Matiu 5:9 - A Turoxoian Fa'ui Sina Piran

⁹ Nari aava ri lisan a luaian la palou ina rabuna xuvul pana Piran, naboxo a naian siri a roxo paaliu senaso a Piran taa xali nari pana mu rafulak sina.

Kara

⁹ Nari aava ri lisan a luaian la palou ina rabuna xuvul pana Piran, naboxo a naian siri a roxo paaliu senaso a Piran taa xali nari pana mu rafulak sina.

Matiu 5:9 Iomraidhean Croise

Matiu 5:45

A vilaana malaan i taa faxaalit o nami, mi rafulak si Tamami pe la xunavata. Senaso nane a vil falak a ngaas xena malang la mu bina xapiak sina mu rabuna roxo e saat. E a lisan a raafui xena xavang a mu rabuna xapiak, nari aava ri bilai faroxo e nari aava ri bilai fasaat.

Matiu 5:48

E voxo nami xo mi taa tigina fatak vulai malaan sena Tamami pe la xunavata i taxa tigina fatak vulai.”

Luuk 20:36

Nari, ri malaan sena mu angelo senaso ri taa pife maat taasaxa ri mu rafulak sina Piran senaso ri fo to fa'ulaa ti la maatan.

Luuk 6:35

Taasaxa nami, mi taa vubuxan xasingit a mu xaiyaas simi, vil a faisok roxo xe siri, tavai nari pana mo e muta lamon pana yaan ri taa lisan fa'ulie. Tamo mi taa vil malaane a sepirigus simi i tafe molava e mi taa savat rafulak sina Piran Laa'ui Paaliu, senaso nane vaxa fangasik nari aava ri vil a saat e ri pife kuus faasiroxo.

Faisok 7:26

A yaan mui na Moses a falet e fe savat sina ro Juda aava re taxa fevis. Nane vubuk rao i taa fadaarum nare e voxo a xuus nare, ‘Name, me ro fetinan mon, xenaso rao me fesopan name?’

A Si Pol Lagasai Xe Sina Mu Rom 12:18

Mi taa faxatang faroxoi a maana vilaana e ferawaian simi talo mi fexaxaas sena waan pana luaian xe sina mu rabuna.

A Si Pol Lagasai Xe Sina Mu Rom 8:14

Senaso layaan a Vovau sina Piran a paamuian a rabuna, nari ve ri mu rafulak sina.

A Si Pol Lagasai Xe Sina Mu Rom 8:16

A vovau sitaara xuvul pana Vovau Xaradak, nare xapiak re xuus netaara o taara ve mu rafulak sina Piran.

A Si Pol Lagasai Xe Sina Mu Rom 8:19

Taara texaas o a maana roxoyan aave ri mo molava paaliu senaso a vavesaian sina Piran pe laa'ui la vata, lapi la xavala e pe la laman, ri taxa waan bang fatateak a yaan aava Piran i taa tavai xapin a mu rafulak sina pana maana roxoyan aave.

1 Korin 6:6

Taasaxa ro tinoxol lapaa Krais re laak la lifu ina tiisan e re turoxo pana saxa aava pife namkai i taa tiis a lagafan sire.

2 Korin 13:11

Lavaxa, naboxo, mu fetinan, ne taa fataxapin a lagasai aanabe'! Usi a vilaana xaradak; langai a fepitaian siak; faisok faagut xena waan lapaana lamonan saxa mon e waan lapaana luaian. E a Piran ina Vubuxan Xasingitan e Luaian i taa waan xuvul pami.

2 Korin 5:20

E voxo netaara ve taara mu rabuna fefeng si Krais. A malaan sena Piran taxa fenung la ngusutaara layaan maam nung nami lapaana isi Krais: turoxoian a Piran xena fadaarum nami xe sina xa.

Galesia 5:22

Taasaxa Vovau sina Piran a fasavat a mu vilaana fatak malaan sena vubuxan xasingitan, faamamaasan, luaian, waan fananapan, fangaasixan, vilaana roxo, waan fatateaxan,

Efasis 4:1

Nenia ve ne mataa vipis senaso ne namkai sena Memai e ne sisiak sina. E ne faxaar nami o mi taa sangas fatak lana toyan simi xuvul pa Krais malaan sena Piran a vubuxane layaan a xel nami xena namkai sena.

Filipai 4:2

Ne nung faagutan na Yuodia e na Sintiki o re taa waan faxuvul lapaana lamonan saxa lana xuvulaian xuvul pana Memai.

Kolaasi 3:13

e muta marala fataapus. E tamo xasafuna fo vil a mo mosaat xe simi, lamon tapine. Mi taa lamon tapine malaan sena Memai fo lamon tapin a vilaana saat simi.

Hibru 12:14

Tafang pana waan lapaana vilaana ina luaian xuvul pana maana rabuna xapiak. E tafang pana usiaana vilaana fatak e xaradak mon senaso tamo piau, a mataa i taa pife xalum a Piran.