A Si Pol Lagasai Xe Sina Mu Rom 13:11 - A Turoxoian Fa'ui Sina Piran

¹¹ Mi taa bilai faroxo malaan, senaso mi texaas o taara taxa taagul lana yaan lava: faasilak, a yaan ina ulaian si Yesus i taa savat. E voxo taara taa para e tamasiak senaso naboxo taara taxa waan faasilaxan et xo a yaan ina fakaxupaan netaara sena yaan layaan taara xaveak namkai.

Kara

¹¹ Mi taa bilai faroxo malaan, senaso mi texaas o taara taxa taagul lana yaan lava: faasilak, a yaan ina ulaian si Yesus i taa savat. E voxo taara taa para e tamasiak senaso naboxo taara taxa waan faasilaxan et xo a yaan ina fakaxupaan netaara sena yaan layaan taara xaveak namkai.

A Si Pol Lagasai Xe Sina Mu Rom 13:11 Iomraidhean Croise

Matiu 16:3

E la paanen ‘I taa raafui tanin senaso a tavegof a vuung e suk’. Mi texaas sena so ta mo a tavegof taxa faxalit nami pana, taasaxa mi pife fexaxaas sena masam famatavas pana maana fakali- maanan ri taxa savat monabe' mon.

Luuk 21:28

Layaan a maana mo aanabe' ri taxa savat, tigina fatateak lana namkaian simi senaso a fakaxupaan nami i taxa filimaan faasilak.”

1 Korin 10:11

A maana mo aanabe' ri savat siri xena pebukan nari, taasaxa saxano rabuna ri xalei a maana mo aave xena fapiti netaara vaxa senaso taara taxa taagul lana fataxapiak ina yaan.

1 Korin 15:34

Fataxapin a vilaana saat simi e mi ulaamaan xe lana lamonan roxo. Ne buk famangil nami e voxo ne kuus o saxanofuna la palou imi ri vungut sena Piran.

Efasis 5:14

senaso a malang a famatavas a maana mo xapiak. E sena mo aanabe' ri kuus malaan: “Para nano aava no taxa matef, tamasiak fa'ulaa ti la mamaat e na Krais i taa lang xulumi.”

Jems 5:8

Nami sait, mi taa nai bang fananap pana tateaxan senaso a yaan ina savatan sina Memai fo faasilak.

1 Pita 4:7

A fataxapiak ina maana mo xapiak fo faasilak. Mi lamon faroxo e a xunus imi i taa waan lapaana mu lamonan roxo simi talo mi taa fenung faroxo.

2 Pita 3:11

Lavaxa, a maana mo aanabe' a Piran taa galas nari; e voxo nami, mi taa usi tuunei a so ta buk vilaana? A toyan simi ri taa faxalit a mu vilaana fatak e mi taa waan lapaana mu vilaana sina Piran.

2 Pita 3:9

Saxanofuna ri lamon o a Piran i taa pife fasavat fatapusan a kuus fanaian sina, taasaxa piau. Nane taxa fananap mon pami senaso nane bai o ta saxa mataa i taa falet xe la bina ina kawaas; nane vubuk rao a rabuna xapiak ri taa puk tapin nari xa xasena mu vilaana saat siri.

1 Jon 2:18

Mi rafulak, a mu yaan fataxapiak ri fo faasilak. Mi fo langai xo o a saxa Xaiyaas si Krais i taa savat e tuuna mu xaiyaas xaves ri fo savat xo. E voxo taara texaas o a mu yaan fataxapiak ri faasilak.

Kuusan Fasavatan 1:3

Nase' ta mataa i taa xalum a lagasai aanabe' o nase' ta mataa i taa langaie e i taa usi a vilaana roxo aava fo kuusanan lavaxa, nane i taa siak a faamamaasan lana xunus ina senaso a yaan aave i taa savat fataapus.

Kuusan Fasavatan 22:10

E nane xuusau fulaa, “Muneta paabefan a kuus fatuxaian aava waan lana buuk aanabe' senaso a yaan ina savatan siri a faasilak.

Kuusan Fasavatan 22:12

“Faxatang! Nenia, ne taa savat fa'ipul e maana mo siak taxa waan xuvul paga. Ne taa tavai a maana rabuna xapiak pana mo fexaxaas sena vilaana siri saxa saxa.

Kuusan Fasavatan 22:20

Nane aava kuus o a maana mo aanabe' a fatak, nane taxa kuus malaan, “Tuuna, nenia, ne taa savat fa'ipul!” “A tuuna! Filimaan, Memai Yesus.”