A Si Pol Lagasai Xe Sina Mu Rom 5:19 - A Turoxoian Fa'ui Sina Piran

¹⁹ Senaso layaan na Aadam a langai pesalai sena Piran, a mu rabuna xapiak ri savat rabuna fafaasaal. E vaxa layaan a mataa saxa, na Krais, a langai a Piran, a mu rabuna xaves ri savat rabuna fatak la matana Piran.

Kara

¹⁹ Senaso layaan na Aadam a langai pesalai sena Piran, a mu rabuna xapiak ri savat rabuna fafaasaal. E vaxa layaan a mataa saxa, na Krais, a langai a Piran, a mu rabuna xaves ri savat rabuna fatak la matana Piran.

A Si Pol Lagasai Xe Sina Mu Rom 5:19 Iomraidhean Croise

A Si Pol Lagasai Xe Sina Mu Rom 11:32

Lavaxa, a Piran a kuus o a mu rabuna xapiak ri vupuno senaso ri langai pesalai sena. A maana mo aanabe' a savat talo i taa muluk a mu Juda e nari aava ri pife Juda sait.

A Si Pol Lagasai Xe Sina Mu Rom 5:12

Lavaxa, senaso a butaara lava, na Aadam, a langai pesalai sena Piran, a vilaana saat maa savat la xavala e a maatan xuvul pana. E malaanabe' a maatan a savat sina mu rabuna xapiak senaso nari xapiak ri fo faasaal.

A Si Pol Lagasai Xe Sina Mu Rom 5:15

Taasaxa, a tatavaian aava fakaxupan, pife malaan sena faasaalan aave. Senaso tamo a mu rabuna xapiak ri maat sena faasaalan si Aadam, lamon pana so ta mo a tiu fasoliuan xuluna rabuna xapiak sena xakaavangan xatam sina Piran e a tatavaian aava savat se Yesus Krais.

A Si Pol Lagasai Xe Sina Mu Rom 5:18

Lavaxa, a tiisan sena faasaalan saxa mon a kuus o mu rabuna xapiak ri vupuno e ri taa maat e a vilaana fatak saxa mon a fatiginei fatak a rabuna e tavai nari pana toyan tuuna.

2 Korin 5:21

Xena xavangaan netaara, a Piran a timin a mu vilaana saat sitaara xulu Krais aava piau ta lalosaat la toyan sina e voxo lana xuvulaian sitaara xuvul pana i taa timin a xaradaxan sina sait xulutaara.

Efasis 1:6

E layaan nane vil malaane, a faxalit famatavas a xakaavangan xatam sina e a xakaavangan xatam aave a tavaie pana isin lava paaliu. Aang, nane fo tavai faxavesan netaara aava taara waan la xuvulaian xuvul pa Natuna, pana xakaavangan xatam aave.

Filipai 2:8

Nane pife bilai malaan sena matalava taasaxa nane fatapal nane xa pana langai faroxo vulai fefexaxaas a yaan ina maatan sina - a maatan xuluna bolo.