Matthew 7:28 - Tangoa

²⁸ Hin rani atu Iesu mo vere harihi mo isoiso, vao atu la mar̃urahi tavera na nona vujangi,

Matthew 7:28 Iomraidhean Croise

Matthew 11:1

Iesu mara mo lo retileu isan la nona tamlohi usuri atu mo sangavulu r̃omana mo rua moiso, mo malue mo vano r̃alihi na nora taon tavera la lo toho hin jara atu vara i vujangira ale i retivujavujangira.

Matthew 19:1

Ale Iesu mara mo vere la hinau atu mo isoiso, mo malue Galilee mo unu na jara matan Judea na tavalu vano wai Jordan.

Matthew 22:33

Ale vao tavera atu lara la rongo na nona vujangi, la mar̃urahi tavera hinia.

Matthew 26:1

Iesu mara mo verea la hinau sei moiso mo verea isana nona tamlohi usuri mara,

Matthew 7:27

Tavara mo jovi, ale wai mo tavei mo mai peresi na langi r̃ilangi la vili ima atu, ale ima atu mo jovi mo maroe.”

Matthew 7:29

matan mo vujangira sohena tamlohi aulu matea, mo sopo sohena nora tamlohi vujangi mata leu.

Mark 1:22

La haratu la lo tapurongo isana, la mar̃urahi tavera na nona vujangi, matan mo sopo vujangira sohena nora tamlohi vujangi mata leu matea pani sohena tamlohi matea nona vujangi mo sopo te retiusia matana.

Mark 11:18

Pr̃is aulu peresi na tamlohi vujangi mata leu lara la rongo na sava Iesu mo vaira na Temple, la tapulo aleale malele vara la vilimateia hinia. Pani la matahuni Iesu matan tamlohi tari la lo mar̃urahi tavera na nona vujangi.

Mark 6:2

Na Sabbath matea Iesu mo tapulo vujangi na ima lotu ea, ale vao tamlohi la rongo na nona vujangi la mar̃urahi tavera lara, “Tamlohi nike mo pa lavi la hinau nike epu? Ale nona lelevosahi mo pa tai epu? La hinau mar̃urahi nike la pa pala na limana sohena sava?

Luke 19:48

pani la sopo hite te malele matan tamlohi tari la pa lo marohati hajavua mata nona retireti.

Luke 2:47

Ale tamlohi tari sei la rongoa la mar̃urahi tavera na nona lelevosahi peresi na nona r̃arami reti isara.

Luke 4:22

Ale tamlohi tari la hasohasoa, la mar̃urahi na retir̃uhu mo lo verera, ale la verea lara, “Avei, tamlohi nike enia natun Joseph teni!”

Luke 4:32

ale la haratu la rongoa la mar̃urahi tavera na nona vujangi, matan nona reti mo suiha.

Luke 7:1

Hitahun la nona titileu atu mo verea isana tamlohi, mo mele unu Capernaum.

John 7:15

Tamlohi tavera nona Jew la mar̃urahi hinia, ale lara, “Tamlohi nike, mo pa patuha sohena sava? Tea mo sopo vujangia!”

John 7:46

La r̃aramira lara, “Tea mo sopo lo vujangi i sohen tamlohi atu.”