Matiu 8:4 - A Turoxoian Fa'ui Sina Piran

⁴ E na Yesus a xuuse, “Langai! Muta xuus ta mataa pana. Falet fatak xe sina priis talo i tafe taxan faroxoi a taam, e mui no taa tatavai pana mo aava na Moses a kuus pana xena faxalit a rabuna pana vil faroxoiaan nano.”

Kara

⁴ E na Yesus a xuuse, “Langai! Muta xuus ta mataa pana. Falet fatak xe sina priis talo i tafe taxan faroxoi a taam, e mui no taa tatavai pana mo aava na Moses a kuus pana xena faxalit a rabuna pana vil faroxoiaan nano.”

Matiu 8:4 Iomraidhean Croise

Matiu 10:18

Ri taa fatiginei nami la matana mu paamua ti Rom e mu paamua ti la mu bina lava senaso mi namkai sega e mi taa kuus xakaavang sega xe sina mu paamua aave e mu rabuna aava ri pife Juda.

Matiu 16:20

E na Yesus a pebukan a mu fefeng sina o ri muta kuus fasavat o nane ve a Mataa Failai sina Piran.

Matiu 17:9

Layaan ri taxa sivi ti xuluna put na Yesus a xuus faagutan narutul, “Muta xuus ta mataa pana xakaaluman aanabe' aava mutul fo xalume fefexaxaas a yaan a Piran i taa fatatoi fa'uli a Natuna Mataa ti la mamaat.”

Matiu 3:15

E na Yesus a suie, “Naboxo, i taa waan malaan. A roxo taare taa vil malaane xena faxalit a vilaana fatak paaliu.” E mui na Jon a turoxo pana.

Matiu 5:17

“Muta lamon o ne fo savat xena kawaasan a mu vuputkai o ferawaian sina mu rabuna ina kuus fatuxai, ne pife savat xena kawaasanaan nari, piau, ne savat xena vil fexaxaasan nari la matavas.

Matiu 6:1

Na Yesus a ferawai fulaa e pebukan nari, “Faxatang! Muta vil a maana faisok roxo la matavas talo a mu rabuna ri taa xalume. Senaso tamo mi vil malaane na Tamami pe la xunavata i taa pife tavai nami pana sepirigus.

Matiu 9:30

E re fexaxaas sena kaalum fulaa. Na Yesus a xuus faagutan nare, “Muta xuus fatexaas ta mataa pana.”

Maak 13:9

“E nami, mi taa faxatang, senaso xasanu tuvaat ri taa yot lisan nami xe sina rabuna ina tiisan e ri taa sip nami lana lifu ina faxuvulan. E mi taa tigina la nona mu matalava e mu piran sina rabuna sena isaak. E mi taa xuus fatexaas nari paga.

Maak 3:12

E nane ferawai faagut xe siri o ri muneta fasavat a isina la matavas.

Maak 5:43

E na Yesus a xuus faagutan nare o re muta xuus ta saxa mataa pana mo aanabe'. E nane xuus nare sait o re taa tavai a lak pana fanganan.

Maak 6:11

E tamo mu rabuna ti la saxano bina ri taa pife suaian name o taa langai pesalai seme, me taa ta'ulan a bina aave e layaan me taa falet me taa saf tapin a pof ti xuluna kame. Senaso a pof aave i taa fakalimaan o vilaana saat siri taxa waan lunai.”

Maak 7:36

Na Yesus a ferawai faagut xe siri xapiak o ri taa muneta xuus fatexaas a mu rabuna pana. Taasaxa la maana yaan nane taxa lo xuus votan nari, ri taxa lo kuusan fasavat a faisok sina.

Maak 8:30

E na Yesus a pebukan nari o ri muneta kuus famatavas pana isina lunai.

Maak 9:9

Layaan ri taxa sivi ti laa'ui xuluna put nane xuus faagutan narutul o rutul taa pife kuusan xolan a mo rutul fo xalume fefexaxaas sena yaan a Natuna Mataa i taa to fa'ulaa ti la maatan.

Luuk 17:14

Layaan nane xalum nari, a kuus, “Falet, faxalum a mu priis pana tami.” E lana faletan siri, a tari feroxo.

Luuk 21:13

E voxo mi fexaxaas sena xuus nari pana maana faisok sina Piran.

Luuk 4:41

E vaxa, a mu vovau saat ri ta'ulan a maana rabuna xaves. Ri ta'ulan nari e ri xukulai faagut malaan, “Nano, no Lak sina Piran.” Taasaxa nane baras nari talo ri taa pife ferawai senaso ri texaas o nane ve a Mataa Failai sina Piran.

Luuk 5:14

E na Yesus a xuuse, “Muta xuus a rabuna pana. Falet e no fe faxalit a mu priis pana taam e tatavai xe sina Piran sena roxoyan siim pana mo aava na Moses a kuus pana. A tatavai aanabe' i taa faxalit a mu rabuna pana roxoyan siim.”

Luuk 8:56

A ninana lak e tamana re ipul faagut taasaxa nane xuus faagutan nare o re muta kuusan a mo aanabe' xe sina mu rabuna.

Luuk 9:21

Na Yesus a pebukan faagutan nari o ri muta xuus a rabuna pana.

A Lagasai Roxo Na Jon A Xaleie 5:41

“Nenia, ne pife lalamon temasaat pana suaian sina mu rabuna,

A Lagasai Roxo Na Jon A Xaleie 7:18

A mataa aava taxa ferawai lapaana gutan sina fatak nane buk siak fati a isina xa; taasaxa nane aava buk siak fati a isina Saxa aava fenge, nane ve, a mataa ina tuunayan e piau ta lalosaat fe waan sina.

A Lagasai Roxo Na Jon A Xaleie 8:50

Ne pife seng ta isin lava paga fatak; a toxan a xasafuna falak ve taxa senge e nane ve a saxa ina tiisan.