A Si Pol Lagasai Xe Sina Mu Rom 8:36 - A Turoxoian Fa'ui Sina Piran

³⁶ Lana Xakalayan Taap na Devit aava ʻkingʼ lava, a ferawai pana maana buk lagafan aave layaan a ferawai xe sina Piran malaan: “Piran, senaso nemaam ve maam mu rabuna siim, a maana rabuna aava ri baian nano ri vubuk ngaapunuk nemaam. E ri lamon o maam malaan sena mu sipsip aava xena punuxaana.” Yanganan 44:22.

Kara

³⁶ Lana Xakalayan Taap na Devit aava ‘king’ lava, a ferawai pana maana buk lagafan aave layaan a ferawai xe sina Piran malaan: “Piran, senaso nemaam ve maam mu rabuna siim, a maana rabuna aava ri baian nano ri vubuk ngaapunuk nemaam. E ri lamon o maam malaan sena mu sipsip aava xena punuxaana.” Yng 44:22

A Si Pol Lagasai Xe Sina Mu Rom 8:36 Iomraidhean Croise

A Lagasai Roxo Na Jon A Xaleie 16:2

A rabuna ri taa ti votan nami sena mu lifu ina faxuvulan. Tuuna paaliu a yaan i taa savat layaan ta mataa aava i taa punuk nami i taa lamon o nane taxa vil a faisok fatak ina lotu sina.

Faisok 20:24

Taasaxa ne pife muluk a toyan siak, ne vubuk mon o ne taa fataxapin a faisok siak aava Memai Yesus a tavaiau pana, a faisok ina ferawai xakaavang sena Lagasai Roxo ina xakaavangan xatam sina Piran.

Faisok 8:32

A mataa Itiopia ve i taxa kat a paxakalayan sina Piran aanabe': “Nane malaan sena sipsip aava waan kasam layaan ri lisane xe lana bina ina punuxaana o malaan sena sipsip aava waan kasam layaan ri taxa sapiit a fui ina.

1 Korin 15:30

E tamo piau ta to fa'ulaian ti la maatan xenaso nemaam, maam taxa tigina vulai lana mu lagafan sena kuusan fasavat a to fa'ulaian aanabe'.

1 Korin 15:31

Mu fetinan, ne kuus tuuna, a maana yaan xapiak a maatan rao i siaxau. Taasaxa lana xuvulaian xuvul pa Krais Yesus, a Memai sitaara, ne lamon falalava semi.

1 Korin 4:9

Ne lamon o a Piran fo tavai nemaam, mu yaamut sina, pana nobina fataxapiak la sangasan ina vuktol sina. E maam taxa waan pave malaan sena mataa vipis aava ri taa punuxe la matana mu rabuna xapiak e mu angelo.

2 Korin 1:9

Tuuna, la xunus imaam a malaan se' maam taa maat. Taasaxa savat malaanabe' talo maam taa pife timin fanei a toyan simaam lapaana gutan simaam xa taasaxa lapaana gutan sina Piran aava fuuna fatatoi fa'uli a mu mamaat.

2 Korin 11:23

Nari, ri mu sisiak si Krais, bo? (A ferawaian aanabe' a ferawaian sina mataa ngong.) Nenia vaxa ne fo faisok faagut sena xasanofuna; ne fo waan faaxaves la bina ina vipisan sena xasanofuna; ri fo inis faagutanau faaxaves seri e a maana yaan xaves faasilak rao ne maat.

2 Korin 6:9

Saxano rabuna ri kuus o nemaam ve maam rabuna palau, taasaxa rabuna la mu bina xapiak xo ri texaas semaam; maam taxa maat la vipin simaam, taasaxa maam taxa to lunai. Ri sip pengan nemaam, taasaxa ri pife punuk nemaam;

Filipai 3:10

Ne vubuk o a texaasan se Krais i taa waan la lamonan siak taasaxa ne vubuk tuuna o a gutan si Krais aava Piran a fatatoi fa'ulie ti la maatan pana, i taa faisok lana toyan siak e vaxa ne taa waan xuvul pana lana maasaxan sina. E ne buk savat malaan sena lana maatan sina.