Taitus 3:5 - A Turoxoian Fa'ui Sina Piran

⁵ Nane pife vil malaane senaso taara fo vil a maana faisok roxo, piau. Nane vil malaane senaso nane muluk netaara. Nane fakaxup netaara pana Vovau Xaradak lana fasufan aava tavai netaara pana luluuxan fa'ui e toyan fa'ui.

Kara

⁵ Nane pife vil malaane senaso taara fo vil a maana faisok roxo, piau. Nane vil malaane senaso nane muluk netaara. Nane fakaxup netaara pana Vovau Xaradak lana fasufan aava tavai netaara pana luluuxan fa'ui e toyan fa'ui.

Taitus 3:5 Iomraidhean Croise

Matiu 3:11

“Ne fasuf nami pana raarum senaso mi puk a lamonan simi. Taasaxa, saxa i taa savat la miak e a gutan sina a molava sega e senaso nenia, ne mataa palau paaliu ne pife fexaxaas sena tao a ʻslipaʼ sina. Nane xo i taa fasuf nami pana Vovau Xaradak e fata.

Luuk 1:50

Nane tiuan a mamaaluxan sina xuluna mu rabuna aava ri suai faagut sena, a mu rabuna xapiak lana mu yaan xapiak.

Luuk 1:54

E malaan sena kuus fanaian sina, nane fo xavang a sisiak sina aava na Israel. E nane lamon fa'uli na Abrahem e mu buna xapiak pana mamaaluxan sina.”

Luuk 1:72

Nane xa a kuus o i taa muluk a mu butaara e i taa lamon fa'uli a turoxoian taap sina aava nane kuus fanai pana xe sina butaara, na Abrahem. Nane kuus o i taa fakaxup netaara xasena xaiyaas sitaara talo taara taa savat sisiak sina lana roxoyan e xaradaxan la maana yaan xapiak sitaara e taara taa pife mataut.

Luuk 1:78

A Piran sitaara a bas pana mamaaluxan e fananapan. Nane vil famatavas a texaasan ina fakaaxupan talo nari aava ri taagul lana bina ina maatan, ri taa tamulus sena, xena sangas la matavas aava savat ti laa'ui la xunavata. Nane taa vil malaane xena paamuian netaara xe lana salan ina luaian.” Nabe' ve a yanganan si Sekaraia.

A Si Pol Lagasai Xe Sina Mu Rom 11:6

E tamo Piran a siak fati nari sena mamaaluxan sina, taara texaas o a pife siak fati nari senaso ri usi fatak a mu vuputkai. Taasaxa tamo a siak fati nari sena usiaana vuputkai, taara taa pife kuus o a xakaavangan xatam sina Piran a xavang netaara.

A Si Pol Lagasai Xe Sina Mu Rom 12:2

E vaxa, muta usi a vilaana sina rabuna aava ri pife namkai sena Piran. Pana xakaavangan ina Vovau Xaradak, xul fatak a lamonan simi talo ri tafe fa'ui xapiak. Tamo mi usi a salan aanabe' mi taa texaas sena so ta mo a Piran a vubuk rao mi taa vile. E a vubuxanan sina a roxo xasingit e i taa faamamaas layaan mi vile. Mi texaas o a so ta mo i taa xuus nami o mi taa vile, a mo aave a fatak mon.

A Si Pol Lagasai Xe Sina Mu Rom 3:20

E voxo a vubuxanan sina Piran a matavas, pi ta mataa i taa tigina fatak la matana sena usiaana vuputkai sina. Piau, a vuputkai a faxalit fa'uli netaara pana saatan sitaara.

A Si Pol Lagasai Xe Sina Mu Rom 3:28

Lavaxa, taara kuus malaanabe': a mataa a tigina fatak la matana Piran senaso a namkai se Yesus e pife sena usiaana vuputkai.

A Si Pol Lagasai Xe Sina Mu Rom 4:5

A mataa aava Piran xa a xalie pana mataa fatak, nane pife faisok soxote. Taasaxa, a lisan tuunei nane xa xe sina Piran aava fatiginei fatak a mataa saat la matana sena namkaian sina.

