Matiu 5:18 - A Turoxoian Fa'ui Sina Piran

¹⁸ Ne xuus tuunei nami, fefexaxaas a yaan a xunavata xuvul pana xavala ri taa malit, piau ta nekalayan modak ti lana xakalayan ina vuputkai i taa malit fefexaxaas a yaan a maana mo aanabe' ri taa savat la matavas.

Kara

¹⁸ Ne xuus tuunei nami, fefexaxaas a yaan a xunavata xuvul pana xavala ri taa malit, piau ta nekalayan modak ti lana xakalayan ina vuputkai i taa malit fefexaxaas a yaan a maana mo aanabe' ri taa savat la matavas.

Matiu 5:18 Iomraidhean Croise

Matiu 10:15

Ne kuus tuuna, lana yaan ina tiisan lava sina Piran, a Piran i taa faxalit a mu rabuna saat ti Sodom nare Gomora pana mamaaluxan molava sena rabuna ti la maana bina aave.

Matiu 10:23

Layaan ri vil pengan nami la saxa bina, sinuf xe la xasa bina. Ne kuus tuuna o mi taa pife lisan a lagasai siak xe la mu bina xapiak pe Israel paamuina filimaanan sina Natuna Mataa.

Matiu 10:42

E tamo saxa taa tavai a mataa palau ti la palou ina mu rabuna siak pana raarum marafut senaso a usiau, a sepirigus sina i taa pife malit.”

Matiu 11:11

Tuuna, ne xuus nami o na Jon ina Fasufan a matalava sen' ta mataa aava taxa to. Taasaxa nane aava mataa palau la palou ina rabuna sina Piran a matalava se Jon.

Matiu 13:17

A tuuna, ne xuus nami o mu rabuna ina kuus fatuxai e maana rabuna sina Piran ti kavai, ri buk xalum a maana mo mi xalume e langai a maana mo mi langaie, taasaxa piau.”

Matiu 16:28

Ne xuus tuunei nami o saxanofuna la palou imi ri taa pife maat lunai e ri taa xalum a Natuna Mataa taxa savat xuvul pana fatataganan sina.”

Matiu 17:20

E nane sui nari, “Senaso a namkaian simi pife fexaxaas. Ne kuus tuuna, tamo a namkaian simi a fexaxaas malaan sena fomirak kam ina wai mastaat, mi taa kuus xe sina put aanabe', ‘Talaput nabe' e falet xe pave!’ e i taa falet. Piau ta mo mi pife fexaxaas sena vile.”

Matiu 18:18

“E voxo, ne xuus tuunei nami xapiak o a so ta mo mi pis votane nabe' la xavala, a Piran pe lana xunavata i taa turoxo pana. E so ta mo mi muluse nabe' la xavala, a Piran pe la xunavata i taa turoxo pana vaxa.

Matiu 18:3

e a kuus, “Ne xuus tuunei nami o tamo mi buk laak xe lana fatataganan sina Piran, mi taa xul a vilaana simi e mi lamon malaan sena mu rafulak.

Matiu 19:23

Na Yesus a kuus xe sina mu fefeng sina, “Ne xuus tuunei nami, a mo lagaf paaliu sena mataa piran xena laak la fatataganan sina Piran.

Matiu 19:28

E na Yesus a xuuse, “A tuuna, lana yaan mui layaan a maana mo xapiak i taa fa'ui, a Natuna Mataa i taa nai lana malang la vepen ina nai piranan sina. E nami aava mi fuuna usiau, mi taa nai la mu vena naian roxo simi xena paamuian a mu pabung sangafilu saxa pana taragua ti Israel.

Matiu 21:21

E na Yesus a sui nari, “Ne xuus tuunei nami, tamo mi namkai e mi muta lamon maranga, mi fexaxaas sena vil a so ta mo ne fo vile xe sina wai aanabe'. E pife mo aanabe' mon, piau, mi fexaxaas sena ferawai xe sina put modak nabe' ‘Tamasiak e fe tapin nano xa la laman!’ e i taa vil malaane.

Matiu 21:31

E na Yesus a fin a mu paamua priis e mu matalava, “Nase' ta lak a usi a vubuxanan si Tamare?” E nari, ri suie, “A lak tuaan.” E na Yesus a kuus xe siri, “Ne xuus tuunei nami o a mu rabuna ina faxuvul a taakis e lutefin ina lisan xolanaan nari, ri taa laak paamuin nami xe la fatataganan sina Piran.

Matiu 23:36

Ne kuus tuuna xe simi, a fakasanaman aanabe' i taa savat xe sina mu rabuna ti tanin.

