Matthew 6:9 - Tangoa

⁹ Ale ha usiusi sohen harihi: God Tamamam na tuka, kama opoia vara tamlohi tari la sile na oloolo tavera isam mata engko ko tapu,

Matthew 6:9 Iomraidhean Croise

Matthew 10:29

Tamlohi tari la levosahia vara ha er̃i voli te vakarakara i rua na selen matea purongo. Pani mo sopo te hatelete vara i jovi na lepa Tamamim na tuka mo sopo levosahia.

Matthew 23:9

Ale ha sopo tovi te tamlohi na varama, ‘Tama’ matan Tamamim enia matelete purongo na tuka.

Matthew 26:29

Na vere kamim hinia, enau a pa sopo mele inu waen nike i tikeli pongi atu a pa mele inua peresi kamim hin mauri atu Tamaku mo supe hinia.”

Matthew 26:42

Mo mele sahe haruana vara i usiusi mara, “Tamaku, vara o sopo nar̃ihi paniken akerihi vavano a inua, o usuri na masalom.”

Matthew 5:16

Ale sohen haratu, ha vai na maurimim i memera i r̃uhu matan vara tamlohi la pa hite na nomim vavahinau r̃uhu ka lo vaira, ale la pa tahe aulu na hijan Tamamim na tuka.

Matthew 5:48

Ale matana, na lo verea vara tarea ha pa vai na hina tataholo sohen Tamamim na tuka mo tataholo r̃uhu.”

Matthew 6:14

Matan vara ha r̃omi na tinapua na nora hehe la vaia isamim, Tamamim na tuka i pa r̃omi kamim mata nomim hehe.

Matthew 6:6

Pani engko vara ko usiusi o sivo na lolo ima o pelati na matarua, ale o usiusi isan Tamam tea i sopo hiteho. Tamam mo lo hite na sava ko lo vaia hin jara luhu atu, moiso o pa lavi na nom otori matana.

Matthew 7:11

Vara kamim tamlohi hehe ka levosahi na sava otori sei mo r̃uhu vara ha pa silea isana natumim, ka levosahia moiso vara posin Tamamim na tuka mo jeu na posposi tamlohi, ale i pa sile na otori r̃uhu isan la haratu la usia.

Luke 15:18

A pa vano isan tamaku ale a verea isana vara, ‘Tata, na hehe isan tuka peresiho.

Luke 15:21

Moiso, natirihi atu mo verea isan tamana mara, ‘Tata, na hehe isan tuka peresiho. Na sopo mele tataholo vara o toviau natum.’

Luke 2:14

“Hasohaso i sahe isan God na jarana aulu jea na tuka! Ale na varama, tamata i pa toho isan la haratu God mo avulahi hinira.”

John 20:17

Iesu mo verea isana mara, “O sopo tikeliau! Na sopo lo sahe isan Tata, pani o pa verea isana noku tamlohi vara enau na lo sahe isan Tamaku enia noku God, ale enia nomim God, ale Tamamim.”

Romans 1:7

Isan la haratu tari la lo toho Rome sei God mo opoira, ale mo tovira vara la mai nona tapuhi: R̃omr̃uhu peresi na tamata non God Tamar̃a peresi Moli Iesu Kr̃isto la mai isamim.

Romans 8:15

Matan ka sopo lavi na Tanumena vara ha lo sohena slev sei la lo juhajuha mata matahu, pani ka lavi na Tanumena vara i korohi kamim sohena natuna, ale hinia, r̃a lo ulo vara, ‘Tata, Tamaku!’

Galatians 1:1

Leta nike, enau Paul na ulia, enau vahar̃ule matea, pani mo sopo na r̃omr̃omi tamlohi teni tea la vir̃oniau vara a vahar̃ule, mo vono. Iesu Kr̃isto hasena peresi God Tama la toviau, God sei mo lo sauteterahi Iesu na mateia.

Galatians 4:6

Ale matan ka natun God, enia mo r̃ule na Tanumen Natuna mo mai na lolo mapur̃a, mo vair̃a r̃a er̃i tovi God sohena, “Tata, Tamaku”.

1 Timothy 6:16

Enia hasena, mo lo toho jejeu, mo lo toho hin memera tavera atu tamlohi la sopo er̃i mai mariviti hinia, mo sopo lo tea i hitea, teni tea i er̃i hitea. Isana, r̃a pa sile na oloolo, ale enia i pa lo tauri na suiha tui tui tarea. Amen.

1 Peter 1:17

Ale sohena ka tovia Tamamim, ha lo levosahia vara enia mo sopo tametame tea na nona aria mata vavahinau nona tamlohi hatehateahi, i pa r̃uhu isamim vara ha hahau na nahona na oloolo tavera jea tarea matan nake ka lo vinano hin varama nike,

Revelation 4:11

“Nomam Moli, nomam God, mo tataholo vara o lavi na hasohaso, ale oloolo tavera peresi na nom suiha tavera, matan engko ko vai na hinau tari, ale masalom ko vaira la lo toho.”

Revelation 5:12

Ale la lo verea na leo tavera matea lara, “Natu Sipsip la vilimateia, enia mo tataholo matan vara i lavi na suiha, tavtav, lelevosahi, r̃ilangi, oloolo, hija aulu peresi na hasohaso.”