Luke 4:18 - Tangoa

¹⁸ “Tanumen Moli mo lo toho hiniau matan enia mo vir̃oniau vara a vereuli na Retir̃uhu isana tilavono. Mo r̃uleau vara a vere na materi isan la haratu la lo taurilatira, ale vara a vai na tamlohi matavuso la kilau, ale vara a teri la haratu la lo toho na ruhuruhu tamlohi sasati,

Luke 4:18 Iomraidhean Croise

Matthew 11:5

Nake, matavuso la kilau, ale tamlohi papao la hahau, haratu lepros mo hatira la mele vokevoke, peropero la rongo, haratu la mate la turu na mauri, ale tilavono la lo rongo na Retir̃uhu. Isa 61.1

Matthew 12:18

‘O kilau vano! Noku volitusi sei enia noku vir̃oni, enia haratu na opoi jea sei mapuku mo avulahi tavera hinia. A pa tau na Tanumeku hinia, ale enia i pa vereuli na noku posposi tataholo isana tamlohi r̃or̃oha. Isa 42.1-4

Matthew 12:20

Enia i pa malum, i pa sopo kame te ere sei mo mahope moiso, teni i pa sopo vuni te vara kandeli, i tikeli pongi atu vara i pa vaitataholoi na hinau tari,

Matthew 4:16

la tamlohi atu la lo toho hin r̃or̃oha tavera atu la hite na malarani tavera atu, ale merana mo sasarami la haratu la lo toho na jara r̃or̃oha mata mateia.’ Isa 9.1-2

Matthew 5:3

“Avulahi r̃uhu isan la haratu la lo kilau isan God hasena mata hinau tari, matan mauri atu God mo supe hinia i pa nora.

Luke 4:17

ale la silea hin viriviri pepa atu sei Isaiah mo lo ulia, mo vuhesia ale mo vano hin jara atu sei mo opoia vara i evia, ale mo verea mara,

Luke 6:20

Iesu mo tar̃a sahe isana nona tamlohi usuri mo verea mara, “Avulahi isamim sei ka tilavono, matan mauri atu God mo aulu hinia enia nomim.

Luke 7:22

Ale Iesu mo r̃aramira mara, “Ha vano ha vere John na sava ka hitea, ale ka rongoa: matavuso la mele kilau, tamlohi papao la hahau, tamlohi lepros la vokevoke, peropero la rongo, haratu la mate la mauri, ale la haratu la tilavono la rongo na Retir̃uhu.

John 1:41

Hinau tiroma Andrew mo vaia mo vano vara i ale tavaina Simon vara i verea isana vara, “Kama hite tamlohi atu, enia natu pa Tamlohi Jujuri atu!” Tamlohi Jujuri na leon tavtavuin Israel r̃aramina enia ‘Kr̃isto’ na leo mara Greek.

John 12:46

Enau na mai na varama sohena malarani vara tamlohi tari la rasuau, la pa sopo mele toho na r̃or̃oha.

John 3:34

Matan God mo r̃ule Natuna vara i vere na nona reti, matana, mo sile vevuhi na suiha Tanumena isana.

Acts 10:38

hin Iesu mara Nazareth sei God mo vir̃onia na Tanume Tapu ale peresi na suiha. Enia mo hahau r̃alihi mo lo vai na hina r̃uhu, mo vai na rojoa la tihai hin la haratu tiapolo mo lo vailejlejira matan God mo lo toho peresia.

Acts 26:18

matan vara o pa roi na matara vara la pa vahar̃i na r̃or̃oha la mai na malarani, ale vara la malue na suihan Setan la mai isan God matan vara i er̃i r̃omi na nora hehe, ale la pa lavi na r̃ungara peresi la haratu sei God mo tapuhira mata nora rasua hiniau.’

Acts 4:26

Matan supe mata varama la turu jara matea, ale tamlohi aulu la matavuhi jara matea, matan vara la turuleji hin Moli God peresi na nona Kr̃isto.’ Psa 2.1-2

Acts 4:27

Matan Herod enia Pontius Pilate, peresi na tamlohi r̃or̃oha, peresi na tavtavuin Israel la matavuhi jara matea hin taon tavera nike, la turuleji hin nom volitusi tapu Iesu, haratu ko vir̃onia mata juri na tamlohi.

Colossians 1:13

God enia mo jurir̃a na suihan r̃or̃oha, ale mo lavir̃a r̃a mai hin mauri atu non Natuna sei God mo aulu hinia,

James 2:5

La voraiku peresi na vevoraiku r̃uhur̃uhu, ha tapurongo isaku, God mo vir̃oni la haratu la tilavono na varama vara la pa tavtav na nora rasua, ale la pa lavi mauri atu God mo aulu hinia sei mo retitauhi hinia moiso isan la haratu la opoia.

1 Peter 2:9

Pani kamim vao tamlohi matea God mo vir̃oni kamim isana vao tamlohi tinatinapua, ka vao pr̃is matea la supe, ka vao tamlohi tapu matea, ka vao tavera matea God mo tapuhi kamim vara nona, matan vara ha pa vereuli na nona vavahinau r̃uhur̃uhu matuvana, enia mo tovi kamim ka malue na r̃or̃oha, ale ka mai na nona malarani r̃uhur̃uhu.