A Si Pol Lagasai Xe Sina Mu Rom 1:3 - A Turoxoian Fa'ui Sina Piran

³ Nane ve, lana vipin matatuuna sina, a bu Devit aava ʻkingʼ lava sina mu Juda.

Kara

³ Nane ve, lana vipin matatuuna sina, a bu Devit aava ‘king’ lava sina mu Juda.

A Si Pol Lagasai Xe Sina Mu Rom 1:3 Iomraidhean Croise

Matiu 1:1

A sising ina matafebun si Yesus Krais aava buna lava na Devit. E na Devit si a buna lava na Abrahem.

Matiu 1:16

e na Yaakop aave na tama Yosep aava tamai si Maria na nina Yesus e na Yesus naang va ri xalie pana Mataa Failai sina Piran.

Matiu 1:6

E a mu matafebun ti lana yaan si Devit fefexaxaas a yaan a mu Juda ri fevipis la bina Babilon: na Devit na tama Solomon (na ninana a tefin si Uraia paamua),

Matiu 12:23

A malila ri ipul pana maana mo na Yesus fo vile. E ri fefiai, “Naak nane ve na Natu Devit, bo?”

Matiu 15:22

E saxa tefin ti pave aava waan lana parabuna ri xalie pana mu Kenan, maa savat sina e xukulai, “Matalava! Natu Devit, xavangau! A masalai fo vao faagutan a lak tefin siak.”

Matiu 26:63

Taasaxa na Yesus a waan kasam. E fulaa a memai priis a ferawai xe sina, “Ne fakalimaan nano o no taa kuus tuuna: nano ve no Mataa Failai? No Natuna Piran?”

Matiu 27:43

Nane namkai o a Piran i taa xavange e a kuus o nane ve a Natuna Piran. Tamo Piran a vubuk rao i taa fakaxupe naak i taa vile naboxo.”

Matiu 3:17

E a ling ti laa'ui la xunavata a kuus, “Nane na natuk, ne vubuxan xasingite, nane fafaamamaasau.”

Matiu 9:27

E na Yesus a ta'ulan a bina aave e lana sangasan sina a rovaat aava matare piif, re usie e re xukulai, “Natu Devit, Muluk nemaame!”

Luuk 1:35

A angelo aave a suie, “A Vovau Xaradak i taa savat siim e a gutan sina Piran pana Isin Molava Paaliu i taa xafut nano. E no taa luk a Lak Xaradak e ri taa xalie pa Natuna Piran.

Luuk 1:69

Nane fo fasavat a Saxa ina Gutan xena fakaxup netaara, a saxa aave a bu Devit aava sisiak sina.

A Lagasai Roxo Na Jon A Xaleie 1:14

Na Ferawaian xo, fesavat mataa e taagul la palou itaara e taara fo xalum a malangan sina, a malangan sina saxa fatak sina Piran, na Tamana. Nane a bas pana xakaavangan xatam e ferawaian tuuna.

A Lagasai Roxo Na Jon A Xaleie 1:34

Ne fo xalum a fakalimaanan aanabe' e ne kuus faagut o nane ve a Natuna Piran.”

A Lagasai Roxo Na Jon A Xaleie 1:49

Na Nataaniel a suie, “Mataa ina Fepitaa, nano, no Natuna Piran; nano, no Piran King sina mu Israel.”

A Lagasai Roxo Na Jon A Xaleie 10:30

Na Tamaang e nenia maame saxa.”

A Lagasai Roxo Na Jon A Xaleie 10:36

E naboxo xe sina mataa aava Piran fo bure e fo fenge xe la xavala, naboxo mi xuuse o ‘No ferawai fasaat sena Piran aava taap’ senaso ne kuus o ‘Nenia ne Natuna Piran?’

A Lagasai Roxo Na Jon A Xaleie 20:28

E na Tomas a suie, “Nano, no Memai siak. No Piran siak.”

A Lagasai Roxo Na Jon A Xaleie 20:31

Taasaxa maana mo aava ri waan lana xakalayan aanabe' ne xaleie talo mi taa namkai o na Yesus a Mataa Failai (na Messia) e a Natuna Piran. E layaan mi taa namkai sena mi taa siak a toyan sina lapaana gutan ina isina.

A Lagasai Roxo Na Jon A Xaleie 5:25

Ne xuus tuunei nami fulaa: saxa yaan taxa filimaan e fo savat naboxo, e la yaan aave a mu mamaat ri taa langai a ling i Natuna Piran e nari aava ri langai faroxo ri taa to.

A Lagasai Roxo Na Jon A Xaleie 7:42

A xakalayan sitaara a kuus malaan: a Mataa Failai i taa savat ti lana pabung si Devit e Betlihem ve a bina si Devit, bo?”

Faisok 2:30

Na Devit ve a mataa ina kuus fatuxai e a texaas o a Piran a kuus fanai lapaana isin sina xa o a saxa yaya si Devit i taa nai la vavena nai piranan sina, malaan sena.

Faisok 3:13

A Piran si Abrahem, Aisaak e na Yaakop ve a Piran sina mu butaara, nane tavai a sisiak sina, na Yesus, pana isin lava layaan nane fatatoi fa'ulie ti la maatan. Nami, mi tavai a mu paamua simi pana xena punuxaana. E na Pailat, a memai ti Rom, nane tafo mulus tapine, taasaxa mi bai.

Faisok 8:36

Layaan re taxa faxa'usi et a salan, re savat la xasing ina raarum e a mataa Itiopia a kuus, “Kaalum, a raarum. Xenaso ne taa pife fasufan xo?”

Faisok 9:20

Nane falet fatak xe la mu lifu ina faxuvulan e a fapiti nari o na Yesus ve a Natuna Piran.

