3 Moli nona pr̃is la tuvaia na retireti matuvana.
Pani moli mata pr̃is peresi na vajiahara sei la aulu lara la tuvaia hin te hinau, Iesu mo sopo r̃aramira.
Ale Pilate mo usia mara, “Engko Supe nona Jew?” Iesu mo verea mara, “Heꞌe, mo sohen ko verea.”
Pilate mo mele usi Iesu vahatea mara, “Mata sava ko sopo talaira? Ko hitea, la lo tuvaiho na hina sati matuvana!”
Pani Iesu mo sopo mele r̃aramia, ale Pilate mo mar̃urahi jea.
Hitahun haratu Pilate mo tapulo vaihite vara i teri Iesu, pani vao atu mo mele ulo aulu lara, “Vara o teri tamlohi nike, engko ko sopo tapalan supe hin Rome! Vara tea i verea vara enia supe enia mo meresahi non supe hin Rome!”
