Luke 20:17 - Tangoa

¹⁷ Pani Iesu mo kilau vano tataholo isara mo verea mara, “Vara mo vono, r̃aramin reti sei la ulia tuai enia sava lara, ‘Vatu atu, tamlohi voro na ima la tipahia mo mai pulo vatu atu mata ima’? Psa 118.22

Luke 20:17 Iomraidhean Croise

Matthew 21:42

Iesu mo verea isara mara, “Enjora, ka sopo lo evi hinau nike na Retitapu hin te rani? ‘Vatu atu tamlohi voro ima la lo tipahia, enia mo mai tapulo pulo vatu mata ima, haranike Moli God mo vaia, ale mo r̃uhu jea matan r̃a er̃i hitea.’ Psa 118.22-23

Mark 10:23

Iesu mo kilau r̃alihi, ale mo verea isana nona tamlohi usuri mara, “I pa r̃ilangi isan la haratu la tavtav vara la unu hin mauri atu God mo aulu hinia.”

Mark 12:10

Varar̃uhu, ka sopo lo evi hinau nike na Retiulia? ‘Vatu atu tamlohi voro ima la lo tipahia, enia mo mai tapulo pulo vatu mata ima.

Mark 3:5

Iesu mo kilau r̃alihira na lolokoru, matan mapura mo r̃ilangi, ale mo verea isan tamlohi lima kuti atu mara, “O r̃irahi na limam.” Tamlohi atu mo vaia sohena ale limana atu mo mele r̃uhu.

Luke 19:41

Iesu mara mo pa lo mai mariviti ale mo hite taon tavera atu Jerusalem, mo tangisia,

Luke 22:37

Matan na verea isamim vara Retitapu nike i pa masese hiniau sei mo vara, ‘La evia peresi la haratu la lo tope na leu’. Matan sava la ulia mataku i pa masese.”

Luke 22:61

Ale Moli mo posi mo kilau vano isan Peter, ale Peter mo mele r̃omr̃omi na sava Moli mo verea isana mara, “Toa i sopo lo tarere, o pa vunvuniau vaha tolu.”

Luke 24:44

Ale Iesu mo verea isara mara, “Reti nike enira noku reti sei na pete verea moiso isamim hin rani atu na pa lo toho peresi kamim, vara hinau tari sei la ulia na Leu non Moses peresi na Retiulia nona pr̃ovet peresi na puku non psalms la pa masese.”

John 15:25

Pani matan sava la pete ulia na nora leu moiso i pa masese, ale mo verea mara, ‘Tamlohi la r̃ohu tavera hiniau, pani mo sopo matan te hinau’. Psa 35.19; 69.4

Acts 4:11

Iesu akerihi natu enia, ‘Vatu atu kamim tamlohi voro ima ka tipahia, enia mo mai pulo vatu mata ima.’ Psa 118.22

Ephesians 2:20

Enr̃a r̃a imana, r̃a lo turu na pulon ima sei God mo vaia na nona vahar̃ule peresi na pr̃ovet matan nake, ale Kr̃isto Iesu natu enia pulo vatu matan ima atu.

1 Peter 2:6

Matan Retitapu mo lo verea vara, ‘Ka hitea, enau na lo tau na vatu matea hin Zion, enia tapulo pulo vatu sei na vir̃onia, mo r̃uhur̃uhu jea, ale sava tamlohi mo tau na nona rasua hinia, r̃omina i pa sopo er̃i jovi hin te pongi matana.’ Isa 28.16