Matiu 6:13 - A Turoxoian Fa'ui Sina Piran

¹³ E muta lisan nemaam xe lana vavalam taasaxa tivotan nemaam xasena gutan ina saatan.’

Kara

¹³ E muta lisan nemaam xe lana vavalam taasaxa tivotan nemaam xasena gutan ina saatan.’

Matiu 6:13 Iomraidhean Croise

Matiu 26:41

Mutul taa faalim e fenung talo mutul taa pife poxo lana tatafangan. A vovau simi a roxo, mi buk vil a moroxo, taasaxa a vipin simi a malmal.”

Matiu 28:20

e fapiti nari xena langai fatak a maana vuputkai aava ne fo tavai nami pana. E nenia xo, ne taa waan vulai xuvul pami fefexaxaas a yaan a xavala aanabe' i taa taxapus.”

Matiu 5:37

Layaan no ferawai, kuus mon pana ‘aang’ o ‘piau’. A so ta mo no kuus pana fulaa a savat sena saxa aava saat paaliu, na Setan.

Matiu 6:10

A fatataganan siim i taa savatmaan e a mu vubuxanan siim ri taa savat la matavas la palou imaam malaan se' ri savat la xunavata.

A Lagasai Roxo Na Jon A Xaleie 17:15

Ne pife fenung talo no taa siak tapin nari ti la palou ina mu rabuna ti la xavala, piau. Taasaxa ne fenung xe siim o no taa faxatang nari e no taa kuus votan nari xasena saxa aava saat paaliu.

1 Korin 10:13

Lamon fa'uli a so ta buk tafangan aava savat simi a fuuna savat sina xasano rabuna vaxa. Taasaxa Piran i taa fasavat a kuus fanaian sina e i taa pife turoxoian a tafangan aave xena xasliu a gutan simi talo mi taa pife tigina tateak. La so ta yaan a tafangan aave i taa savat simi a Piran i taa tavai nami pana gutan xena tigina lana e vaxa i taa faxalit nami pana salan xena sinuf sena.

1 Korin 14:16

Layaan no kuus faasiroxo xe sina Piran pana ling aava tatavai sina Vovau mon, malaafaa ta mataa aava pife masam sena ling aave i taa kuus, “A tuuna,” pana fenungan siim? Nane pife texaas sena so ta mo no taxa kuusane.

2 Korin 1:20

Senaso a so ta maana kuus fanaian aava Piran fo ferawai pana, na Krais a kuus, “Aang” xe siri xapiak. E voxo, lana xuvulaian xuvul pana, taara turoxo e kuus “A tuuna” xena tavaiaana Piran pana isin lava paaliu.

Galesia 1:4

Na Krais a lisan nane xa sena vilaana saat sitaara xena fakaxup netaara xasena saatan ina yaan aanabe'. Nane vil malaane senaso nane usi fatak a vubuxanan sina Piran aava na Tamataara.

1 Tesalonaika 1:10

e malaafaa mi taxa waan bang a Natuna aava i taa filimaan ti la xunavata, na natuna, na Yesus aava nane fatatoi fa'ulie ti la mamaat. E na Yesus xo a fakaxup netaara xasena maraleian molava sina Piran aava i taa filimaan.

2 Tesalonaika 3:3

Taasaxa Memai taxa waan fatateak vulai e i taa fagut nami e i taa tivotan nami xasena mataa saat.

1 Timoti 1:17

Nangus a Piran pana suaian e kuus fati a isina senaso nane ve a saxa aava Piran King vulai xe vulai e i taa pife maat. A saxa aava taara pife fexaxaas sena xalume. Nane ve a Piran. A tuuna.

Hibru 11:36

Saxanofuna iri, a rabuna ri kuusan pengan nari e xasanofuna iri, ri inis nari pana yeis e vaxa ri pis nari pana ʻseinʼ e ri lisan nari xe lana bina ina vipisan.

1 Pita 5:8

Para! Faxatang faroxo! A xaiyaas simi, na Setan, i taxa sangas xolai e i taxa vaas faagut malaan sena piu vupung ri xalie pana ʻlaionʼ e i taxa seng ta mataa talo i taa ngane.

2 Pita 2:9

E voxo maana mo aanabe' ri faxalit netaara o a Piran a texaas o malaafaa i taa fakaxup a mu rabuna roxo sena maana lagafan siri. E voxo nane texaas o malaafaa i taa pis fanei a mu rabuna saat fefexaxaas a yaan ina tiisaan nari taa savat.

1 Jon 3:8

A mataa aava taxa lo bilai fasaat, nane si Setan senaso na Setan taxa lo bilai fasaat ti la tangpat. A Natuna Piran fo savat xena kawaasan xapin a faisok si Setan.

Kuusan Fasavatan 1:18

Nenia, ne taxa to taasaxa paamua ne maat e naboxo ne toxan a toyan xe vulai. E ne toxan a ʻkiʼ taragua, saxa ina Maatan e saxa ina bina lapaana xavala aava ri xalie pana ʻHelʼ.

Kuusan Fasavatan 19:1

E lamina mo aanabe' ne langai a felingaian lava ina malila aava ri waan la xunavata. E ri xukulai malaan: “Aaleluya! A fakaaxupan e malangan e gutan, a mo talatul aanabe' ve sina Piran sitaara

Kuusan Fasavatan 19:4

A mu matalava sangafilu taragua pana talafaat e a mo to talafaat ri bukaak e ri nangus a Piran aava taxa nai xuluna ivin lava. E ri xukulai malaan: “A tuuna paaliu; Aaleluya!”

Kuusan Fasavatan 2:10

Muta mataut sena tafangan aava i taa savat simi. A tuuna, na Setan i taa yot tapin ta saxanu tuvaat simi xe lana vipis xena tafang nami. Taasaxa, a tafangan aanabe' i taa waan pana yaan sangafilu mon. Tao fatateak a namkaian simi sega fefexaxaas sena maatan simi e mui ne taa tavai nami pana ligilot ina toyan.

Kuusan Fasavatan 21:4

Nane taa saf tapin a raarum ti la matari. E maatan e mamaxusan e taangiisan e maasaxan ri taa malit paaliu senaso a mu vilaana ti kavai ri taxapus naboxo.”

Kuusan Fasavatan 3:10

Famodak e a yaan ina lagafan taa savat. A lagafan xena tafang a maana mu rabuna xapiak aava ri taxa waan la xavala. Taasaxa ne taa ti votan a tafangan aave talo i taa pife savat xe simi. Senaso mi fo faisok faagut xena usi a ferawaian siak.

Kuusan Fasavatan 3:14

“Xe sina sisiak siak aava taxa paamuian a mu rabuna ina lotu pe Leodisia, no taa kala malaan: nenia ve ne Turoxoian e ne Ferawaian Fangaasik Tuuna e nenia ve ne Fufuna Vavesai sina Piran. Ne kuus malaan:

Kuusan Fasavatan 5:13

E mui ne langai a maana mo xapiak aava waan laa'ui la xunavata o waan lapia xuluna xavala o lapaana xavala o lana laman, a maana mo xapiak ri kuus malaan: “Naangusan e suaian e malangan e piranan, nari xapiak ri sina aava taxa nai xuluna ivin lava e sina Natuna Sipsip. E maana mo aanabe' ve, ri taa sire sang mon vulai, vulai.”