Matiu 24:2

E nane xuus nari, “Aang, xalum a maana mo aanabe'. Taasaxa ne xuus tuunei nami: piau ta faat saxa i taa waan la nobina ina. Senaso a yaan i taa savat layaan a mu xaiyaas simi ri taa galas tapin a maana faat xapiak.”

Matiu 24:47

Ne xuus tuunei nami o a paamua sina i taa fakalimaane pana mataa ina faxatangaana maana mo xapiak sina.

Matiu 25:12

A mataa aava xena tamai a sui nari, ‘Piau paaliu! Ne pife texaas semi.’”

Matiu 25:40

“E a king aave i taa sui nari, ‘Tuuna, ne xuus nami, layaan mi xavang a saxa tiak o vasaak naapalaan nane pife matalava, mi taxa xavangau vaxa!’

Matiu 25:45

“E i taa sui nari, ‘Ne xuus tuunei nami, layaan mi bai xavang a saxa aava mataa palau mon, mi bai xavangau vaxa.’

Matiu 5:26

Ne xuus tuunei nano o no taa pife mulus tapinan fefexaxaas no taa sui xapin a maana faat xapiak.

Matiu 6:16

“Layaan mi falfaal, muta falet xolai pana nonau kanamsaat malaan sena mu xalema maranga. Ri falet xolai pana nonau vusiit talo mu rabuna ri taa xalum nari o ri taxa falfaal. Ne xuus tuunei nami o a Piran i taa pife tavai nari pan' ta sepirigus fulaa.

Matiu 6:2

“E voxo, layaan mi xavang a mu valagof, muta kuusane pana piifaana tafiu malaan sena mataa xalemana maranga. Senaso nari, ri vil malaane la lifu ina faxuvulan siri e la salan talo a mu rabuna aava ri xalum nari, ri taa faatulan nari. Ne xuus tuunei nami o a Piran taa pife tavai nari pan' ta sepirigus fulaa.

Matiu 8:10

Layaan na Yesus a langai pana mo aanabe' a ipul faagut sena e a kuus xe sina mu rabuna aava ri waan xuvul pana, “Ne xuus tuunei nami, ne pi titingin ta saxa pe Israel pana namkaian malaanabe'.

Maak 10:15

Tuuna paaliu ne xuus nami, nase' ta mataa i taa pife lamon pana laak lana fatataganan sina Piran malaan sena mu rafulak aanabe', i taa pife laak lana.”

Maak 10:29

E na Yesus a sui a ferawaian aanabe', “Ne kuus tuuna, nase' ta mataa i taa ta'ulan a lifu sina e i taa ta'ulan a vasaana o tina o ninana o tamana o mu rafulak sina e i taa ta'ulan a bina sina o xavala sina e i taa ta'ulan a maana mo xapiak soxotau e xana Lagasai Roxo;

Maak 11:23

Ne xuus tuunei nami, tamo ta mataa pana namkaian tateak faroxo i taa farawei a put aanabe' malaan, ‘Falet e lalaas du xe pe la laman’ e a put i taa vile. Nase' ta mataa rao i taa vil malaane, tamo i taa namkai faagut pana, a vubuxanan sina i taa savat.

Maak 12:43

E na Yesus a xel a mu fefeng sina e xuus nari malaan, “Ne kuus tuuna paaliu xe simi, a tefin aapave a tavai a Piran pana faat molava sena maana xasano rabuna.

Maak 13:30

Tuuna, ne xuus tuunei nami o a saxano rabuna aanabe' ri taa pife maat lunai e maana mo aava ne fo xuus nami pana, ri taa savat.

Maak 14:18

E layaan nari xapiak ri taxa mati fafangan na Yesus a xuus nari, “Ne kuus tuuna, a saxa mataa nabe' la palou itaara i taa pet lisanau xe la mana mu matalava sina mu Juda. A saxa ti la palou imi aava i taxa fangan xuvul paga.”

Maak 14:25

Ne kuus tuuna o ne taa pife num a wain fulaa fefexaxaas ne taa num a wain fa'ui xuvul pami lana fatataganan sina Piran.”

Maak 14:30

E na Yesus a suie malaan, “Ne kuus tuuna, tanin, lana vung aanabe' nano sang mon no taa kuus o no pife texaas sega. E no taa kuus malaan faatalatul paamuina pura i taa rawei faataragua.”

Maak 14:9

A tuuna paaliu ne xuus nami, a so ta bina aava Lagasai Roxo siak i taa savat lana, a mu rabuna ri taa langai a vilaana roxo a tefin aanabe' fo vile. A vilaana sina i taa pife malufan.”