A Si Pol Lagasai Xe Sina Mu Rom 1:9

Langaiau, ne sisiak lapaana Piran pana gutan xapiak siak layaan ne kuusan fasavat a Lagasai Roxo se Natuna. E nane xa i taa kuus xakaavang o ne fuuna lamon vulan nami lana fenungan siak.

A Si Pol Lagasai Xe Sina Mu Rom 4:1

Senaso a Piran fo vil a maana mo aapave, taara mu Juda taara taa ferawai malaafaa pa Abrahem aava butaara lava? A so ta mo a savat lana waanan sina?

A Si Pol Lagasai Xe Sina Mu Rom 9:3

Saxano yaan rao ne fenung xe sina Piran o i taa fatutulau talo nenia, ne taa pife faadoxotanan xuvul pa Krais tamo i taa xavang a mu tiak, nari aava ri mu tauga, xena namkai.

A Si Pol Lagasai Xe Sina Mu Rom 9:5

A mu buri ve mu matalava sitaara e a Mataa Failai sina Piran a waan lana saxa pabung siri. E nane ve a Piran Tuuna e i taxa lo paamuian a maana mo xapiak. A mu rabuna xapiak ri taa nanguse e kuus fati a isina naboxo e xe vulai. A Tuuna.

1 Korin 1:9

Senaso a Piran aava xel faxuvul nami xe lana xuvulaian xuvul pa Natuna, na Yesus Krais, nane i taa tamana fasavat a kuus fanaian sina.

1 Korin 10:18

Lalamon pana vilaana sina mu Juda: ri femiraaxan a meska aava ri tavai a Piran pana e voxo ri fefaxuvul lana lotu siri xe sina.

Galesia 4:4

Taasaxa, layaan a yaan fatak aave xo savat a Piran a feng a Natuna xe sitaara. E saxa tefin matatuuna malaan setaara a luxe e nane waan lapaana vuputkai

1 Tesalonaika 1:10

e malaafaa mi taxa waan bang a Natuna aava i taa filimaan ti la xunavata, na natuna, na Yesus aava nane fatatoi fa'ulie ti la mamaat. E na Yesus xo a fakaxup netaara xasena maraleian molava sina Piran aava i taa filimaan.

1 Timoti 2:5

Senaso toxan a Piran saxa mon e a saxa aava fadaarum a Piran xuvul pana rabuna, nane ve na Krais Yesus

1 Timoti 3:16

A tuuna paaliu, paamua taara pife masam sena fufuna namkaian sitaara, taasaxa naboxo, a Piran a fasavate la matavas: “Na Krais Yesus maa savat la xavala malaan sena mataa, A to fa'ulaian sina a faxaalit o nane ve na Natuna Piran, A mu angelo ri xalume, A mu rabuna aava ri namkai ri kuusan fasavate la mu bina xapiak, A maana rabuna pe la mu bina xapiak ri namkai sena, E a Piran a xel falaxe xe lana miridingan sina.”

2 Timoti 2:8

Lamon fa'uli na Yesus Krais aava to fa'ulaa ti la mamaat e savat xena fakaxup netaara. Nabe' a Lagasai Roxo siak e ne taxa maasak faagut sena. Ri fo bugutau malaan sena mataa saat. Taasaxa Ferawaian sina Piran xo pife bugutan.

1 Jon 1:3

E a lagasai roxo aava nemaam fo xalume e maam fo langaie, maam taxa kuusan fasavate xe simi senaso maam vubuk o mi taa waan xuvul pamaam. A fetuwaanan aanabe' sitaara i taxa waan xuvul pa Piran Tamataara e Natuna, na Yesus Krais.

1 Jon 3:23

E a fefasaian lava sina a malaan: taara taa lamon fatateak sena isi Natuna, na Yesus Krais, e taara taa vubuxan xasingit a mu titaara malaan se' nane fo xuus netaara pana.

1 Jon 3:8

A mataa aava taxa lo bilai fasaat, nane si Setan senaso na Setan taxa lo bilai fasaat ti la tangpat. A Natuna Piran fo savat xena kawaasan xapin a faisok si Setan.

1 Jon 4:15

Nase' ta mataa i taa kuus o na Yesus ve a Natuna Piran, lavaxa mataa aave a Piran i taxa taagul xuvul pana e i taxa waan lana fatataganan sina Piran.

1 Jon 5:1

Nase' ta mataa taxa namkai o na Yesus ve na Krais, a mataa aave taxa waan lana fatataganan sina Piran. E nase' ta mataa a vubuxan xasingit na Tamataara, nane i taa vubuxan xasingit a mu rafulak sina sait.

1 Jon 5:20

E taara texaas o a Natuna Piran fo savat e fo tavai netaara pana masaman talo taara taa taraxali a Piran tuuna. E taara taxa lo taagul xuvul pana e pa Natuna, na Yesus Krais. Nane ve a Piran tuuna e Toyan vulai, vulai.

1 Jon 5:5

A mataa aava namkai o na Yesus ve a Natuna Piran, nane aave a xasliu a maana mo ti la xavala.

2 Jon 1:7

A mu rabuna ina bitan aava ri pife kuus o na Yesus fo mataa xo, ri taxa sangas xolai la xavala. Nari aave, ri mu xaiyaas si Krais e ri taxa lo bit.

Kuusan Fasavatan 2:18

“Xe sina sisiak siak aava taxa paamuian a mu rabuna ina lotu pe Taiataira, no taa kala malaan: a Natuna Piran aava toxan a ro matana malaan sena radaam ina fata e kana malaan sena ʻaianʼ miraal, a kuus malaan: