A Si Pol Lagasai Xe Sina Mu Rom 4:21 - A Turoxoian Fa'ui Sina Piran

²¹ E lana xunus ina nane texaas tuuna o a Piran a toxan a gutan xena fasavat famatavasaana kuus fanaian sina.

Kara

²¹ E lana xunus ina nane texaas tuuna o a Piran a toxan a gutan xena fasavat famatavasaana kuus fanaian sina.

A Si Pol Lagasai Xe Sina Mu Rom 4:21 Iomraidhean Croise

Matiu 19:26

Na Yesus a kaalum fatak xe siri e sui nari, “A mataa pife fexaxaas sena vil a mo aanabe' taasaxa Piran a fexaxaas sena vil a maana mo xapiak.”

Luuk 1:1

A maana rabuna xaves ri fo kala sena maana mo aava Piran fo fasavate la matavas la palou itaara.

Luuk 1:37

Piau ta mo a Piran pife fexaxaas sena vile.”

Luuk 1:45

Nano, no fo namkai o a lagasai sina Memai xe siim i taa savat tuuna e voxo no taa faamamaas.”

A Si Pol Lagasai Xe Sina Mu Rom 14:4

A malaanabe': nano nase' e no taa tiis a sisiak sina saxa mataa? A mataa tafuna xa i taa xuus a sisiak sina o nane taxa tigina faroxo o fo poxo. E i taa tigina faroxo senaso na Memai Yesus sitaara a fexaxaas sena fatigineie.

A Si Pol Lagasai Xe Sina Mu Rom 14:5

Saxa mataa a lamon o saxa yaan a pemamolava sena xasa yaan. E saxa fulaa a lamon o a mu yaan xapiak ri fexaxaas. Taasaxa mu rabuna saxa saxa ri taa lamon faati pana so ta mo a roxo xari.

A Si Pol Lagasai Xe Sina Mu Rom 8:38

Senaso ne texaas tuuna o a maatan o mu lagafan naboxo la toyan, ri taa pife tivotan a vubuxan xasingitan si Krais xataara. E piau ta saxa a fexaxaas sena tivotan a vubuxan xasingitan sina, pi ta angelo o masalai. E tamo a lagafan taa savat monabe' mon o muibak e so ta buk gutan a savat ri taa pife tivotan a vubuxan xasingitan sina.

2 Korin 9:8

E a Piran a fexaxaas sena tiu fasoliuan a xakaavangan xatam sina xulumi talo la maana mo xapiak e la maana yaan xapiak mi taa toxan a maana mo xaves fexaxaas xena xavang nami. E voxo mi taa vil a maana buk faisok roxo.

2 Timoti 1:12

A maana faisok aave a fufuna maasaxan siak. Taasaxa ne pife mangil sena Lagasai aanabe' senaso ne namkai sena saxa aava fasavate e ne texaas tuuna o nane xa a fexaxaas sena faxatang faroxoi a maana mo aava nane turoxoian lisane xe siak fefexaxaas a yaan lava.

Hibru 11:13

E lapaana namkaian siri a maana mu rabuna aave ri fo maat. Ri pife siak tuunei a maana mo xapiak aava Piran fo kuus fanai pana taasaxa ri fo xalum a maana mo aave pevaxa i taxa filimaan e ri faamamaas pana savatan siri e ri kuus o nari xa ri mu topen e mu saxong mon nabe' la xavala.

Hibru 11:19

Na Abrahem a lamon o a Piran a fexaxaas sena fatatoi na Aisaak ti la mamaat. E lana saxa vilaana ina ferawaian paap a tuuna, na Abrahem fo siak fa'uli na Aisaak ti la maatan.