. Woû ka ûgwatithanîîtue na uu. Ûteethekaga kuumania na inya na mwoyo wa uu.

AROOMA 2:26

Ûkeegua muntû ûngî atarî Mûyaundi, ûra we atarî ûmûtaane naathîkagîra maathana mara marî wathooni rî, nûkwona taka Ngai atakîmûthûkia arî ta muntû ûmûtaane?

AROOMA 2:27

Kwoogu muntû ûra aathîkagîra watho atarî ûmûtaane akabûgiitîra îgamba biû bara bataane na bûrî na maandîko ma watho îndî bûtimaathîkagîra.

1 AKORINTHO 12:2

Ibwiyî bûra bwakari mbere ya bûtuîka eetîgîri. Bwabîtithîîtue njîra bwatua kûrombaga ngai cia ûrongo, gîntû gîtaûmba kwaria.

1 AKORINTHO 6:11

Bamwe beenu i bu bwakari ûgu. Îndî ibwathambiirue bwathira meeyia, bwatherua na bwagîrithua riîtwaani rîa Mwathani Yiesû Kîrîstû na gûkûrûkîîra kîrî Kîrundu wa Ngai wetû.

AGARATIA 2:15

Tiû tûrî Ayaundi gûciarwa, tûtirî bara batarî Ayaundi, bara tuugaga bo n'eeyia.

AGARATIA 6:12

Antû bara bakwenda kûbûkinyîîria bûtaanwa i bara beendaga kwonwa barî beega meethooni ma antû. Na gîtûmi kîra gîgûtûma barûtha ûgu i kîmwe akî. Na kîo i kaingo batanyamaarua n'ûntû bwa mûtharaba wa Kîrîstû.

AEBEESO 2:2

Bwatûûraga bûkari ta antû ba nthîgûrû bûkîathîkagîra mûnene wa mainya mara maathanaga maanganyoni. Mûnene ûyu i kîrundu kîra kîrutaga ngûgî antûûni bara baregaga kwathîkîra Ngai.

AEBEESO 5:8

Bûratûûraga mwinduuni, îndî îîndî bûrî werûûni ndeni ya Mwathani. Kwoogu karaani ta aana ba werû.

APIRIPI 3:3

Tiû i tiû tûtaanîîtwe rûtaano rwa mma. Tûgongaga Ngai tûrî na Kîrundu na tûkumagia Kîrîstû Yiesû. Kûringana na wîtîgio bwetû tûtiîgwatia kîîmuntû,

AKOROSAI 1:21

Bûtikaariganîrueni kûrî rîra bwarî aaraaya na Ngai. Bwarî anthû baake n'ûntû bwarî na mathûgaanio maathûûku na bwarûthaga mantû maathûûku.

AKOROSAI 2:11

Bûgwîtîgîra Kîrîstû i taka bwataanirwe. Bûtaataanwa bûra antû bataanagwa na kayiû. Bwataanirwe rûtaano rwa gîîkîrundu, ta ru rûtaano rwa gîîkîrîstû, bwatigana na mantû maathûûku ma kîîmwîrî.

AKOROSAI 2:13

Mbereeni bwarî baakuû n'ûntû ibwarî na meeyia na bûtaarî bûkûthirua mantû maathûûku ma kîîmwîrî. Îndî îîndî Ngai nabûrekerete meeyia meenu monthe na abwaa mwoyo amwe na Kîrîstû.

AKOROSAI 3:11

Mûtûûrîreeni ûyû, gûtirî mwanya kaîrî wa Mûyaundi na ûra atarî Mûyaundi. Gûtirî kuuga ûyû n'ûmûtaane na ûyû ti mûtaane. Kana îno i nkombo na ûyû ti nkombo. Na kîthoomo ti kîo kîrî gîtûmi mûno. Kîrîstû wenka n'we arî gîtûmi na arî ndeni yetû twinthe.