A Si Pol Lagasai Xe Sina Mu Rom 3:20 - A Turoxoian Fa'ui Sina Piran

²⁰ E voxo a vubuxanan sina Piran a matavas, pi ta mataa i taa tigina fatak la matana sena usiaana vuputkai sina. Piau, a vuputkai a faxalit fa'uli netaara pana saatan sitaara.

Kara

²⁰ E voxo a vubuxanan sina Piran a matavas, pi ta mataa i taa tigina fatak la matana sena usiaana vuputkai sina. Piau, a vuputkai a faxalit fa'uli netaara pana saatan sitaara.

A Si Pol Lagasai Xe Sina Mu Rom 3:20 Iomraidhean Croise

A Si Pol Lagasai Xe Sina Mu Rom 2:13

E fulaa, a mataa i taa pife tigina fatak la matana Piran tamo i taa langai mon pana vuputkai aave. Taasaxa nane aava langaie e usi vulane, nane mon i taa tigina fatak la matana Piran.

A Si Pol Lagasai Xe Sina Mu Rom 3:28

Lavaxa, taara kuus malaanabe': a mataa a tigina fatak la matana Piran senaso a namkai se Yesus e pife sena usiaana vuputkai.

A Si Pol Lagasai Xe Sina Mu Rom 4:13

Lavaxa, lumua, a Piran fo kuus fanai xe si Abrahem e a mu yaya sina o lumui nane taa mataa tafuna maana mo xapiak. A pife kuus fanai pana senaso na Abrahem a usi fatak a mu vuputkai, piau. Nane kuus fanai pana senaso na Abrahem a namkai.

A Si Pol Lagasai Xe Sina Mu Rom 4:15

senaso a vuputkai a lisanmaan a maraleian sina Piran. Tamo piau ta vuputkai, lavaxa a rabuna ri pife faasaal.

A Si Pol Lagasai Xe Sina Mu Rom 5:13

A tuuna, a mu rabuna ri vivil a saat paamuina yaan a Piran a tavai na Moses pana vuputkai sina. Taasaxa Piran pife fakasanam nari senaso a pife tavai nari pana mu vuputkai lunai.

A Si Pol Lagasai Xe Sina Mu Rom 5:20

A Piran a tavai a mu rabuna pana vuputkai sina senaso nane vubuk rao ri taa texaas sena vilaana saat aava ri fuuna lo vile. Taasaxa layaan a mu vilaana saat sina rabuna ri femolava, a xakaavangan xatam sina Piran a pemamolava seri.

A Si Pol Lagasai Xe Sina Mu Rom 7:11

A malaanabe': paamua ne lamon o ne fexaxaas sena usi fatak a vuputkai sina Piran. Taasaxa vilaana ina faasaalan a bit xena fangongau e ne savat vupuno. E voxo a vuputkai aave a fasavat a maatan aava tivotanau sena Piran.

A Si Pol Lagasai Xe Sina Mu Rom 9:32

Xenaso a mu Juda ri seng maat? Ri pife tingine senaso ri lamon o nase' ta mataa a usi xapin a vuputkai a fexaxaas sena tigina fatak la matana Piran e ri pife namkai e voxo ri sopitai sena “faat ina sopitaian”.

1 Korin 15:56

Na Maatan a fexaxaas sena pirak a mataa sena vilaana saat sina mataa aave e a vilaana saat aave a savat sena vuputkai aava na Moses fo xaleie.

Galesia 2:19

A malaanabe': a vuputkai aave a faxalitau o ne fo vil a saat. E senaso ne fo vil a saat aave, a vuputkai a kuus o ne fo maat. E tamo ne fo maat xo lapaana vuputkai, nenia, ne fexaxaas sena to naboxo lapaana Piran.

Galesia 5:4

Nami aava mi buk tigina fatak la matana Piran pana usiaana vuputkai, mi fo xatip tapin nami xa se Krais. Mi ti taaluugan a xakaavangan xatam sina Piran.

Hibru 7:19

A mu vuputkai si Moses ri pife fexaxaas sena vil faxaradak a mataa. Taasaxa naboxo a Piran fo lisan a lamon fanaian aava pelalava sena kuus turoxoian sina ti kavai e lapaana lamon fanaian aanabe' taara fexaxaas sena savat faasilak xe sina.