Maak 3:28

Ne xuus tuunei nami, a Piran sang mon i taa lamon tapin a mo mosaat e mu ferawaian saat aava mu rabuna ri vile.

Maak 6:11

E tamo mu rabuna ti la saxano bina ri taa pife suaian name o taa langai pesalai seme, me taa ta'ulan a bina aave e layaan me taa falet me taa saf tapin a pof ti xuluna kame. Senaso a pof aave i taa fakalimaan o vilaana saat siri taxa waan lunai.”

Maak 8:12

E nane a maagus faagut la vilau ina e kuus malaan, “Xenaso a mu rabuna malaan se' mi vubuk seng a fakalimaanan? Ne kuus tuuna paaliu o piau ta fakalimaanan i taa savat xe simi.”

Maak 9:1

E nane xuus nari, “Ne xuus tuunei nami, saxano rabuna aava ri taxa tigina la palou itaara tanin, ri taa pife maat lunai layaan a fatataganan sina Piran taa savat pana gutan.”

Maak 9:41

E nase' ta mataa i taa tavai a saxa la palou imi pana raarum marafut senaso mi usiau, na Krais, a mataa aave i taa siak tuunei a sepirigus xana.

Luuk 11:51

layaan na Kein a punuk na tina, na Ebal, fefexaxaas a yaan ri punuk na Sekaraia la palou ina ivin ina faraaman e nobina taap sina Piran lana lifu lotu. Tuuna ne xuus nami, a mu rabuna ti tanin ri taa waan lapaana vupunoian ina maana mo aanabe'.

Luuk 12:37

Layaan a mataa tafuna mu sisiak i taa savatmaan i taa mo roxo paaliu tamo mu sisiak sina ri taxa waan bange e ri pife matef. Ne xuus tuunei nami o i taa falak a marapi ina sisiak e i taa fanei nari la ivin ina fanganan e i taa faigotan a fanganan xari e taa sisiak siri.

Luuk 13:35

Kaalum, a bina simi i taa kawaasanan. Ne xuus nami o mi taa pife xalum fulanau fefexaxaas a yaan mi taa kuus, ‘A Piran i taa tavai a mataa aava savat lapaana tateaxan ina Memai pana roxoyan.’”

Luuk 16:17

A fexaxaas o a xunavata e xavala re taa malit taasaxa piau ta xavil modak ina xakalayan ina vuputkai i taa malit.

Luuk 18:17

Ne kuus tuuna, nase' ta mataa a pife namkai malaan sena lak dak, i taa pife waan lana fatataganan sina Piran.”

Luuk 18:29

E na Yesus a kuus xe siri, “Ne kuus tuuna, nase' ta mataa a ta'ulan a lifu o tefin o mu tina o mu vasaana o mu rafulak sina xena vil a faisok sina Piran

Luuk 23:43

E na Yesus a suie, “Ne xuus tuunei nano, tanin mon no taa waan xuvul paga la bina roxo, Paradais.”

Luuk 4:24

Nane ferawai fulaa e a kuus, “Ne kuus tuuna, a mataa ina kuus fatuxai xo, a mu rabuna ti la fufubina sina, ri taa tisuie.

A Lagasai Roxo Na Jon A Xaleie 1:51

E mui a xuus fulane, “Tuuna paaliu, no taa xalum a xunavata i taa talakas e mu angelo sina Piran ri taxa laak xe pave e sivimaan xuluna Natuna Mataa.”

A Lagasai Roxo Na Jon A Xaleie 10:1

“A ferawaian aanabe' a tuuna, a mataa aava pife laak la matana vaafa xe lana nobina ina mu sipsip taasaxa nane fani a vaafa o laak la xasano bina patak, nane ve a mataa ina fenau e a saat.

A Lagasai Roxo Na Jon A Xaleie 10:7

E voxo na Yesus a kuus fulaa, “Ne xuus tuunei nami, nenia ve ne matana bina sina mu sipsip.

A Lagasai Roxo Na Jon A Xaleie 12:24

Ne xuus tuunei nami, a kam ina ʻwiitʼ i taa pife xaves tamo i taa pife poxo xe lana xavala e maat. Taasaxa layaan i taa du lana xavala i taa boak e fuaa pana kam xaves.

A Lagasai Roxo Na Jon A Xaleie 13:16

Ne kuus tuuna, a yaasok pife lava sena mataa tafuna e a fefeng pife lava sena mataa aava fo fenge.

A Lagasai Roxo Na Jon A Xaleie 13:38

Na Yesus a suie, “No kuus tuuna o no taa solisan a taam xena xavangau? Tuuna paaliu a pura taa pife taliskukuk lunai e no taa kuus faatalatul o no pife texaas sega.