A Si Pol Lagasai Xe Sina Mu Rom 9:11

Taasaxa paamuina luxaana lua aave layaan nare, re pife vil a mo roxo o saat lunai, a Piran xo fo lamon faati o i taa fakalimaan a saxa lak xena waan la pabung sina e pife nare xapiak.

A Si Pol Lagasai Xe Sina Mu Rom 9:16

A malaanabe': layaan a Piran a siak fati a saxa, nane pife vile sena vubuxanan o faisok sina mataa aave, piau, nane vile sena mamaaluxan sina xa.

A Si Pol Lagasai Xe Sina Mu Rom 9:30

Lavaxa, taara taa kuus panaso? Taara taa kuus o a mu rabuna aava ri pife Juda, ri pife seng a salan xena tigina fatak la matana Piran taasaxa ri tingine layaan a Piran a fatiginei fatak nari senaso ri namkai se Krais.

1 Korin 6:11

Saxanofuna la palou imi mi fo waan malaan. Taasaxa Vovau sina Piran fo xamak tapin a vilaana saat simi e a fanei patak nami xana Piran e a fatiginei fatak nami lapaana isi Memai Yesus Krais.

Efasis 2:4

Taasaxa Piran aava bas paaliu pana mamaaluxan, a vubuxan xasingit netaara

Efasis 4:23

Taasaxa, mi taa timin patak a maana mo ti paamua talo mi taa savat fa'ui lana fufuna lamonan simi

Efasis 5:26

xena siak patak nari: nane xamak tapin a lalosaat siri pana raarum e pana ferawaian

Kolaasi 3:10

e mi falak a mu vilaana e vubuxanan fa'ui e voxo mi fo savat mataa fa'ui naboxo. A vilaana aanabe' fuuna lo fasavat a masaman fa'ui talo mi taa texaas o a Piran aava vesan nami, i taxa lo faisok la toyan simi xena timin a vavena la xunus imi.

Taitus 3:4

Taasaxa, layaan a fangaasixan e vubuxan xasingitan xatam sina Piran aava Nges Ina Vil Fatato sitaara, a savat, nane fakaxup netaara.

Hibru 10:22

E taara taa falet faasilak xe sina Piran pana lamonan tuuna e namkaian fatak, e pana xunus itaara saxa saxa aava ri tamulus sena nasaman vupuno e a mu vipin sitaara fo fasufan pana raarum roxo e fatak.

Hibru 4:16

Lavaxa, taara taa tao fatateak a namkaian sitaara e taara taa fe savat la nona ivin lava sina Piran lana nobina ina xakaavangan xatam. E pave i taa tiuan a mamaaluxan sina xulutaara e taara taa siak a xakaavangan xatam xena xavang netaara lana yaan ina lagafan.

Hibru 6:6

e mui ri ta'ulan a namkaian siri, a pife fexaxaas paaliu o ri taa lisan fa'uli nari xena puk fulan a xunus iri. Senaso layaan ri vil malaane ri taxa niil fataxutan a Natuna Piran fulaa e ri taa famangile la matana mu rabuna.

1 Pita 1:3

Taara taa kuus faasiroxo xe sina aava Piran e Tama Yesus Krais, a Memai sitaara! Lapaana mamaaluxan molava sina nane fo tavai netaara pana luluuxan fa'ui e voxo taara taxa waan pana lamon fanaian ina toyan vulai. E nane vil malaane layaan nane fatatoi fa'uli na Yesus Krais ti lana mamaat.

1 Pita 2:10

Paamua mi pife mu rabuna sina Piran, taasaxa naboxo nane fo fa'isin nami pana rabuna sina; paamua mi pife texaas sena mamaaluxan sina Piran, taasaxa naboxo mi fo masame e mi taxa taagul lapaana mamaaluxan aave.

1 Pita 3:21

A raarum va saxa fakalimaanan aava faxalit netaara pana fasufan aava vilaana ina fakaxupaan nami. A fasufan aanabe' pife ina vil tapin a vusiit la tami, piau. Taasaxa pana fasufan aanabe' mi taxa kuus fanai lapaana Piran pana namkaian simi e sena nanasam roxo simi. A vilaana aanabe' i taxa fakaxup nami lapaana to fa'ulaian si Yesus Krais.