Matiu 7:2 - A Turoxoian Fa'ui Sina Piran

² Senaso no taa tiisan malaan se' no tiis a xasanofuna. E so ta buk ngangai aava no tiis a xasanofuna pana no taa tiisan pana vaxa.

Kara

² Senaso no taa tiisan malaan se' no tiis a xasanofuna. E so ta buk ngangai aava no tiis a xasanofuna pana no taa tiisan pana vaxa.

Matiu 7:2 Iomraidhean Croise

Matiu 6:14

Tamo mi lamon tapin a vilaana saat sina xasanofuna aava ri vile xe simi, na Tamami pe la xunavata, i taa lamon tapin a vilaana saat simi vaxa.

Maak 4:24

E na Yesus a xuus nari, “Ai, nami, mi taa lalamon pana ferawaian mi langaie. Tamo mi taa lalamon faagut pana, a Piran i taa tavai nami pana masaman fexaxaas sena lalamonan simi.

Luuk 6:38

Tatavai e no taa saaxam. Tamo no taa tifi fasoliu a bi pana maana mo xena tatavai e no pife faxarang ta mo, no taa saaxam malaan sait. Pana vilaana aava mi tatavai pana mi taa saaxam malaan.”

2 Korin 9:6

Lamon fa'uli a mo aanabe': nase' ta mataa a xapis a saxanu kam i taa siak a fanganan modak mon e nase' ta mataa a xapis a mu kam xaves, i taa siak a fanganan xaves.

Jems 2:13

Senaso a mataa aava i taa pife muluk a xasa mataa, nane xa i taa pife tingin a mamaaluxan la yaan ina tiisaana, taasaxa nari aava ri fuuna muluk a xasanofuna ri taa pife matautan a tiisan. A vilaana ina mamaaluxan i taa fa'onam a vilaana ina tiisan.

Kuusan Fasavatan 18:6

A tefin aave fo vil a maana mo mosaat e ne vubuk o a maana mo mosaat nane fo vile saxa saxa, a ulaian ina i taa taragua xe sina. Nane fo faisoxan a neng lana lisa e ne vubuk o a Piran taa tavai fa'ulie pana lisa ina neng taragua.