A Lagasai Roxo Na Jon A Xaleie 14:12

A tuuna paaliu ne xuus nami, nane aava taxa namkai sega, nane vaxa a fexaxaas sena vil a mu faisok fa'ipul aava nenia, ne taxa vile. E vaxa naak i taa vil a mo fa'ipul molava seri senaso ne taxa falet xe si Tamataara.

A Lagasai Roxo Na Jon A Xaleie 16:20

Ne xuus tuunei nami, mi taa mamaaluk e mi taa taangiis taasaxa a mu rabuna ti la xavala ri taa faamamaas; mi taa nasam a mamaxusan la xunus imi taasaxa mamaxusan simi taa fasavat a faamamaasan molava.

A Lagasai Roxo Na Jon A Xaleie 16:23

La yaan aapave mi taa bai finau pana saxano fiaian. Ne xuus tuunei nami layaan mi taa fenung xe si Tamataara pana saxa mo lapaana isaak, i taa tavai nami pana mo aave.

A Lagasai Roxo Na Jon A Xaleie 21:18

Ne xuus tuunei nano, layaan no pife matalava no falak a marapi siim xa e no fo paan xe la so ta bina no vubuxane; taasaxa layaan no taa vaiak no taa ngangai a maam e xasa mataa taa fafalak nano pana marapi siim e i taa paamuian nano xe la saxa bina aava no bai falet xe lana.”

A Lagasai Roxo Na Jon A Xaleie 3:11

Tuuna paaliu ne xuus nano, maam ferawai sena maana mo maam texaas sena e kuus pana maana mo maam fo xalume taasaxa piau ta saxa simi fesiak tuunei a kuusan simaam.

A Lagasai Roxo Na Jon A Xaleie 3:3

Na Yesus a suie, “Tuuna paaliu ne xuus nano, tamo ta mataa i taa pife luxan fulaa ti laa'ui, i taa pife xalum a fatataganan sina Piran.”

A Lagasai Roxo Na Jon A Xaleie 3:5

E na Yesus a sui fulane, “Tuuna paaliu ne xuus nano, tamo ta mataa a pife luluk pana raarum e pana Vovau nane pife fexaxaas sena laak lana fatataganan sina Piran.

A Lagasai Roxo Na Jon A Xaleie 5:19

Na Yesus a xuus fulan nari, “Tuuna paaliu ne xuus nami, na Natuna mon, a pife fexaxaas sena vil ta saxa mo. Nane a fexaxaas i taa vil a mo aava nane fo xalum na Tamana vile. E voxo so ta vilaana na Tamana taxa vile, na Natuna taa usie sait.

A Lagasai Roxo Na Jon A Xaleie 6:26

Na Yesus a sui nari malaan, “Tuuna paaliu ne xuus nami, mi pife sengau senaso mi xalum a mo fa'ipul ne vile. Taasaxa mi sengau senaso mi fo ngan a bret pave e mi maasi.

A Lagasai Roxo Na Jon A Xaleie 6:32

Na Yesus a xuus nari, “Ne taa xuus tuunei nami pana fufuna ferawaian aave, na Moses pife tavai nami pana bret ti la xunavata, taasaxa a malaan, na Tamaang i taxa tavai nami pana bret tuuna ti la xunavata.

A Lagasai Roxo Na Jon A Xaleie 6:47

Ne xuus tuunei nami, nane aava namkai i taa toxan a toyan vulai, vulai.

A Lagasai Roxo Na Jon A Xaleie 6:53

E na Yesus a xuus fulan nari, “Ne taxa xuus tuunei nami, tamo mi pife ngan a meska ina Natuna Mataa e mi pife num a ria ina, mi taa piau ta toyan tuuna.

A Lagasai Roxo Na Jon A Xaleie 8:34

Na Yesus a xuus fulan nari, “Tuuna paaliu ne xuus nami, nase' ta mataa a faasaal, nane ve a sisiak sina faasaalan.

A Lagasai Roxo Na Jon A Xaleie 8:51

Ne xuus tuunei nami, layaan ta mataa i taa usi fatak a ferawaian siak a maatan i taa pife siaxe.”

A Lagasai Roxo Na Jon A Xaleie 8:58

Na Yesus a xuus nari, “A tuuna paaliu, ne xuus nami: paamuina luluuxan si Abrahem nenia, ne fo waan!”

Kuusan Fasavatan 20:11

E ne ti kaalum e ne xalum a saxa ivin lava pasak. E Saxa malaan sena mataa taxa nai xuluna. A xavala e mu vata ri pife fexaxaas sena waan la nobina sina e ri malit paaliu, ri pife savat fulaa.