Matiu 9:18 - A Turoxoian Fa'ui Sina Piran

¹⁸ Layaan na Yesus i taxa ferawai xe siri pana maana mo aanabe' a saxa paamua sina mu Juda maa savat sina e bukaak la nona e a kuus, “A lak tefin siak fo maat monabe' mon. Taasaxa tamo no taa tao a putuna i taa to fa'ulaa.”

Kara

¹⁸ Layaan na Yesus i taxa ferawai xe siri pana maana mo aanabe' a saxa paamua sina mu Juda maa savat sina e bukaak la nona e a kuus, “A lak tefin siak fo maat monabe' mon. Taasaxa tamo no taa tao a putuna i taa to fa'ulaa.”

Matiu 9:18 Iomraidhean Croise

Matiu 14:33

E mui nari aava ri waan la xaati aave, ri nangus na Yesus e ri kuus, “Tuuna, nano ve no Natuna Piran.”

Matiu 15:25

Taasaxa tefin aave maa bukaak e turung la kana e kuus, “Matalava, xavangau!”

Matiu 17:14

Layaan ri sivi ulaa xe sina malila, saxa mataa maa savat si Yesus e bukaak la nona,

Matiu 20:20

E lana yaan aave a tefin si Sebedi a filimaan xe si Yesus xuvul pana ro lak tomexaan sina. Nane bukaak la nona rao i taa fine pana saxa mo.

Matiu 28:17

Layaan ri xalume pave ri lotuie naapalaan saxanofuna ri pife texaas tuuna o nane ve na Yesus.

Matiu 8:2

E lana yaan naang a mataa tana tapak maa bukaak la ka Yesus e kuus, “Memai, tamo no vubuxane no fexaxaas sena vil faroxoiau.”

Matiu 8:25

A mu fefeng sina ri fe faparaye e ri kuus, “Memai! Fakaxup netaara ulaa taara tamaa xarak!”

Matiu 9:17

E vaxa, piau ta mataa i taa timin a raarum ina xalana wain lana saxa mo aava ri vesane pana vipin xavai ina meme aava pagala senaso, layaan a raarum ina xalana wain aave i taa siak vuvusen lana, i taa tuguput a vipin pagala aave. E a raarum ina xalana wain aave i taa talatiu e a mu vipin ri taa kawaasanan. Taasaxa ri taa timin a raarum ina xalana wain lana mo ina vipin aava fa'ui e i taa fadatan talo nare xapiak re taa waan faroxo.”

Matiu 9:19

E na Yesus a tamasiak e usie xuvul pana mu fefeng sina.

Matiu 9:24

a kuus, “Faapalau, a lak tefin aave pife maat, i taxa matef mon.” E nari, ri nangan xuluna.

Luuk 13:14

A paamua ina lifu ina faxuvulan a marala senaso na Yesus a vil faroxoi a tefin la Yaan ina Fangaafusan e nane kuus xe sina rabuna, “A toxan a yaan pisaxa mon xena faisok. Savat xena vil faroxoiaan nami lana mu yaan aave e pife la Yaan ina Fangaafusan.”

Luuk 18:18

A saxa matalava a fine, “Mataa roxo ina fepitaa ne taa vil a so xena siak a toyan xe vulai?”

Luuk 7:2

E pave a sisiak sina saxa matalava ina rawen a giis fasaat e faasilak rao i taa maat. E a sisiak aave, a mataa tafuna a lalamon faroxo pana.

A Lagasai Roxo Na Jon A Xaleie 11:25

Na Yesus a xuuse, “Nenia ve ne To Fa'ulaian e ne Toyan Tuuna. Nase' aava namkai sega, naapalaan a maat, i taa to.

A Lagasai Roxo Na Jon A Xaleie 11:32

Layaan nane savat si Yesus nane poxo la kana e xuuse, “Memai, naak tamo no waan nabe' na vasaak i taa pife maat.”

Faisok 13:15

A mu Juda ri fuuna kat ti lana mu vuputkai si Moses e maana Xakalayan sina mu rabuna ina kuus fatuxai. E lamina, a mu matalava ina lotu, ri fin nare pa ta lagasai malaan, “Mu fetinan, tamo mi toxan ta lagasai xena fagutaana mu rabuna, a roxo, ferawai saa.”

Faisok 28:8

Na tama Publius a mati la ivin sina pana giisan; a tana lalagaf e a xais. Na Pol a laak xe sina e fe fenung e a timin a mana xuluna e a vil faroxoie.