A Si Pol Lagasai Xe Sina Mu Rom 3:27 - A Turoxoian Fa'ui Sina Piran

²⁷ Lavaxa, taara taa ferawai malalava panaso? Piau ta mo senaso a vilaana sina Piran fo tubuxe. A so ta vilaana fo tubuxe? A vilaana ina usiaana vuputkai, bo? Piau, piau paaliu. Taasaxa, a vilaana ina namkaian.

Kara

²⁷ Lavaxa, taara taa ferawai malalava panaso? Piau ta mo senaso a vilaana sina Piran fo tubuxe. A so ta vilaana fo tubuxe? A vilaana ina usiaana vuputkai, bo? Piau, piau paaliu. Taasaxa, a vilaana ina namkaian.

A Si Pol Lagasai Xe Sina Mu Rom 3:27 Iomraidhean Croise

Maak 16:16

Nase' ta mataa i taa namkai sega e i taa fasufan, nane ve, ne taa fakaxupe. Taasaxa nase' i taa pife namkai sega a toxan a fakasanaman xana.

A Lagasai Roxo Na Jon A Xaleie 3:36

Nase' ta mataa i taxa namkai se Natuna a toxan a toyan vulai, taasaxa nase' ta mataa i taa baian a Natuna i taa pife siak a toyan senaso a maraleian sina Piran taa waan xuluna mataa aave.”

A Si Pol Lagasai Xe Sina Mu Rom 10:5

Lavaxa, a mu Juda ri pife masam sena salan sina Piran e ri pife masam faroxo sena fepitaian si Moses layaan na Moses a ferawai pana usiaana mu vuputkai. Nane kuus malaan: “Nane aava usi fatak a mu vuputkai xapiak sina Piran i taa siak a toyan sena.” Vilaana sina mu Priis 18:5.

A Si Pol Lagasai Xe Sina Mu Rom 11:6

E tamo Piran a siak fati nari sena mamaaluxan sina, taara texaas o a pife siak fati nari senaso ri usi fatak a mu vuputkai. Taasaxa tamo a siak fati nari sena usiaana vuputkai, taara taa pife kuus o a xakaavangan xatam sina Piran a xavang netaara.

A Si Pol Lagasai Xe Sina Mu Rom 2:17

E nami aava mi xali nami xa pana Juda: mi lamon o mi taa tigina fatak la matana Piran senaso mi toxan a vuputkai sina e mi ferawai malalava o nami mu Juda sang mon, mi rabuna sina Piran, bo?

A Si Pol Lagasai Xe Sina Mu Rom 2:23

A tuuna, mi ferawai malalava o mi toxan a vuputkai sina Piran taasaxa layaan mi langai pesalai sena mi famangil a Piran.

A Si Pol Lagasai Xe Sina Mu Rom 3:19

Naboxo, taara texaas o a Piran a tavai nemaam mu Juda pana maana vuputkai sina xena paamuian nemaam. E voxo pi ta mataa paaliu a fexaxaas sena kuus vof a vilaana saat sina la matana Piran senaso nari xapiak ri vil a saat e ri taa tigina kasam layaan a Piran i taa tiis nari.

A Si Pol Lagasai Xe Sina Mu Rom 3:26

Nane vil malaane xena faxaalit o a tiisan sina tanin a fatak sait e voxo nane ve a Piran ina Tiisan Fatak aava fatiginei fatak a mu rabuna aava ri namkai se Yesus.

A Si Pol Lagasai Xe Sina Mu Rom 4:2

Tamo a tuuna o na Abrahem a tigina fatak la matana Piran sena maana mo nane fo vile, naak na Abrahem a toxan a mo xena ferawai falalava pana, bo? Taasaxa, piau, pife roxo i taa ferawai falalava pana faisok sina la matana Piran.

A Si Pol Lagasai Xe Sina Mu Rom 7:21

Lavaxa, a fufuna vilaana aanabe' taxa faisok: layaan ne buk vil a mo roxo ne fuuna fasavat a mo mosaat.

A Si Pol Lagasai Xe Sina Mu Rom 7:23

taasaxa ne texaas o a xasa fufuna taxa faisok la vipin siak e taxa kawaasan a vubuxanan siak xena usi a vuputkai sina Piran e voxo ne malaan sena mataa vipis xe sina vubuxanan saat ina vipin siak.

A Si Pol Lagasai Xe Sina Mu Rom 7:25

Ne kuus faasiroxo xe sina Piran senaso na Yesus Krais aava Memai sitaara, nane xa i taa xavang netaara. E voxo nenia, la xunus iga, ne yaasok sina vuputkai sina Piran taasaxa lana vipin siak ne yaasok sina vuputkai aava fasavat a vilaana saat.

A Si Pol Lagasai Xe Sina Mu Rom 8:2

senaso lana xuvulaian xuvul pa Krais Yesus a Vovau ina Toyan Tuuna a mulus tapin netaara sena vuputkai aava fasavat a vilaana saat e a maatan.

A Si Pol Lagasai Xe Sina Mu Rom 9:11

Taasaxa paamuina luxaana lua aave layaan nare, re pife vil a mo roxo o saat lunai, a Piran xo fo lamon faati o i taa fakalimaan a saxa lak xena waan la pabung sina e pife nare xapiak.

A Si Pol Lagasai Xe Sina Mu Rom 9:31

Taasaxa mu Israel aava ri fuuna faisok faagut pana usiaana vuputkai sina Piran talo ri taa faxaalit o nari, ri rabuna roxo, ri seseng e ri seng maat.

A Si Pol Lagasai Xe Sina Mu Rom 9:32

Xenaso a mu Juda ri seng maat? Ri pife tingine senaso ri lamon o nase' ta mataa a usi xapin a vuputkai a fexaxaas sena tigina fatak la matana Piran e ri pife namkai e voxo ri sopitai sena “faat ina sopitaian”.

1 Korin 4:7

Nase' tavai nami pana isin lava? A Piran xo tavai nami pana maana mo mi toxane, bo? Lavaxa, xenaso mi taxa malalava malaan se' mi fo faisok faagut xena siaxaana?

Galesia 3:22

Taasaxa, a Xakalayan Taap a kuus o a xavala xapiak a pisan lapaana vilaana saat talo a maana mo ina kuus fanaian aava savat sena namkaian se Yesus Krais, i taa savat siri aava ri namkai.