Luke 2:14 - Tangoa

¹⁴ “Hasohaso i sahe isan God na jarana aulu jea na tuka! Ale na varama, tamata i pa toho isan la haratu God mo avulahi hinira.”

Luke 2:14 Iomraidhean Croise

Matthew 21:9

Ale vao tavera atu la vano tiroma hinia peresi la haratu la lo usuria, la lo uloulo tavera lara, “Hasohaso God, matan natun David!” “‘Ale ler̃uhu hinia sei mo lo mai na hijan Moli God!’” Psa 118.26 “Hasohaso i sahe isan God na tuka sei mo aulu jea!”

Luke 1:79

vara i mera isan la haratu la lo toho na r̃or̃oha, ale na liman mateia, matan vara i tiromar̃a na malele mata tamata.”

Luke 19:38

“Avulahi isan supe atu mo lo mai na hijan Moli. Tamata i toho na tuka ale oloolo tavera i vano isan God Aulu Jea!”

Luke 2:13

Ale, la pa hutura, vao angelo vuro na tuka la pala vahatea na har̃in pa angelo atu, ale la lo hasohaso God lara,

Luke 2:15

Na rani la angelo atu la malue isara la sahe na tuka, la tavui sipsip atu la lo vereverea isara lara, “Ale r̃a vano, r̃a vano Bethlehem vara r̃a hite hinau sei Moli God mo lo verer̃a hinia.”

Luke 3:22

ale Tanume Tapu mo sinai atano sohena vomahe matea, ale mo tau hinia; ale leon matea mo tai na tuka mara, “Engko Natuku r̃uhur̃uhu jea, enau na avulahi tavera jea hiniho.”

John 14:27

Na lo sile kamim na tamata, noku tamata atu, enau haseku a er̃i silea, mo sopo sohena tamata varama nike i er̃i silea. Ale ha sopo r̃omkaka, ha sopo matahu.

John 17:4

Enau na vujangi la tamlohi nike na varama vara nom r̃uhur̃uhu mo sohena sava matan na vai vevuhi na hinau tari ko lo taura isaku vara a vaira.

John 3:16

Matan God mo opoi na tamlohi na varama sohen harihi: mo sile Natuna sei enia vorahese, vara sava tamlohi mo rasua i pa sopo vano na komo, pani i pa lavi na mauri tui.

Acts 10:36

Ale ka levosahi retisohai atu sei mo lo silea isana tavtavuin Israel, mo retivujavujangi na Retir̃uhu mata tamata hin Iesu Kr̃isto enia Moli nona tamlohi tari.

Romans 5:1

Ale matan nake r̃a tataholo moiso na nahon God na rasua, r̃a toho na tamata peresi God hin nor̃a Moli Iesu Kr̃isto.

Ephesians 1:6

Matan haratu, r̃a hasohaso God matan nona r̃omr̃uhu tavera sei mo sureia hinir̃a, matan enr̃a non Natuna sei mo opoia mo tavera jea.

Ephesians 1:9

God mo vaia hin haratu mo vuhesia na jara tavera. Mo vuhesi na nona hina luhu mata masalona usuri na nona r̃omavulahi sei mo taua hin Kr̃isto,

Ephesians 2:4

Pani God, na nona r̃omopoia tavera jea, mo opoir̃a mo tavera jea,

Ephesians 2:7

mo vaia matan vara hin la pongi sei la pa mai, i pa vujangia vara nona r̃omr̃uhu mo tavera jea sohena sava isar̃a usuri na nona r̃omr̃uhu tari hinir̃a hin Kr̃isto Iesu.

Philippians 2:11

ale meme tari la pa taviti vara Iesu Kr̃isto enia Moli, hasohaso tari i pa sahe isan God Tamar̃a matana.

Philippians 2:13

matan God hasena sei mo lo vavahinau hin kamim, mo vai kamim vara ha avulahi vara ha vavahinau i usuri na sava mo opoia.

Colossians 1:20

ale hinia, God mo sari tamata na hinau tari na tuka peresi na varama na r̃aena na nona talopeilopei matan vara la pa toho na ruhuruhuna.

2 Thessalonians 2:16

Ale nor̃a Moli Iesu Kr̃isto hasena, God Tamar̃a sei mo opoir̃a, ale na nona r̃omr̃uhu mo siler̃a na nanau matan tui tui peresi na r̃omtoho r̃uhu,

Revelation 5:13

Ale na rongo na hinau tari la lo mauri na tuka, na varama, na lolo varama, ale na tasi, ale hinau mo isoiso sei la lo toho hinira, la lalavete isan la tupra rua atu lara, “Isan haratu sei mo lo sakele na jara sakele non supe, peresi Natu Sipsip, la pa avulahi r̃uhu, ale la pa lavi na hasohaso, peresi na hija aulu, peresi na suiha tavera tarea mata rani tui tui tarea!”